സ​ർ​ക്കാ​റി​ന്റെ ഡി​ജി​റ്റ​ൽ സേ​വ​ന​ങ്ങ​ൾ​ക്ക്​ എ.​ഐ പി​ന്തു​ണ; ഡി​ജി​റ്റ​ൽ ന​യം അ​വ​ത​രി​പ്പി​ച്ച്​ അ​ബൂ​ദ​ബി

അ​ബൂ​ദ​ബി: സ​ർ​ക്കാ​റി​ന്‍റെ മു​ഴു​വ​ൻ ഡി​ജി​റ്റ​ൽ സേ​വ​ന​ങ്ങ​ളും നി​ർ​മി​ത ബു​ദ്ധി (എ.​ഐ) പി​ന്തു​ണ​യി​ൽ പ്ര​വ​ര്‍ത്തി​ക്കു​ന്ന ലോ​ക​ത്തി​ലെ ആ​ദ്യ സ​ര്‍ക്കാ​രാ​വാ​ൻ ഒ​രു​ങ്ങി​ അ​ബൂ​ദ​ബി. ‘അ​ബൂ​ദ​ബി ഗ​വ​ൺ​മെ​ന്‍റ്​ ഡി​ജി​റ്റ​ൽ സ്​​ട്രാ​റ്റ​ജി 2025-2027’ എ​ന്ന പേ​രി​ൽ പു​തി​യ ന​യം പ്ര​ഖ്യാ​പി​ച്ചു. ഡി​ജി​റ്റ​ൽ സേ​വ​ന രം​ഗ​ത്ത്​ എ.​ഐ​യു​ടെ പ​ങ്ക്​ വ​ർ​ധി​പ്പി​ക്കു​ന്ന​തി​നാ​യി പു​തി​യ സാ​​ങ്കേ​തി​ക വി​ദ്യ​ക​ളും ന​വീ​ന ആ​ശ​യ​ങ്ങ​ളും സ്വാ​യ​ത്ത​മാ​ക്കു​ന്ന​തി​നാ​യി 13,00 കോ​ടി ദി​ർ​ഹം നി​ക്ഷേ​പി​ക്കും. ക്ലൗ​ഡ് ക​മ്പ്യൂ​ട്ടി​ങ്​ സം​വി​ധാ​നം വി​ക​സി​പ്പി​ക്കു​ന്ന​തി​നാ​ണ്​ ഈ ​നി​ക്ഷേ​പം. ഇ​തി​നാ​യി അ​ബൂ​ദ​ബി​യും മൈ​ക്രോ​സോ​ഫ്റ്റും ജി42​ന്‍റെ ഉ​പ​ക​മ്പ​നി​യാ​യ കോ​ര്‍ 42ഉം ​ത​മ്മി​ൽ ക​രാ​ര്‍ ഒ​പ്പു​വെ​ച്ചു.

2027ഓ​ടെ സ​ര്‍ക്കാ​രി​ന്‍റെ മു​ഴു​വ​ന്‍ പ്ര​വ​ര്‍ത്ത​ന​ങ്ങ​ളും എ.​ഐ പി​ന്തു​ണ​യോ​ടെ പ്ര​വ​ർ​ത്തി​ക്കു​ന്ന ഡി​ജി​റ്റ​ൽ സം​വി​ധാ​ന​മാ​ക്കി മാ​റ്റു​ക​യെ​ന്ന പ​ദ്ധ​തി പ്രാ​വ​ര്‍ത്തി​ക​മാ​ക്കു​ക​യാ​ണ് ക​രാ​റി​ന്‍റെ ല​ക്ഷ്യം. സ​ർ​ക്കാ​ർ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​തി​നാ​യി ക്ലൗ​ഡ്​ ക​മ്പ്യൂ​ട്ടി​ങ്ങി​ന്‍റെ 100 ശ​ത​മാ​നം സ്വീ​കാ​ര്യ​ത കൈ​വ​രി​ക്കു​ക, 100 ശ​ത​മാ​നം ന​ട​പ​ടി​ക​ളും ഡി​ജി​റ്റ​ലൈ​സ്​ ചെ​യ്യു​ക, ശ​ക്​​ത​മാ​യ ഡി​ജി​റ്റ​ൽ അ​ടി​സ്ഥാ​ന സൗ​ക​ര്യ​ങ്ങ​ൾ സ്ഥാ​പി​ക്കു​ക തു​ട​ങ്ങി​യ​വ​യാ​ണ്​ പു​തി​യ ന​യം മു​ന്നോ​ട്ടു​വെ​ക്കു​ന്ന​ത്. എ​ല്ലാ പ​ദ്ധ​തി​ക​ൾ​ക്കും എ.​ഐ സാ​​ങ്കേ​തി​ക വി​ദ്യ ല​ഭ്യ​മാ​ക്കു​ന്ന​തി​നാ​യി എ.​ഐ ആ​പ്ലി​ക്കേ​ഷ​നു​ക​ളി​ൽ പൗ​ര​ൻ​മാ​ർ​ക്ക്​ പ​രി​ശീ​ല​നം ന​ൽ​കു​ന്ന​തി​നും ശാ​ക്​​തീ​ക​രി​ക്കു​ന്ന​തി​നും അ​ബൂ​ദ​ബി സ​ർ​ക്കാ​ർ നി​ക്ഷേ​പം ന​ട​ത്തും. കൂ​ടാ​തെ മു​ഴു​വ​ൻ സ​ർ​ക്കാ​ർ സേ​വ​ന​ങ്ങ​ളി​ലു​ട​നീ​ളം 200ല​ധി​കം നൂ​ത​ന​മാ​യ എ.​ഐ പ​രി​ഹാ​ര മാ​ർ​ഗ​ങ്ങ​ൾ വി​ക​സി​പ്പി​ക്കും. ഗ​വ​ണ്‍മെ​ന്‍റ്​ എ​നേ​ബി​ള്‍മെ​ന്‍റ്​ വ​കു​പ്പ് ചെ​യ​ര്‍മാ​ന്‍ അ​ഹ​മ്മ​ദ് ത​മീം അ​ല്‍ കു​ത്ത​ബ്, മൈ​ക്രോ​സോ​ഫ്റ്റ് ചെ​യ​ര്‍മാ​നും സി.​ഇ.​ഒ​യു​മാ​യ സ​ത്യ ന​ദെ​ല്ല, ജി42 ​ഗ്രൂ​പ്പ് സി.​ഇ.​ഒ പെ​ങ് സി​യാ​വോ എ​ന്നി​വ​രാ​ണ് ക​രാ​റി​ല്‍ ഒ​പ്പു​വ​ച്ച​ത്.

