അ​ൽ മം​സാ​ർ, ജു​ബൈ​റ 1 ബീ​ച്ച്​ ന​വീ​ക​ര​ണ​ത്തി​ന്​​ 35.5 കോ​ടി​യു​ടെ പ​ദ്ധ​തി

ദു​ബൈ: അ​ൽ മം​സാ​ർ, ജു​ബൈ​റ 1 ബീ​ച്ച്​ വി​ക​സ​ന​ത്തി​ന്​ 35.5 കോ​ടി​യു​ടെ പ​ദ്ധ​തി പ്ര​ഖ്യാ​പി​ച്ച്​ ദു​ബൈ മു​നി​സി​പ്പാ​ലി​റ്റി. പ​ദ്ധ​തി​യു​ടെ ഭാ​ഗ​മാ​യി എ​മി​റേ​റ്റി​ൽ വി​നോ​ദ സ​ഞ്ചാ​രി​ക​ളു​ടെ പ്ര​ധാ​ന​ ആ​ക​ർ​ഷ​ണ​ങ്ങ​ളി​ൽ ഒ​ന്നാ​യ കാ​ൽ​ന​ട​ക്കാ​ർ​ക്കു​ള്ള ഫ്ലോ​ട്ടി​ങ്​ ബ്രി​ഡ്​​ജി​നെ അ​ൽ മം​സാ​ർ ബീ​ച്ചി​ന്‍റെ ര​ണ്ട്​ ഭാ​ഗ​വു​മാ​യി ബ​ന്ധി​പ്പി​ക്കും. 200 മീ​റ്റ​ർ നീ​ള​മു​ള്ള പാ​ലം ദു​ബൈ​യി​ൽ ഈ ​ഇ​ന​ത്തി​ൽ ആ​ദ്യ​ത്തേ​താ​ണ്. പ​ദ്ധ​തി​ക്ക്​ ദു​ബൈ​യി​ലെ ന​ഗ​രാ​സൂ​ത്ര​ണ സ​മി​തി ക​ഴി​ഞ്ഞ ദി​വ​സ​മാ​ണ്​ ക​രാ​ർ ന​ൽ​കി​യ​ത്. 18 മാ​സ​ത്തി​നു​ള്ളി​ൽ വി​ക​സ​ന പ്ര​വൃ​ത്തി​ക​ൾ പൂ​ർ​ത്തി​യാ​ക്കാ​നാ​കു​മെ​ന്നാ​ണ്​ പ്ര​തീ​ക്ഷ. 4.3 കി​ലോ​മീ​റ്റ​ർ നീ​ള​ത്തി​ൽ വ്യാ​പി​ച്ചു കി​ട​ക്കു​ന്ന​താ​ണ്​ അ​ൽ മം​സാ​ർ ബീ​ച്ച്. 1.4 കി​ലോ​മീ​റ്റ​റാ​ണ്​ ജു​​മൈ​റ ബീ​ച്ച്​ ഒ​ന്നി​ന്‍റെ നീ​ളം. ഇ​തു​കൂ​ടാ​തെ ആ​ഴ്ച​യി​ൽ മു​ഴു​വ​ൻ ദി​വ​സ​വും പ്ര​വ​ർ​ത്തി​ക്കു​ന്ന ആ​ദ്യ​ത്തെ രാ​ത്രി ബീ​ച്ച്​ ദേ​ര​യി​ൽ തു​റ​ക്കു​മെ​ന്നും അ​ധി​കൃ​ത​ർ വെ​ളി​പ്പെ​ടു​ത്തി.

വി​ക​സ​ന പ്ര​വൃ​ത്തി​ക​ൾ ന​ട​ക്കു​ന്ന സ​മ​യ​ത്ത് ര​ണ്ട്​ ബീ​ച്ചു​ക​ളും ഭാ​ഗി​ക​മാ​യി അ​ട​ച്ചി​ടും. എ​ന്നാ​ൽ, തു​റ​ന്നി​രി​ക്കു​ന്ന ഭാ​ഗ​ങ്ങ​ളി​ൽ സം​ര​ക്ഷ​ണ​മൊ​രു​ക്കി​യ​ശേ​ഷം സ​ന്ദ​ർ​ശ​ക​രെ അ​നു​വ​ദി​ക്കും. വി​ക​സ​ന പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ര​ണ്ടു ബീ​ച്ചു​ക​ളി​ലാ​യി 11 കി​ലോ​മീ​റ്റ​ർ നീ​ള​ത്തി​ൽ സൈ​ക്ലി​ങ്, റ​ണ്ണി​ങ്​​ ട്രാ​ക്കു​ക​ളും മ​ര​ങ്ങ​ളാ​ൽ ചു​റ്റ​പ്പെ​ട്ട അ​ഞ്ചു കി​ലോ​മീ​റ്റ​ർ ന​ട​പ്പാ​ത​യും നി​ർ​മി​ക്കും. ബാ​ർ​ബി​ക്യു, ഫി​റ്റ്​​ന​സി​നു​ള്ള സൗ​ക​ര്യ​ങ്ങ​ൾ, കു​ട്ടി​ക​ൾ​ക്ക്​ ക​ളി​ക്കാ​നു​ള്ള ഇ​ടം എ​ന്നി​വ​യും ഒ​രു​ക്കും. അ​തോ​ടൊ​പ്പം വി​ശ്ര​മ​മു​റി​ക​ളും ആ​ഘോ​ഷ പ​രി​പാ​ടി​ക​ൾ​ക്കാ​യു​ള്ള സ്ഥ​ല​വും നി​ർ​മി​ക്കും. 1400 കാ​റു​ക​ൾ പാ​ർ​ക്ക്​​ ചെ​യ്യാ​വു​ന്ന സ്​​പോ​ട്ടു​ക​ളും വി​ക​സ​ന​ത്തി​ന്‍റെ ഭാ​ഗ​മാ​യി നി​ർ​മി​ക്കും. ബീ​ച്ചി​ലെ പ​ച്ച​പ്പ്​ നി​ല​നി​ർ​ത്തു​ന്ന​തി​ന്​ സ്വ​യം പ്ര​വ​ർ​ത്തി​ക്കു​ന്ന ജ​ല​വി​ത​ര​ണ സം​വി​ധാ​ന​വും ഒ​രു​ക്കു​ന്നു​ണ്ട്.

