ച​രി​ത്ര​മു​റ​ങ്ങു​ന്ന അ​ൽ ബ​സ്​​താ​കി​യ

ദുബൈ സന്ദർശിക്കുന്നവർ നിർബന്ധമായും കാണേണ്ട സ്​ഥലമാണ്​ അൽ ബസ്​താകിയ എന്നറിയപ്പെടുന്ന അൽ ഫഹീദി ചരിത്രകേന്ദ്രം. ദുബൈ നഗരത്തിലെ പളപളപ്പുകളിൽ നിന്ന്​ മാറി എമിറേറ്റ്സ് ഫെഡറേഷ​െൻറ രൂപീകരണ കാലത്തിലേക്ക് നമ്മുടെ ഓർമകളെ കൊണ്ടുപോകുന്ന സ്​ഥലമാണിത്​. വളർച്ചയുടെ ആദ്യചുവടുകൾ ആരംഭിച്ച എമിറേറ്റി​െൻറ ഓർമകൾ സംരക്ഷിക്കുന്നതിനായി നിർമ്മിച്ചതാണിത്​. അൽ ഫഹീദി കോട്ടക്കും ദുബൈ ക്രീക്കിനുമൊപ്പമാണ് ഇത് സ്ഥിതിചെയ്യുന്നത്. പൈതൃക കാഴ്​ചകൾ കാണാനും അറേബ്യൻ സംസ്​കാരത്തെക്കുറിച്ച ഉൾക്കാഴ്​ച ലഭിക്കാനും ഏറ്റവും അനുയോജ്യമായ ഇടംകൂടിയാണിത്​.

പഴയകാല ഭവനനിർമാണരീതിയും പള്ളികളുടെ മനോഹാരിതയും ഇവിടെ കാണാം. 1890കളിലാണ്​ ഈ സ്​ഥലം നിർമിക്കപ്പെട്ടത്​. പേർഷ്യയിലെ ബസ്​താകിൽ നിന്ന്​ എത്തിച്ചേർന്നവർ താമസിച്ചതിനാലാണ്​ ബസ്​താകിയ എന്ന പേര്​ ലഭിച്ചത്​. പേർഷ്യയിൽ നിന്ന്​ അഭയാർത്ഥികളായി എത്തിയവർക്ക്​ ഇവിടെ 60വീടുകൾ നിർമിക്കുകയായിരുന്നു എന്നാണ്​ ചരി​ത്രം. പിന്നീട്​ വികസനത്തി​െൻറ ഘട്ടത്തിൽ 1980കളിൽ പകുതിയോളം കെട്ടിടങ്ങൾ നഷ്​ടപ്പെട്ടു. എന്നാൽ ബ്രിട്ടീഷ്​ ആർകിടെക്​ടായ റെയ്​നർ ഒട്ടാറി​െൻറ ശ്രമഫലമായി പലഭാഗങ്ങളും വീണ്ടെടുക്കുകയായിരുന്നു. 2005ൽ പഴയ കെട്ടിടങ്ങളും വഴികളും പുനർനിർമിക്കാനുള്ള പദ്ധതി മുനിസിപാലിറ്റി തന്നെ ഏറ്റെടുത്തു നടപ്പിലാക്കി. മവാഹിബ്​ ഗാലറി, അറേബ്യൻ ടീ ഹൗസ്​ കഫെ, എക്​സ്​.വി.എ ഗാലറി, ശൈഖ്​ മുഹമ്മദ്​ സെൻറർ ഫോർ കൾചറൽ അണ്ടർസ്​റ്റാൻഡിങ്​, കോഫി മ്യൂസിയം തുടങ്ങിയ കേന്ദ്രങ്ങൾ സന്ദർശകർക്ക്​ ഇവിടെ ആസ്വദിക്കാം.

വ​ഴി

ബ​സ്​​താ​കി​യ​ക്ക്​ ഏ​റ്റ​വും അ​ടു​ത്ത മെ​ട്രോ സ്​​റ്റേ​ഷ​ൻ അ​ൽ ഫ​ഹീ​ദി മെ​ട്രോ സ്​​റ്റ​ഷ​നാ​ണ്(​ഗ്രീ​ൻ ലൈ​ൻ). അ​ൽ ഫ​ഹീ​ദി സ്​​റ്റേ​ഷ​നി​ൽ നി​ന്ന് അ​ൽ ഫ​ഹീ​ദി റൗ​ണ്ട് എ​ബൗ​ട്ടി​ലേ​ക്ക് ന​ട​ക്കാം. അ​വി​ടെ നി​ന്ന്​ അ​ൽ ബ​സ്​​താ​കി​യ പ്ര​ദേ​ശം കാ​ണാം.