അൽ മദീന ഹൈപ്പർ മാർക്കറ്റ്​ അബൂദബി "പായസ മത്സരം' സംഘടിപ്പിക്കുന്നു

ദുബൈ: ഓണത്തോടനുബന്ധിച്ച് അൽ മദീന ഹൈപ്പർ മാർക്കറ്റ്​ അബൂദബി ‘പായസ മത്സരം 2023’ സംഘടിപ്പിക്കുന്നു. ഈ മാസം 16ന് അബൂദബി ഖലീഫ സിറ്റിയിൽ വെച്ച് നടത്തുന്ന മത്സരത്തിന് പങ്കെടുക്കാൻ ആഗ്രഹിക്കുന്നവർ 12നു മുമ്പായി രജിസ്റ്റർ ചെയ്യണം. രജിസ്റ്റർ ചെയ്യുമ്പോൾ ഉണ്ടാക്കാൻ ഉദ്ദേശിക്കുന്ന പായസത്തിന്‍റെ പാചകക്കുറിപ്പും സമർപ്പിക്കണം. തിരഞ്ഞെടുത്ത മത്സരാർഥികൾക്കുള്ള ഫൈനൽ മത്സരത്തിൽ പ്രശസ്ത ഫുഡ് വ്ലോഗർ ജുമാന ഖാദിരിയാണ്​ മുഖ്യാതിഥി എന്ന്​ സംഘാടക സമിതി ഭാരവാഹികൾ അറിയിച്ചു. രജിസ്ട്രേഷനായി ഫോൺ: 058817 5317.