അഷ്​റഫിന്‍റെ മൃതദേഹം ഒരു മാസം മോർച്ചറിയിൽ; ചതിച്ചവർ ഇപ്പോഴും പുറത്ത്

ദുബൈ: കഴിഞ്ഞ വർഷം ആഗസ്​റ്റിലാണ്​ കൊല്ലം നിലമേൽ സ്വദേശി അഷ്​റഫ് (55) തട്ടിപ്പിനിരയായി ദുബൈയിൽ കുടുങ്ങിയ വാർത്ത 'ഗൾഫ്​ മാധ്യമം' പ്രസിദ്ധീകരിച്ചത്​. അഷ്​റഫി​െൻറ ദുരിതവും സുമനസുകളുടെ സഹായവും അഭ്യർഥിച്ച്​ ഫെബ്രുവരിയിൽ മറ്റൊരു വാർത്തയും നൽകിയിരുന്നു. സാമ്പത്തീക സഹായവും താമസ സൗകര്യവും സുമനസുകൾ നൽകിയിരുന്നെങ്കിലും അതൊന്നും മതിയാകുമായിരുന്നില്ല അഷ്​റഫി​െൻറ ദുരിതം തീരാൻ. ഇന്ന്​ അഷ്​റഫ്​ നമ്മോടൊപ്പമില്ല. ഒരുമാസം മുൻപേ അദ്ദേഹം മരണപ്പെട്ടിരിക്കുന്നു. ഒരുമാസമായി ദുബൈയിലെ മോർച്ചറിയിൽ സൂക്ഷിച്ചിരുന്ന അജ്​ഞാത മൃതദേഹം അഷ്​റഫി​േൻറതാണെന്ന്​ തിരിച്ചറിഞ്ഞതി​െൻറ ഞെട്ടലിലാണ്​ അദ്ദേഹത്തി​െൻറ സുഹൃത്തുക്കളും ബന്ധുക്കളും. അഷ്​റഫിനെ ചതിച്ചവർ കോട്ടും സ്യൂട്ടുമിട്ട്​ ഇപ്പോഴും വിലസുന്നു.

ദുബൈ പൊലീസി​െൻറ മോർച്ചറിയിൽ സൂക്ഷിച്ചിരിക്കുന്ന അജ്​ഞാത മൃതദേഹത്തിലെ പാസ്​പോർട്ടിൽ നിന്ന്​ ലഭിച്ച ചിത്രം സാമൂഹിക പ്രവർത്തകൻ അഷ്​റഫ്​ താമരശേരി ഫേസ്​ബുക്കിലട്ടതോടെയാണ്​ ആളെ തിരിച്ചറിഞ്ഞത്​. പാസ​്​പോർട്ടിലെ വിലാസത്തിൽ ബന്ധപ്പെടാൻ കഴിയാതെ വന്നതോടെയാണ്​ ഫേസ്​ബുക്കിൽ പോസ്​റ്റ്​ ചെയ്​തത്​. പഴയ ചിത്രമായതിനാൽ പലർക്കും തിരിച്ചറിയാൻ കഴിഞ്ഞില്ല. പോസ്​റ്റ്​ കണ്ട സൗദിയിലെ സഹോദരൻ പറഞ്ഞ് അബൂദബിയിലുള്ള അളിയനാണ്​ സ്​ഥിരീകരിച്ചത്​. ഹൃദയാഘാതമാണ്​ മരണകാരണമെന്ന്​ കരുതുന്നു. അടുത്തിടെ സഹോദരി മരണപ്പെട്ടത് അറിയിക്കാൻ ബന്ധുക്കൾ ശ്രമിച്ചെങ്കിലും ആളെ കിട്ടിയിരുന്നില്ല.

ചതിച്ചത്​ രണ്ട്​ മലയാളികൾ

ഒരുപാട്​ പ്രതീക്ഷകളുമായി ബിസിനസിലേക്കിറങ്ങിയ അഷ്​റഫിനെ ഫോർട്ടുകൊച്ചിക്കാരായ രണ്ട്​ പേരാണ്​ ചതിച്ചത്​. സ്​നേഹം നടിച്ച്​ കൂടെക്കൂടിയ ഇവർക്ക്​ വിശ്വസിച്ച്​ ചെക്ക്​ നൽകിയതോടെയാണ്​ അഷ്​റഫി​െൻറ ജീവിതം പെരുവഴിയിലായത്​. 60,000 ദിർഹമി​െൻറ (12 ലക്ഷം രൂപ) ചെക്ക്​ കേസാണ്​​ ഇവർ വരുത്തിവെച്ചത്​. നിയമപ്രശ്​നമുള്ളതിനാൽ വാർത്തയിൽ അവരുടെ പേര്​ ഉൾപെടുത്തേണ്ടതില്ലെന്നും അദ്ദേഹം നിർദേശിച്ചിരുന്നു.

