അറേബ്യൻ ട്രാവൽ മാർക്കറ്റിൽ സഞ്ചാരികളെ മാടിവിളിച്ച്​ ഇന്ത്യ​

ദു​ബൈ: വേ​ൾ​ഡ്​ ട്രേ​ഡ്​ സെ​ന്‍റ​റി​ൽ ന​ട​ക്കു​ന്ന അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റി​ൽ (എ.​ടി.​എം) ശ്ര​ദ്ധേ​യ സാ​ന്നി​ധ്യ​മാ​യി ഇ​ന്ത്യ​ൻ പ​വി​ലി​യ​ൻ. ‘ഇ​ൻ​ക്ര​ഡി​ബി​ൾ ഇ​ന്ത്യ, വി​സി​റ്റ്​ ഇ​ന്ത്യ ഇ​യ​ർ 2023’ എ​ന്നീ ​കാ​മ്പ​യി​നു​ക​ളു​മാ​യാ​ണ്​ എ.​ടി.​എ​മ്മി​ൽ ഇ​ന്ത്യ സ​ഞ്ചാ​രി​ക​ളെ ക്ഷ​ണി​ക്കു​ന്ന​ത്. അ​റ​ബ്​ ലോ​ക​ത്തെ ഇ​ന്ത്യ​യി​ലേ​ക്ക്​ വി​നോ​ദ​സ​ഞ്ചാ​ര​ത്തി​ന്​ ക്ഷ​ണി​ക്കാ​ൻ ല​ക്ഷ്യ​മി​ട്ടു​ള്ള പ​രി​പാ​ടി​ക​ളാ​ണ്​ എ.​ടി.​എ​മ്മി​ൽ ആ​സൂ​ത്ര​ണം ചെ​യ്തി​രി​ക്കു​ന്ന​ത്. സ്റ്റാ​ളു​മാ​യി കേ​ര​ള​വും സാ​ന്നി​ധ്യ​മ​റി​യി​ച്ചി​ട്ടു​ണ്ട്.

ഇ​ന്ത്യ​യു​ടെ വൈ​വി​ധ്യ​ങ്ങ​ൾ, സം​സ്കാ​രം, വി​നോ​ദ സ​ഞ്ചാ​രം, നി​ക്ഷേ​പ സാ​ധ്യ​ത​ക​ൾ, വ​ന​ങ്ങ​ൾ, സാ​ഹ​സി​ക​ത, ആ​ഡം​ബ​ര കേ​ന്ദ്ര​ങ്ങ​ൾ, ഭ​ക്ഷ​ണം തു​ട​ങ്ങി​യ​വ പ​രി​ച​യ​പ്പെ​ടു​ത്തു​ക​യാ​ണ്​ എ.​ടി.​എ​മ്മി​ലെ സാ​ന്നി​ധ്യ​ത്തി​ലൂ​ടെ ല​ക്ഷ്യ​മി​ടു​ന്ന​ത്. കേ​ന്ദ്ര ടൂ​റി​സം മ​ന്ത്രാ​ല​യ​ത്തി​ന്‍റെ നേ​തൃ​ത്വ​ത്തി​ലാ​ണ്​ പ​വി​ലി​യ​ൻ ഒ​രു​ക്കി​യി​രി​ക്കു​ന്ന​ത്. അം​ബാ​സ​ഡ​ർ സ​ഞ്ജ​യ്​ സു​ധീ​ർ ഉ​ദ്​​ഘാ​ട​നം ചെ​യ്തു. ക​ർ​ണാ​ട​ക​യും പു​തു​ച്ചേ​രി​യും പ്ര​ത്യേ​ക സ്റ്റാ​ളു​മാ​യി എ.​ടി.​എ​മ്മി​ലു​ണ്ട്.

ഇ​ന്ത്യ​യും യു.​എ.​ഇ​യും ത​മ്മി​ലെ വി​നോ​ദ സ​ഞ്ചാ​ര​വും അ​തി​നൊ​പ്പം വ്യാ​പാ​ര​വും മെ​ച്ച​പ്പെ​ടു​ത്തു​ക എ​ന്ന​താ​ണ്​ ല​ക്ഷ്യം. ഇ​തി​ന്‍റെ ഭാ​ഗ​മാ​യി എ.​ടി.​എ​മ്മി​ൽ വി​വി​ധ ബി ​ടു ബി ​മീ​റ്റി​ങ്ങു​ക​ളും ക​രാ​ർ ഒ​പ്പു​വെ​ക്ക​ലും ന​ട​ക്കും. ഇ​ന്ത്യ​ൻ പ​വി​ലി​യ​നി​ൽ 65 ടൂ​റി​സം വ​കു​പ്പു​ക​ളു​ടെ​യും ട്രാ​വ​ൽ ഏ​ജ​ൻ​റു​മാ​രു​ടെ​യും ഹോ​ട്ട​ൽ ശൃം​ഖ​ല​ക​ളു​ടെ​യും എ​യ​ർ​ലൈ​നു​ക​ളു​ടെ​യും സാ​ന്നി​ധ്യ​മു​ണ്ട്.

മേ​യ്​ നാ​ല്​ വ​രെ നീ​ണ്ടു​നി​ൽ​ക്കു​ന്ന എ.​ടി.​എം യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മാ​ണ്​ ഉ​ദ്​​ഘാ​ട​നം ചെ​യ്ത​ത്. 100 രാ​ജ്യ​ങ്ങ​ളി​ലെ 2000ഓ​ളം പ്ര​ദ​ർ​ശ​ക​ർ അ​ണി​നി​ര​ക്കു​ന്നു​ണ്ട്. ഇ​തി​ൽ 100ഓ​ളം പേ​ർ പു​തി​യ പ്ര​ദ​ർ​ശ​ക​രാ​ണ്.

സാ​​ങ്കേ​തി​ക​വി​ദ്യ​ക്ക്​ ഊ​ന്ന​ൽ ന​ൽ​കി​യാ​ണ്​ 30ാം എ​ഡി​ഷ​ൻ അ​ര​ങ്ങേ​റു​ന്ന​ത്. ലോ​ക​ത്തി​ലെ ഏ​റ്റ​വും മി​ക​ച്ച 80ല​ധി​കം ട്രാ​വ​ൽ ടെ​ക്‌​നോ​ള​ജി ക​മ്പ​നി​ക​ൾ ഇ​ക്കു​റി​യു​ണ്ട്. സാ​ങ്കേ​തി​ക മേ​ഖ​ല​ക്കാ​യി മാ​ത്രം 2000 ച​തു​ര​ശ്ര മീ​റ്റ​റി​ല​ധി​കം പ്ര​ദ​ർ​ശ​ന​സ്ഥ​ലം മാ​റ്റി​വെ​ച്ചി​ട്ടു​ണ്ട്. പ​രി​സ്ഥി​തി​സൗ​ഹൃ​ദ യാ​ത്രാ​പ്ര​വ​ണ​ത​ക​ൾ പ്രോ​ത്സാ​ഹി​പ്പി​ക്കാ​ൻ സു​സ്ഥി​ര​താ ഹ​ബും ത​യാ​റാ​ക്കി. ടൂ​ർ ഓ​പ​റേ​റ്റ​ർ​മാ​ർ, ട്രാ​വ​ൽ ഏ​ജ​ൻ​റു​മാ​ർ, ഹോ​ട്ട​ൽ വ്യ​വ​സാ​യി​ക​ളെ​ല്ലാം ഒ​രു കു​ട​ക്കീ​ഴി​ൽ അ​ണി​നി​ര​ക്കു​ന്ന മേ​ള​യാ​ണി​ത്.