ഡി​ജി​റ്റ​ല്‍ പു​തു​മ​ക​ളോ​ടെ അ​ജ്മാ​ന്‍ മ്യു​സി​യം

അ​ജ്​​മാ​ൻ: രാ​ജ്യ​ത്തി​ന്‍റെ പൗ​രാ​ണി​ക ച​രി​ത്രം വി​ളി​ച്ചോ​തു​ന്ന കേ​ന്ദ്ര​മാ​ണ് അ​ജ്മാ​നി​ലെ മ്യു​സി​യം. ഡി​ജി​റ്റ​ല്‍ സം​വി​ധാ​ന​ങ്ങ​ളു​ടെ അ​ക​മ്പ​ടി​യോ​ടെ പൗ​രാ​ണി​ക ച​രി​ത്ര​ങ്ങ​ള്‍ പു​തു ത​ല​മു​റ​ക്ക് പ​ക​ര്‍ന്നു ന​ല്‍കു​ന്ന സം​വി​ധാ​നം ഒ​രു​ക്കി​യി​രി​ക്കു​ക​യാ​ണ് ഇ​വി​ടെ. അ​റ​ബ് ജ​ന​ത​യു​ടെ പു​രാ​ത​ന കാ​ല​ത്തെ ജീ​വി​തം, സം​സ്കാ​രം, വ്യാ​പാ​ര സം​വി​ധാ​ന​ങ്ങ​ള്‍, ചി​കി​ത്സ രീ​തി​ക​ള്‍ തു​ട​ങ്ങി​യ കാ​ര്യ​ങ്ങ​ള്‍ പു​തു ത​ല​മു​റ​ക്ക് പ​ക​ര്‍ന്നു ന​ല്‍കു​ന്ന​താ​ണ് മ്യു​സി​യ​ത്തി​ലെ കാ​ഴ്ച്ച​ക​ള്‍. ഈ ​ച​രി​ത്ര സം​ഭ​വ​ങ്ങ​ളെ ഡി​ജി​റ്റ​ല്‍ സം​വി​ധാ​ന​ങ്ങ​ളു​ടെ സ​ഹാ​യ​ത്താ​ല്‍ സ​ന്ദ​ര്‍ശ​ക​ര്‍ക്ക് വി​വ​രി​ച്ചു ന​ല്‍കു​ന്ന പു​തി​യ സം​വി​ധാ​ന​മാ​ണ്​ പു​തു​താ​യി ഒ​രു​ക്കി​യ​ത്. വി​വി​ധ വി​ഭാ​ഗ​ങ്ങ​ളി​ലാ​യി ഒ​രു​ക്കി​യ ച​രി​ത്ര സം​ഭ​വ​ങ്ങ​ളെ​ക്കു​റി​ച്ച വി​വ​ര​ണ​ങ്ങ​ള്‍ അ​താ​ത് മേ​ഖ​ല​ക​ളി​ല്‍ സ്ഥാ​പി​ച്ചി​ട്ടു​ള്ള ഡി​ജി​റ്റ​ല്‍ സ്ക്രീ​നി​ലെ വി​വ​ര​ണ​ങ്ങ​ളി​ലൂ​ടെ സ​ന്ദ​ര്‍ശ​ക​ര്‍ക്ക് ല​ഭ്യ​മാ​കും. അ​ൽ മു​വൈ​ഹ​ത്ത് പ്ര​ദേ​ശ​ത്ത് നി​ന്ന് ക​ണ്ടെ​ടു​ത്ത ബി.​സി 2000 -2600 കാ​ല​യ​ള​വി​ലു​ള്ള ജ​ന​ത ഉ​പ​യോ​ഗി​ച്ചി​രു​ന്ന മ​ൺ​പാ​ത്ര​ങ്ങ​ളും ആ​ഭ​ര​ണ​ങ്ങ​ളും രേ​ഖ​ക​ളും ഈ ​മ്യു​സി​യ​ത്തി​ന്‍റെ പ്ര​ധാ​ന ആ​ക​ര്‍ഷ​ണ​മാ​ണ്. അ​ജ്മാ​ന്‍ ജ​ന​ത​യു​ടെ​യു​ടെ​യും ഭ​ര​ണാ​ധി​കാ​രി​ക​ളു​ടെ​യും ജീ​വി​ത​ച​രി​ത്രം പ്ര​ത്യേ​ക​മാ​യി ബി​ഗ്‌ സ്ക്രീ​നി​ല്‍ ഇ​വി​ടെ പ്ര​ദ​ര്‍ശി​പ്പി​ക്കു​ന്നു​ണ്ട്.

പൗ​രാ​ണി​ക​ത​യു​ടെ മ​ഹി​മ ന​ഷ്ട​പ്പെ​ടാ​തെ​യാ​ണ്​ അ​ജ്മാ​ന്‍ മ്യു​സി​യം സ​ജ്ജീ​ക​രി​ച്ച​ത്. അ​ജ്മാ​ന്‍ ന​ഗ​ര​ത്തോ​ട് അ​ടു​ത്ത് സ്ഥി​തി​ചെ​യ്യു​ന്ന ഈ ​മ്യു​സി​യ​ത്തി​ന്‍റെ കെ​ട്ടി​ടം പ​തി​നെ​ട്ടാം നൂ​റ്റാ​ണ്ടി​ല്‍ നി​ര്‍മ്മി​ച്ച​താ​ണ്. പ​ഴ​യ​കാ​ല​ത്ത് ഇ​ത് അ​ജ്മാ​ന്‍ ഭ​ര​ണാ​ധി​കാ​രി​യു​ടെ കൊ​ട്ടാ​ര​മാ​യി​രു​ന്നു. ഐ​ക്യ ഇ​മാ​റാ​ത്ത്​ നി​ല​വി​ല്‍ വ​ന്ന​തി​നു​ശേ​ഷം ഈ ​കെ​ട്ടി​ടം പൊ​ലീ​സ് സ്റ്റേ​ഷ​നാ​യി മാ​റ്റി. പി​ന്നീ​ടാ​ണ് ഈ ​കേ​ന്ദ്രം മ്യു​സി​യ​മാ​ക്കി മാ​റ്റു​ന്ന​ത്. 1991ൽ ​അ​ന്ത​രി​ച്ച യു.​എ.​ഇ രാ​ഷ്​​ട്ര​പ​തി ശൈ​ഖ് സാ​യി​ദ് ബി​ൻ സു​ൽ​ത്താ​ൻ ആ​ൽ ന​ഹ്​​യാ​നാ​ണ് അ​ജ്മാ​ൻ മ്യൂ​സി​യം ഔ​ദ്യോ​ഗി​ക​മാ​യി ആ​ദ്യം ഉ​ദ്ഘാ​ട​നം ചെ​യ്ത​ത്. ഏ​റെ പു​തു​മ​ക​ളോ​ടെ അ​ജ്മാ​ൻ കി​രീ​ടാ​വ​കാ​ശി​യും അ​ജ്മാ​ൻ എ​ക്‌​സി​ക്യൂ​ട്ടീ​വ് കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ് അ​മ്മാ​ർ ബി​ൻ ഹു​മൈ​ദ് അ​ൽ നു​ഐ​മി​യാ​ണ് മ്യൂ​സി​യം ക​ഴി​ഞ്ഞ ഏ​പ്രി​ലി​ല്‍ വീ​ണ്ടും തു​റ​ന്ന​ത്.