എല്ലാ സീസണിലും ട്രെൻഡിയാണ്​ ആനിമൽ പ്രിൻറ്​സ്​

ഫാഷൻ ലോകത്ത്​ എപ്പോഴും ട്രെൻഡിയായി നിൽക്കുന്ന ഡിസൈനാണ്​ ആനിമൽ പ്രിൻറ്​സ്​. ഇത്​ പലവിധമുണ്ട്​. സീബ്ര, ടൈഗർ, ലെപ്പേഡ്​, ചീറ്റ ഇങ്ങനെ പലപേരിലും ഡിസൈനിലുമുണ്ട്​ ആനിമൽ പ്രിൻറുകൾ. മൃഗങ്ങളുടെ നിറത്തിലും ഡിസൈനിലുമുള്ള പ്രിൻറുകളെല്ലാം ആനിമൽ പ്രിൻറ്​ ഗണത്തിലാണ്​ വരുന്നത്​. ഇതിനൊപ്പം നൽകിയിരിക്കുന്ന ചിത്രത്തിൽ കാണുന്നത്​ ലെപ്പേഡ്​ പ്രിൻറാണ്​.

ഒാരോ സീസണിലും വൻകിട ഡിസൈനർമാർ നടത്തുന്ന ഷോകളിൽ ഡിസൈനുകളും വിത്യാസപ്പെട്ടിരിക്കും. വസന്തകാല, വേനൽകാല ഷോകളിലാണ്​ പൊതുവെ ആനിമൽ ​പ്രിൻറ്​സ്​ ഉപയോഗിക്കുന്നത്​. ക്രിസ്​റ്റ്യൻ ഡയറിനെ പോലുള്ള പ്രശസ്​ത ഡിസൈനർമാർ ശൈത്യകാല, ശരത്​കാല കലക്ഷനുകളിലും ഇൗ ഡിസൈനുകൾ ഉപയോഗിക്കുന്നുണ്ട്​.

എല്ലാ സീസണിലും ആനിമൽ പ്രിൻറുകൾ​ ചേരുമെങ്കിലും ഒാരോ സീസണിലും വ്യത്യസ്​ത ഡിസൈനുകൾ ഉപയോഗിക്കുന്നതാണ്​ നല്ലത്​. സ്​പ്രിങ്​ സീസണിൽ (വസന്തകാലത്ത്​) ബ്രൈറ്റായ ​ഷെയ്​ഡുകൾ കൊടുത്ത്​ സ്​റ്റൈലാക്കാം. വിൻറർ, ഒാട്ടം (ശൈത്യകാല-ശരത്​കാല സീസൺ) സീസണുകളിൽ ഇതേ പ്രിൻറ്​ ലെതറി​ൽ ഉപയോഗിക്കുന്നതാണ്​ നല്ലത്​. പാർട്ടികളിൽ ഉപയോഗിക്കു​േമ്പാൾ ലക്ഷ്വറീസ്​ ലുക്ക്​ വരുത്തണം.

ഇതിന്​ പുറമെ ജോലി സ്​ഥലങ്ങളിലും ധരിക്കാം. എന്നാൽ, ജോലിയുടെ സ്വഭാവം അനുസരിച്ച്​ പ്രിൻറ്​ ഡിസൈനിൽ മാറ്റമുണ്ടാകും. ഫാഷൻ മേഖലയിലും ക്രിയേറ്റീവ്​ മേഖലയിലും ജോലി ചെയ്യുന്നവർക്ക്​ ഏത്​ തരത്തിലുള്ള ആനിമൽ പ്രിൻറും ഉപയോഗിക്കാം. എന്നാൽ, ​പ്രൊഫഷനൽ സ്​ഥാപനങ്ങൾ, കോടതി, ക്ലാസ്​ മുറികൾ പോലുള്ളവയിൽ ജോലി ചെയ്യു​േമ്പാൾ വൈബ്രൻറായ ആനിമൽ പ്രിൻറുകൾ ചേരില്ല. ഏ​ത്​ പ്രായത്തിലുമുള്ള സ്​ത്രീ^പുരുഷൻമാർക്ക്​ ഇത്​ ചേരും.

ഫുൾ ഡ്രസും ആനിമൽ പ്രിൻറ്​ അല്ലെങ്കിൽ ഇതിനൊപ്പം സ്​ട്രൈബ്​സ്​ ഇടാം. ബോൾഡായ ​​െപ്ലയിൻ കളറാണ്​ നല്ലത്​. വിവിധ ആനിമൽ പ്രിൻറുകൾ ഒരേ സമയം ഇടുന്നത്​ യോജിക്കില്ല. ഷൂസ്​, പഴ്​സ്​, ബെൽറ്റ്​, ഹാൻഡ്​ ബാഗ്​, ഹെയർ ആക്​സസറീസ്​ എന്നിവയെല്ലാം ആനിമൽ പ്രിൻറിൽ ലഭിക്കും. പാൻറ്​സ്​, ജാക്കറ്റ്​, മാക്​സി ഗൗൺ, ​ഫ്രോക്​സ്​, ഷോർട്​സ്​ എന്നിവയിലെല്ലാം ആനിമൽ ​പ്രിൻറ്​ ഉപയോഗിക്കാം.

ചിത്രങ്ങൾ - ഹസീന മുസ്​തഫ