ദുബൈ, അബൂദബി വിമാനത്താവളങ്ങളിലേക്ക്​ പ്രവേശനം ഇൗ എമിറേറ്റുകളിലെ വിസക്കാർക്ക്​ ​മാത്രം

ദുബൈ: ദുബൈ വിസയുള്ളവർക്ക്​ മാത്രമായിരിക്കും ദുബൈ വിമാനത്താവളത്ത​ിലേക്ക്​ പ്രവേശനം എന്ന്​ എയർ ഇന്ത്യ എക്​സ്​പ്രസ്​ അറിയിച്ചു.

അബൂദബി വിസക്കാർക്ക്​ മാത്രമായിരിക്കും അബൂദബി വിമാനത്താവളത്തിൽ ഇറങ്ങാൻ കഴിയുക. ആഗസ്​റ്റ്​ അഞ്ചിന്​ മുൻപെടുത്ത പെർമിഷൻ ജി.ഡി.ആർ.എഫ്​.എ അംഗീകരിക്കില്ലെന്നും പുതിയ പെർമിഷൻ എടുക്കണമെന്നും അധികൃതർ അറിയിച്ചു.

ഇതോടെ മറ്റ്​ എമിറേറ്റിലുള്ളവർ ഷാർജയിലേക്കോ റാസൽഖൈമയിലേക്കോ ടിക്കറ്റെടുക്കേണ്ടി വരും. എയർ ഇന്ത്യ എക്​സ്​പ്രസ്​ പുറത്തിറക്കിയ പുതിയ സർക്കുലറിലാണ്​ ഇക്കാര്യം വ്യക്​തമാക്കുന്നത്​.

ഇതോടെ, ദുബൈ, അബൂദബി വിമാനത്താവളങ്ങളിലേക്ക്​ നേരത്തെ ടിക്കറ്റെടുത്ത മറ്റ്​ എമിറേറ്റിലുള്ളവർ പ്രതിസന്ധിയിലായി. എന്നാൽ, ​ൈഫ്ല ദുബൈ ഉൾ​െപടെയുള്ളവർ ടിക്കറ്റ്​ മാറ്റി നൽകുന്നുണ്ടെന്നാണ്​ അറിയാൻ കഴിഞ്ഞത്​.

ദുബൈയിലെത്തുന്നവർ ജി.ഡി.ആർ.എഫ്​.എയുടെ വെബ്​സൈറ്റ്​ വഴിയും അബൂദബി ഉ​ൾപെടെ മറ്റ്​ എമിറേറ്റിലുള്ളവർ ​െഎ.സി.എയുടെ വെബ്​സൈറ്റ്​ വഴിയും അനുമതി തേടണം.