അജ്മാനിൽ ആറ് വെയർ ഹൗസുകൾ കത്തിനശിച്ചു

അജ്​മാൻ: അജ്മാനിൽ ആറു വെയർഹൗസുകൾ കത്തിനശിച്ചു. വ്യവസായിക മേഖലയിൽ പ്രവർത്തിക്കുന്ന വെയർഹൗസുകളാണ് ബുധനാഴ്ച പുലർച്ച കത്തി നശിച്ചത്. ഒരു വെയർഹൗസിലുണ്ടായ തീപിടിത്തം ശക്തമായ കാറ്റിനെ തുടർന്ന്​ മറ്റുള്ളവയിലേക്ക് പടരുകയായിരുന്നു. സംഭവ സ്ഥലത്തെത്തിയ സിവിൽ ഡിഫൻസ് കൂടുതൽ അപകടമുണ്ടാകാതെ തീ അണച്ചു. ആളപായം റിപ്പോർട്ട്​ ചെയ്തിട്ടില്ല. അപകട കാരണം വ്യക്തമല്ല.