അ​ബൂ​ദ​ബി ഉ​പ ഭ​ര​ണാ​ധി​കാ​രി​യും ആ​ര്‍ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍സ് ആ​ന്‍ഡ് അ​ഡ്വാ​ന്‍സ്ഡ് ടെ​ക്‌​നോ​ള​ജി കൗ​ണ്‍സി​ല്‍ ചെ​യ​ര്‍മാ​നു​മാ​യ ശൈ​ഖ് ത​ഹ്നൂ​ൻ ബി​ന്‍ സാ​യി​ദ് ആ​ല്‍ ന​ഹ്​​യാ​നും ച​ട​ങ്ങി​ല്‍ സം​ബ​ന്ധി​ച്ചു. മൈ​ക്രോ​ഫോ​സ്റ്റി​ന്‍റെ ക്ലൗ​ഡ് സാ​ങ്കേ​തി​ക​വി​ദ്യ​ക​ളും ജി42​ന്‍റെ എ.​ഐ മി​ക​വും സ​ര്‍ക്കാ​രി​ന്‍റെ ന​യ​ങ്ങ​ളും സ​മ​ന്വ​യി​പ്പി​ച്ച് ശ​ക്ത​വ​ത്താ​യ ഒ​രു ഡി​ജി​റ്റ​ൽ പ്ലാ​റ്റ്‌​ഫോം സ​ജ്ജ​മാ​ക്കി സ​ര്‍ക്കാ​ര്‍ സേ​വ​ന​ങ്ങ​ളെ പു​ന​ര്‍നി​ര്‍വ​ചി​ക്കു​ക​യാ​ണ് പ​ദ്ധ​തി​യി​ലൂ​ടെ ചെ​യ്യു​ക​യെ​ന്ന് അ​ല്‍ കു​ത്ത​ബ് പ​റ​ഞ്ഞു. ലോ​ക​ത്തി​ലെ ആ​ദ്യ​ത്തെ എ.​ഐ പി​ന്തു​ണ​യോ​ടെ പ്ര​വ​ർ​ത്തി​ക്കു​ന്ന സ​ര്‍ക്കാ​രാ​യി മാ​റാ​നു​ള്ള അ​ബൂ​ദ​ബി​യു​ടെ ല​ക്ഷ്യ​ത്തി​ന് പി​ന്തു​ണ ന​ല്‍കു​മെ​ന്ന് സ​ത്യ ന​ദെ​ല്ല പ​റ​ഞ്ഞു. അ​ബൂ​ദ​ബി സ​ര്‍ക്കാ​രി​ന്‍റെ താം ​പ്ലാ​റ്റ്‌​ഫോ​മി​നെ ന​വീ​ക​രി​ച്ച് സ​ർ​ക്കാ​ർ ഓ​ഫി​സു​ക​ളി​ലേ​ക്ക്​ ഉ​പ​ഭോ​ക്തൃ​സ​ന്ദ​ര്‍ശ​നം 90 ശ​ത​മാ​നം വ​രെ കു​റ​യ്ക്കാ​നും ഇ​ട​പാ​ടു​ക​ളു​ടെ 73 ശ​ത​മാ​ന​വും ഉ​ട​ന​ടി പൂ​ര്‍ത്തി​യാ​ക്കാ​നും പ​ദ്ധ​തി സ​ഹാ​യി​ക്കും.