Al Zorah; beauty of nature

ന​ഗ​ര​സൗ​ന്ദ​ര്യ​ത്തി​ന്‍റെ അ​നേ​കം ചി​ത്ര​ങ്ങ​ൾ നി​റ​ഞ്ഞ രാ​ജ്യ​മാ​ണ്​ യു.​എ.​ഇ. ഓ​രോ എ​മി​റേ​റ്റി​ലും നി​ര​വ​ധി​യാ​യ അം​ബ​ര​ചും​ബി​ക​ൾ ആ​രു​ടെ​യും ക​ണ്ണ​ഞ്ചി​പ്പി​ക്കു​ന്ന​താ​യു​ണ്ട്. എ​ന്നാ​ൽ ന​ഗ​ര​വ​ൽ​ക​ര​ണ​ത്തി​ന്‍റെ വേ​ഗ​ത​ക്കി​ട​യി​ൽ പ്ര​കൃ​തി​യെ മ​റ​ക്കു​ന്ന​വ​ര​ല്ല ഇ​മാ​റാ​ത്തി​ലെ ഭ​ര​ണാ​ധി​കാ​രി​ക​ൾ. പ​രി​സ്ഥി​തി​യു​ടെ അ​മൂ​ല്യ​ത തി​രി​ച്ച​റി​ഞ്ഞ്​ അ​നേ​കം പ​ദ്ധ​തി​ക​ളാ​ണ്​ ഇ​വി​ടെ ന​ട​പ്പി​ലാ​ക്കി വ​രു​ന്ന​ത്. സ്വാ​ഭാ​വി​ക ആ​വാ​സ വ്യ​വ​സ്ഥ സം​ര​ക്ഷി​ക്കു​ന്ന​തി​നും ആ​സ്വ​ദി​ക്കു​ന്ന​തി​നും പ​ല കേ​ന്ദ്ര​ങ്ങ​ളും അ​ധി​കൃ​ത​ർ നി​ര്‍മ്മി​ച്ചി​ട്ടു​മു​ണ്ട്. അ​ജ്മാ​ന്‍ അ​ല്‍ സോ​റ​യി​ലെ ഇ​ക്കോ - ടൂ​റി​സം പ​ദ്ധ​തി പ്ര​ദേ​ശം അ​ത്ത​ര​ത്തി​ൽ പ്ര​ധാ​ന​പ്പെ​ട്ട​താ​ണ്. പ്ര​കൃ​തി​യു​ടെ പ​ച്ച​പ്പും ജൈ​വി​ക​ത​യും അ​നു​ഭ​വി​ക്കാ​ൻ ആ​ഗ്ര​ഹി​ക്കു​ന്ന ഏ​തൊ​രാ​ൾ​ക്കും ഇ​വി​ടം ന​ല്ലൊ​രു ല​ക്ഷ്യ​സ്ഥാ​ന​മാ​ണ്. വി​നോ​ദ സ​ഞ്ചാ​രി​ക​ൾ​ക്ക്​ മാ​ത്ര​മ​ല്ല, പ​രി​സ്ഥി​തി​യെ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്കും ഗ​വേ​ഷ​ക​ർ​ക്കും ശാ​സ്ത്ര​ജ്ഞ​ർ​ക്കും ഇ​വി​ടം പ്രി​യ​പ്പെ​ട്ട​താ​ണ്. പ്ര​ത്യേ​കം സം​ര​ക്ഷി​ക്ക​പ്പെ​ടു​ന്ന ത​ണ്ണീ​ര്‍ത​ട സം​ര​ക്ഷ​ണ പ​ട്ടി​ക​യി​ല്‍ യു.​എ.​ഇ​യി​ലെ ഏ​ഴാ​മ​ത് ഇ​ട​മാ​യാ​ണ് അ​ജ്മാ​നി​ലെ അ​ല്‍ സോ​റ ഇ​ടം​പി​ടി​ച്ച​ത്. റാ​സ​ല്‍ഖോ​ര്‍ പ​ക്ഷി സ​ങ്കേ​തം, വാ​ദി വു​റ​യ്യ, ക​ല്‍ബ ക​ണ്ട​ല്‍വ​നം, അ​ല്‍വ​ത്ത്വ പ​ക്ഷി സ​ങ്കേ​തം, സ​ര്‍ ബു​നൈ​ര്‍ ദ്വീ​പ്, ബു​ല്‍ സ​യാ​യീ​ഫ് ത​ണ്ണീ​ര്‍ത്ത​ടം എ​ന്നി​വ​യാ​ണ് റം​സാ​ര്‍ പ​ട്ടി​ക​യി​​ലെ മ​റ്റു പ്ര​ദേ​ശ​ങ്ങ​ള്‍.