ട്രേഡിങ്​ ലൈസൻസുണ്ടായിരുന്ന അഷ്​റഫ്​ ഇന്ത്യയിൽ നിന്ന്​ യു.എ.ഇയിലേക്ക്​ പച്ചക്കറി എത്തിക്കുന്ന ബിസിനസാണ്​ ചെയ്​തിരുന്നത്​. ബിസിനസിൽ പങ്ക്​ ചേരാമെന്ന വ്യാജേനയാണ്​ ഫോർട്ടുകൊച്ചിക്കാർ അഷ്​റഫിനെ സമീപിച്ചത്​. ഇവർക്ക്​ താമസ സൗകര്യം നൽകുന്നതിനായി ഫ്ലാറ്റ്​ ഉടമക്ക് 10,500 ദിർഹമി​െൻറ​ നാല്​ ചെക്ക്​ ഒപ്പിട്ട്​ നൽകി. ഇതിന്​ പുറമെ 'ദേവ' ബില്ലിനായി 2100 ദിർഹമി​െൻറ ഒരു ചെക്ക്​ കൂടി നൽകിയിരുന്നു. എന്നാൽ, ഇവർ ഫ്ലാറ്റ്​ ഉടമക്ക്​ തുക നൽകാതെ വന്നതോടെ അഷ്​റഫി​െൻറ അക്കൗണ്ടിലുണ്ടായിരുന്ന തുക അധികൃതർ പിടിച്ചു. പിന്നീട്​ അക്കൗണ്ടിൽ പണം ഇല്ലാതായതോടെ ചെക്ക്​ മടങ്ങി. ഇതോടെ ചെക്ക്​ കേസിൽ അറസ്​റ്റിലായി പത്ത്​ ദിവസം ജയിലിൽ കഴിയേണ്ടിവന്നു. ഇവിടെ നിന്ന്​ പുറത്തിറങ്ങാൻ 5000 ദിർഹം പിഴയും അടക്കേണ്ടി വന്നു.

ജയിലിൽ നിന്ന്​ പുറത്തിറങ്ങിയ ശേഷം​ ഇവരെ സമീപിച്ച്​ കേസ്​ കൊടുക്കുമെന്ന്​ പറഞ്ഞതോടെ പണം ഉടൻ നൽകാമെന്ന്​ ചൂണ്ടിക്കാണിച്ച്​ കരാർ ഒപ്പുവെച്ചു. എന്നാൽ, പിന്നീട്​ വിളിച്ചിട്ട്​ ഫോൺ എടുക്കാത്ത അവസ്​ഥയായി. ജനുവരി 30ന്​ പണം നൽകാമെന്നായിരുന്നു പറഞ്ഞിരുന്നത്​. ഈ സമയത്തും പണം കിട്ടാതെ വന്നതോടെ അഷ്​റഫ്​ പട്ടിണിയിലായി. ഇതോടെ മാനസീക സംഘർഷത്തലായ അഷ്​റഫ്​ ഹൃദയാഘാതത്തെ തുടർന്ന്​ ആശുപത്രിയിലായി. 40000 ദിർഹം തുക വന്നെങ്കിലും ദുബൈ ചാരിറ്റി ഇടപെട്ട്​ ബിൽ അടച്ചു. കയറിക്കിടക്കാൻ സ്​ഥലം പോലുമില്ലാതായി.

വാർത്ത വന്നതോടെ സഹായങ്ങൾ കിട്ടിയെങ്കിലും റിയൽ എസ്​റ്റേറ്റിലെ ചെക്കി​െൻറ ബാധ്യത തീർക്കാൻ ഇതൊന്നും മതിയായിരുന്നില്ല. ഒരാൾ താമസ സഹായം നൽകിയിരുന്നു. റഊഫ്‌ ആലുവ, ഹസീബ്‌ പൊന്നാനി, അസീദ്​, റിയാസ്​, കാസിം എന്നിവർ ഭക്ഷണവും സാധനങ്ങളും എത്തിച്ച്​ നൽകിയിരുന്നു. പിന്നീട്​ ജയ്​സൺ എന്നയാളായിരുന്നു സ്​ഥിരമായി ഭക്ഷണം നൽകിയിരുന്നത്​. വിസ കാലാവധി അവസാനിച്ചിരുന്നു. നിയമത്തി​െൻറ വഴിയിലൂടെ കേസുകൾ തീർപ്പാക്കി നാട്ടിലെത്താൻ ശ്രമിക്കുന്നതിനിടെയാണ്​ മരണം എത്തിയത്​. വഴിയരികിലോ മറ്റോ മരിച്ചുകിടന്നപ്പോൾ പൊലീസെത്തി മോർച്ചറിയിൽ എത്തിച്ചതാകാമെന്ന്​ കരുതുന്നു.