അരോമ പൊന്നോണം
text_fieldsഅരോമ പൊന്നോണം-2023 അരോമ യു.എ.ഇ പ്രസിഡന്റ്
സിദ്ദീഖ് മുഹമ്മദ് ഉദ്ഘാടനം ചെയ്യുന്നു
അജ്മാൻ: ആലുവ റസിഡൻസ് ഓവർസിസ് മലയാളീസ് അസോസിയേഷനായ അരോമ പൊന്നോണ പരിപാടിയൊരുക്കി. തിരുവാതിരക്കളിയും ഒപ്പനയും കോർത്തിണക്കിയ സംഗീത-നൃത്തശിൽപം മതസൗഹാർദത്തിന്റെ നേർചിത്രമായി. അജ്മാൻ ഹാബിറ്റാറ്റ് സ്കൂളിൽ നടന്ന പരിപാടിയിൽ യു.എ.ഇയിലെ വിവിധ എമിറ്റേറ്റുകളിലെ, ആലുവക്കാരായ നിരവധി പേർ പങ്കെടുത്തു. അരോമ ഫാമിലിയുടെ കലാ-സ്പേർട്സ് മത്സരങ്ങളോടെയാണ് പരിപാടിക്ക് തുടക്കമായത്.
പൂക്കളം, ഓണസദ്യ എന്നിവയും ഒരുക്കിയിരുന്നു.അരോമ യു.എ.ഇ കമ്മിറ്റി പ്രസിഡന്റ് സിദ്ദീഖ് മുഹമ്മദ് പൊന്നോണം-2023 ഉദ്ഘാടനം ചെയ്തു. ജനറൽ സെക്രട്ടറി നാദിർഷ അലി അക്ബർ, ആരോമൽ പ്രസിഡന്റ് അഡ്വ. ഫെബി ഷിഹാബ്, സെക്രട്ടറി അഡ്വ. ഷെമീന ശബീബ് എന്നിവർ സംസാരിച്ചു.
അരോമയുടെ ഏറ്റവും മുതിർന്ന അംഗമായ പി.കെ. മൊയ്തീനെയും മലയാളി മങ്ക-2023ലെ റണ്ണർഅപ്പായ സംഗീത ഭാസ്കരനെയും പരിപാടിയിൽ ആദരിച്ചു. പൊന്നോണം പരിപാടിയുടെ കൺവീനർ അബു സബാഹ് സ്വാഗതവും അജ്മാൻ പ്രസിഡന്റ് ഷുഹൈബ് നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.