തിരക്കേറിയ വിമാനത്താവളം: ഒന്നാം സ്​ഥാനം നിലനിർത്തി ദുബൈ

ദു​ബൈ: കൂ​ടു​ത​ൽ രാ​ജ്യാ​ന്ത​ര യാ​ത്ര​ക്കാ​ർ സ​ഞ്ച​രി​ച്ച വി​മാ​ന​ത്താ​വ​ള​മെ​ന്ന പ​കി​ട്ട്​ ദു​ബൈ അ​ന്താ ​രാ​ഷ്​​ട്ര വി​മാ​ന​ത്താ​വ​ളം നി​ല​നി​ർ​ത്തി. 86.4 ദ​ശ​ല​ക്ഷം യാ​ത്ര​ക്കാ​രാ​ണ്​ 2019ൽ ദു​ബൈ വി​മാ​ന​ത്താ​വ​ളം വ ​ഴി സ​ഞ്ച​രി​ച്ച​ത്. തു​ട​ർ​ച്ച​യാ​യ ആ​റാം വ​ർ​ഷ​മാ​ണ്​ ദു​ബൈ റെ​ക്കോ​ഡ്​ സ്വ​ന്ത​മാ​ക്കു​ന്ന​ത്. എ​ന്നാ​ൽ, 2018നെ ​അ​പേ​ക്ഷി​ച്ച്​ 3.1 ശ​ത​മാ​നം കു​റ​വ്​ യാ​ത്ര​ക്കാ​രാ​ണ്​ 2019ലെ​ത്തി​യ​ത്. 2018ൽ​ 89.1 ​ദ​ശ​ല​ക്ഷം യാ​ത്ര​ക്കാ​ർ വി​മാ​ന​ത്താ​വ​ളം വ​ഴി ക​ട​ന്നു​പോ​യി​രു​ന്നു. അ​റ്റ​കു​റ്റ​പ്പ​ണി​ക​ൾ​ക്കാ​യി റ​ൺ​വേ​യു​ടെ ഒ​രു​ഭാ​ഗം അ​ട​ച്ച​തും ഇ​ന്ത്യ​യി​ൽ​നി​ന്നു​ള്ള ജെ​റ്റ്​ എ​യ​ർ​വേ​സ് സ​ർ​വി​സു​ക​ൾ റ​ദ്ദാ​ക്കി​യ​തു​മാ​ണ്​​​ യാ​ത്ര​ക്കാ​രു​ടെ എ​ണ്ണം കു​റ​യാ​ൻ കാ​ര​ണം.

ഇ​തു​മൂ​ലം വി​മാ​ന​ങ്ങ​ളു​ടെ​യും കാ​ർ​ഗോ​യു​ടെ​യും എ​ണ്ണ​ത്തി​ലും കു​റ​വു​ണ്ടാ​യി​ട്ടു​ണ്ട്. കൂ​ടു​ത​ൽ യാ​ത്ര​ക്കാ​ർ എ​ത്തി​യ​ത്​ ഇ​ന്ത്യ​യി​ൽ​നി​ന്നാ​ണ്. ക​ഴി​ഞ്ഞ​വ​ർ​ഷം 11.9 ദ​ശ​ല​ക്ഷം ഇ​ന്ത്യ​ൻ യാ​ത്ര​ക്കാ​രാ​ണ്​ ദു​ബൈ വി​മാ​ന​ത്താ​വ​ളം വ​ഴി സ​ഞ്ച​രി​ച്ച​ത്. 6.3 ദ​ശ​ല​ക്ഷം യാ​ത്ര​ക്കാ​രു​ള്ള സൗ​ദി അ​റേ​ബ്യ​യാ​ണ്​ ര​ണ്ടാം സ്​​ഥാ​ന​ത്ത്. ഇ​ന്ത്യ​യി​ൽ മും​ബൈ​യി​ൽ​നി​ന്നാ​ണ്​ കൂ​ടു​ത​ൽ യാ​ത്ര​ക്കാ​രും - 2.3 ദ​ശ​ല​ക്ഷം.