പി​ങ്ക് ഫ്ല​മിം​ഗോ​ക​ളു​ടെ കേ​ന്ദ്രം

വം​ശ​നാ​ശ​ഭീ​ഷ​ണി നേ​രി​ടു​ന്ന സ​സ്യ​ജ​ന്തു​ജാ​ല​ങ്ങ​ളും ജൈ​വ​വൈ​വി​ധ്യ​വും വ​ള​രെ കൃ​ത്യ​ത​യോ​ടെ സം​ര​ക്ഷി​ക്കു​ന്ന 'അ​ൽ സോ​റ നേ​ച്ച​ർ റി​സ​ർ​വ്' 195 ഹെ​ക്ട​ർ വ്യാ​പി​ച്ചു​കി​ട​ക്കു​ന്ന പ്ര​ദേ​ശ​മാ​ണ്. അ​ജ്മാ​ന്‍-​ഉ​മ്മു​ല്‍ഖു​വൈ​ന്‍ റോ​ഡി​നോ​ട് ചേ​ര്‍ന്ന് കി​ട​ക്കു​ന്ന ഈ ​പ്ര​ദേ​ശം ഒ​രു കി​ലോ​മീ​റ്റ​ർ നീ​ള​ത്തി​ൽ അ​ജ്മാ​ൻ ക്രീ​ക്കി​ന് ചു​റ്റു​മാ​യാ​ണ്​ സ്ഥി​തി ചെ​യ്യു​ന്ന​ത്. പ്ര​കൃ​തി​ദ​ത്ത​മാ​യ ഉ​പ​രി​ത​ല​ത്തി​ൽ വി​ശാ​ല​മാ​യ ജ​ലാ​ശ​യം, ക​ണ്ട​ല്‍കാ​ടു​ക​ള്‍, മ​ണ​ൽ നി​റ​ഞ്ഞ ബീ​ച്ച്​ തു​ട​ങ്ങി​വ​ പോ​റ​ലേ​ൽ​പ്പി​ക്കാ​തെ സം​ര​ക്ഷി​ച്ചി​രി​ക്ക​യാ​ണ്. പ്ര​ശ​സ്ത​മാ​യ പി​ങ്ക് ഫ്ല​മിം​ഗോ​ക​ൾ ഉ​ൾ​പ്പെ​ടെ 102 ഇ​നം സ്വ​ദേ​ശി​ക പ​ക്ഷി​ക​ളും ദേ​ശാ​ട​ന പ​ക്ഷി​ക​ളും ഇ​വി​ടെ​യു​ണ്ടെ​ന്നാ​ണ്​ ക​ണ​ക്ക്.

ഏ​ഴ്​ കി​ലോ​മീ​റ്റ​റോ​ളം വ​രു​ന്ന ക​ണ്ട​ൽ കാ​ട്​ പ​രി​സ​ര​ങ്ങ​ളി​ൽ പി​ങ്ക്​ ഫ്ല​മിം​ഗോ​ക​ളെ വ​ർ​ഷം മു​ഴു​ക്കെ കാ​ണാ​വു​ന്ന​താ​ണ്. കൂ​ടു​കൂ​ട്ടു​ന്ന കാ​ല​ത്താ​ണ്​ ഇ​വ ഏ​റെ​യും കാ​ണാ​ൻ സാ​ധി​ക്കു​ന്ന​ത്. പ​ല​ത​രം പ​വി​ഴ​പ്പു​റ്റു​ക​ൾ, മ​ത്സ്യ​ങ്ങ​ൾ, ക​ക്ക​ക​ൾ, ത​ദ്ദേ​ശീ​യ സ​സ്യ​ജാ​ല​ങ്ങ​ൾ എ​ന്നി​ങ്ങ​നെ വൈ​വി​ധ്യ​മാ​ർ​ന്ന ജീ​വ​ജാ​ല​ങ്ങ​ളും ഇ​വി​ടെ ദൃ​ശ്യ​മാ​ണ്. നീ​ര്‍ക്കാ​ക്ക, ചേ​ര​ക്കോ​ഴി, പാ​തി​രാ​കൊ​ക്ക് മു​ത​ലാ​യ​വ അ​ല്‍ സോ​റ​യി​ലെ ക​ണ്ട​ല്‍ക്കാ​ടു​ക​ളി​ല്‍ കൂ​ട്ട​മാ​യ് ചേ​ക്കേ​റു​ന്ന​ത് സ​ന്ധ്യ​വെ​ട്ട​ത്തി​ല്‍ കാ​ണാം.

