യാ​ത്ര​ക്കാ​രെ ദി​വ​സം മു​ഴു​വ​ൻ വ​ട്ടം ക​റ​ക്കി എ​യ​ർ ഇ​ന്ത്യ ദു​ബൈ–മും​ബൈ വി​മാ​നം

ദു​ബൈ: പ്രാ​യ​മാ​യ​വ​രും രോ​ഗി​ക​ളും സ്ത്രീ​ക​ളും കു​ട്ടി​ക​ളു​ൾ​പ്പെ​ടെ 200ൽ​പ​രം യാ​ത്ര​ക്കാ​രെ ഒ​രു ദി​വ​സം മു​ഴു​വ​ൻ ദു​രി​ത​ത്തി​ലാ​ക്കി​യ എ​യ​ർ​ഇ​ന്ത്യ വി​മാ​നം ഒ​ടു​വി​ൽ ദു​ബൈ​യി​ൽ​നി​ന്ന് മും​ബൈ​യി​ലേ​ക്ക് പ​റ​ന്നു. എ​യ​ർ ഇ​ന്ത്യ ഡ്രീം​ലൈ​ന​ർ വി​മാ​ന​മാ​ണ് 24 മ​ണി​ക്കൂ​ർ യാ​ത്ര​ക്കാ​രെ വ​ട്ടം ക​റ​ക്കി​യ​ത്. ദു​ബൈ​യി​ൽ​നി​ന്ന് മും​ബൈ​യി​ലേ​ക്ക് വ്യാ​ഴാ​ഴ്ച 12ന്​ ​പു​റ​പ്പെ​ടേ​ണ്ട വി​മാ​നം ദു​ബൈ​യി​ൽ​നി​ന്ന് പു​റ​പ്പെ​ട്ട​ത് വെ​ള്ളി​യാ​ഴ്ച ഉ​ച്ച​ക്ക് 12.10ഓ​ടെ മാ​ത്രം.

വ്യാ​ഴാ​ഴ്ച യാ​ത്ര​ക്ക് ത​യാ​റാ​യി വ​ന്ന​വ​ർ​ക്ക് ല​ഭി​ച്ച​ത് ചെ​റി​യ സാ​ങ്കേ​തി​ക പ്ര​ശ്ന​മു​ണ്ടെ​ന്നും ര​ണ്ടു മ​ണി​ക്കൂ​ർ വൈ​കി മാ​ത്ര​മേ പു​റ​പ്പെ​ടൂ എ​ന്നു​മു​ള്ള വി​വ​ര​മാ​യി​രു​ന്നു. എ​ട്ടു മ​ണി​ക്കൂ​റു​ക​ൾ ക​ഴി​ഞ്ഞി​ട്ടും യാ​ത്ര തു​ട​രാ​നാ​വാ​തെ വ​ന്ന​തോ​ടെ അ​ധി​കൃ​ത​രെ സ​മീ​പി​ച്ചെ​ങ്കി​ലും എ​പ്പോ​ൾ പു​റ​പ്പെ​ടു​മെ​ന്ന​ത് സം​ബ​ന്ധി​ച്ച് ഒ​രു വി​വ​ര​വും ന​ൽ​കാ​ൻ അ​ധി​കൃ​ത​ർ ത​യാ​റാ​യി​ല്ലെ​ന്ന് യാ​ത്ര​ക്കാ​ർ കു​റ്റ​പ്പെ​ടു​ത്തി.

ഇ​തി​നി​ടെ ചി​ല യാ​ത്ര​ക്കാ​ർ ടി​ക്ക​റ്റ് കാ​ൻ​സ​ൽ ചെ​യ്ത് മ​ട​ങ്ങി​യെ​ങ്കി​ലും തി​ര​ക്കി​ട്ട യാ​ത്ര​ക്കാ​യി വ​ന്ന​വ​രാ​ണ് ശ​രി​ക്കും വ​ല​ഞ്ഞ​ത്. സ​ന്ദ​ർ​ശ​ക വി​സ​യി​ലെ​ത്തി തി​രി​ച്ചു​പോ​കു​ന്ന​വ​രും ഇ​ക്കൂ​ട്ട​ത്തി​ലു​ണ്ടാ​യി​രു​ന്നു. സ​ന്ദ​ർ​ശ​ക വി​സ കാ​ലാ​വ​ധി ക​ഴി​ഞ്ഞ​തി​നാ​ൽ യാ​ത്ര റ​ദ്ദാ​ക്കു​ക​യാ​ണെ​ങ്കി​ൽ വീ​ണ്ടും വി​സ​യെ​ടു​ക്കേ​ണ്ട​തു​ൾ​പ്പെ​ടെ പ്ര​ശ്ന​ങ്ങ​ളും പ​ല​രും നി​ര​ത്തി. പ​രീ​ക്ഷ, ക​ല്യാ​ണം ഉ​ൾ​പ്പെ​ടെ കാ​ര്യ​ങ്ങ​ൾ​ക്കാ​യി പു​റ​പ്പെ​ട്ട​വ​രും പ്ര​തി​സ​ന്ധി​യി​ലാ​യി.

അ​ധി​കൃ​ത​ർ യാ​ത്ര​ക്കാ​ർ​ക്ക് താ​മ​സ​സൗ​ക​ര്യ​മേ​ർ​പ്പെ​ടു​ത്തി​യെ​ങ്കി​ലും അ​വി​ടെ​യും പ്ര​തി​സ​ന്ധി തു​ട​ർ​ന്നു. 18 മ​ണി​ക്കൂ​ർ പി​ന്നി​ട്ട​പ്പോ​ഴാ​ണ് ഭ​ക്ഷ​ണം പോ​ലും ല​ഭി​ച്ച​തെ​ന്ന് യാ​ത്ര​ക്കാ​ർ ആ​രോ​പി​ച്ചു. എ​ന്നാ​ൽ, ബോ​ർ​ഡി​ങ് പാ​സ് ന​ൽ​കി​യ യാ​ത്ര​ക്കാ​ർ​ക്കെ​ല്ലാം കൃ​ത്യ​മാ​യി വി​വ​ര​ങ്ങ​ൾ ന​ൽ​കി​യ​താ​യും സ​ർ​വി​സ് ന​ട​ത്താ​നാ​വാ​ത്ത വി​ധം സാ​ങ്കേ​തി​ക ത​ക​രാ​ർ നേ​രി​ട്ട​തി​നാ​ൽ യാ​ത്ര​ക്കാ​ർ​ക്ക് താ​മ​സ​സൗ​ക​ര്യ​മേ​ർ​പ്പെ​ടു​ത്തി​യി​രു​ന്ന​താ​യും എ​യ​ർ ഇ​ന്ത്യ അ​ധി​കൃ​ത​ർ അ​റി​യി​ച്ചു.