സേ​ഫ്​​റ്റി ഡെ​പ്പോ​സി​റ്റ്​ ബോ​ക്സു​ക​ൾ, വൈ​ഫൈ, ഇ​ല​ക്​​ട്രോ​ണി​ക്​ സ്ക്രീ​നു​ക​ൾ, സു​ര​ക്ഷ സേ​വ​ന​ങ്ങ​ൾ, ദു​ബൈ മു​നി​സി​പ്പാ​ലി​റ്റി​യി​ലെ ക​ൺ​ട്രോ​ൾ റൂ​മു​മാ​യും പൊ​ലീ​സു​മാ​യും ബ​ന്ധി​പ്പി​ച്ചി​ട്ടു​ള്ള 100 സു​ര​ക്ഷ കാ​മ​റ​ക​ൾ എ​ന്നി​വ​യും ഒ​രു​ക്കും. അ​തേ​സ​മ​യം ജ​ല​വി​ത​ര​ണം, ഔ​ട്ട്​​ല​റ്റു​ക​ൾ, വാ​ണി​ജ്യ കി​യോ​സ്കു​ക​ൾ, റ​സ്റ്റാ​റ​ന്‍റു​ക​ൾ, ഭ​ക്ഷ​ണ പാ​നീ​യ​ങ്ങ​ൾ വി​ത​ര​ണം ചെ​യ്യാ​നു​ള്ള സെ​ൽ​ഫ്​ സ​ർ​വി​സ്​ മെ​ഷീ​നു​ക​ൾ, പ​ര​സ്യം ചെ​യ്യാ​നു​ള്ള ഇ​ട​ങ്ങ​ൾ, ഇ​രി​പ്പി​ട​ങ്ങ​ൾ, കു​ട​ക​ൾ തു​ട​ങ്ങി​യ 50 ല​ധി​കം നി​ക്ഷേ​പ അ​വ​സ​ര​ങ്ങ​ളും അ​ധി​കൃ​ത​ർ പ്ര​ഖ്യാ​പി​ച്ചി​ട്ടു​ണ്ട്.

ക​ഴി​ഞ്ഞ​വ​ർ​ഷം തീ​ര​മേ​ഖ​ല 400 ശ​ത​മാ​നം വി​ക​സി​പ്പി​ക്കു​ന്ന​തി​നു​ള്ള പ​ദ്ധ​തി മു​നി​സി​പ്പാ​ലി​റ്റി പ്ര​ഖ്യാ​പി​ച്ചി​രു​ന്നു. 21 കി​ലോ​മീ​റ്റ​ർ നീ​ള​ത്തി​ലു​ണ്ടാ​യി​രു​ന്ന ബീ​ച്ച്​ 105 കി​ലോ​മീ​റ്റ​ർ നീ​ള​ത്തി​ലാ​ണ്​ വി​ക​സി​പ്പി​ക്കു​ന്ന​ത്. ഖോ​ർ അ​ൽ മം​സാ​ർ, അ​ൽ മം​സാ​ർ കോ​ർ​ണി​ഷ്, ജു​മൈ​റ 1, ജു​മൈ​റ 2, ജു​മൈ​റ 3, ഉ​മ്മു സു​ഖൈം 1, ഉ​മ്മു സു​ഖൈം 2, ജ​ബ​ൽ അ​ലി തു​ട​ങ്ങി എ​ട്ട്​ പൊ​തു ബീ​ച്ചു​ക​ളാ​ണ്​ ദു​ബൈ എ​മി​റേ​റ്റി​ലു​ള്ള​ത്.