ക​ണ്ട​ൽ​കാ​ടു​ക​ൾ ആ​സ്വ​ദി​ച്ച്​ ക​യാ​ക്കി​ങ്​

അ​ൽ സോ​റ​യി​ൽ എ​ത്തു​ന്ന സ​ന്ദ​ർ​ശ​ക​ർ​ക്കാ​യി വി​വി​ധ​ങ്ങ​ളാ​യ ആ​ധു​നി​ക സൗ​ക​ര്യ​ങ്ങ​ൾ സ​ർ​ക്കാ​ർ ഒ​രു​ക്കി​യി​ട്ടു​ണ്ട്. ജ​ല​വി​മാ​ന​യാ​ത്ര, അ​ബ്ര, വാ​ട്ട​ര്‍ സ്പോ​ര്‍ട്സ്, സാ​ഹ​സി​ക വി​നോ​ദ​ങ്ങ​ൾ, ഔ​ട്ട്ഡോ​ർ ഫി​റ്റ്ന​സ് ക്ല​ബ്ബ് എ​ന്നി​വ​യും ഇ​വി​ടെ ഒ​രു​ക്കി​യി​ട്ടു​ണ്ട്. സ​ന്ദ​ര്‍ശ​ക​ര്‍ക്ക് ക​ണ്ട​ല്‍കാ​ടു​ക​ൾ സ​ന്ദ​ര്‍ശി​ക്കാ​നും ത​ടാ​ക​ത്തി​ലൂ​ടെ സ​ഞ്ച​രി​ക്കാ​നും ക​യാ​ക്കി​ങ്​ സം​വി​ധാ​നം ഒ​രു​ക്കി​യി​ട്ടു​ണ്ട്. വൈ​ൻ​ഡ്​ സെ​ർ​ഫി​ങ്,

വാ​ട്ട​ര്‍ സ്പോ​ർ​ട്​​സ്, സാ​ഹ​സി​ക വി​നോ​ദ​ങ്ങ​ൾ, ഔ​ട്ട്ഡോ​ർ ഫി​റ്റ്ന​സ് ക്ല​ബ്ബ്, ഗോ​ള്‍ഫ് കോ​ര്‍ട്ട്, കു​ട്ടി​ക​ള്‍ക്കും കു​ടും​ബ​ങ്ങ​ള്‍ക്കും ഉ​ല്ല​സി​ക്കാ​നാ​യി പാ​ര്‍ക്ക്, മൃ​ഗ​ശാ​ല എ​ന്നി​വ​യും ഇ​തി​നോ​ട​നു​ബ​ന്ധ​മാ​യു​ണ്ട്. ക​ണ്ട​ല്‍കാ​ടു​ക​ള്‍ സ​ന്ദ​ര്‍ശി​ക്കാ​ന്‍ ബോ​ട്ട് സ​ര്‍വീ​സും അ​ജ്​​മാ​ന്‍ വി​നോ​ദ സ​ഞ്ചാ​ര വി​ക​സ​ന വ​കു​പ്പി​​ന്‍റെ കീ​ഴി​ല്‍ ഒ​രു​ക്കി​യി​ട്ടു​ണ്ട്. 2600 മീ​റ്റ​ര്‍ നീ​ള​ത്തി​ല്‍ ന​ട​ക്കാ​നും സൈ​ക്കി​ള്‍ സ​വാ​രി​ക്കും അ​നു​യോ​ജ്യ​മാ​യ പാ​ത​യു​മൊ​രു​ക്കി​യി​ട്ടു​ണ്ട്.