ആ​സ്റ്റ​ര്‍ വ​ള​ന്റി​യേ​ഴ്‌​സ്​ 50ാമ​ത് മൊ​ബൈ​ല്‍ ക്ലി​നി​ക് പു​റ​ത്തി​റ​ക്കി

ദു​ബൈ: ആ​സ്റ്റ​ര്‍ ഡി.​എം ഹെ​ല്‍ത്ത്‌​കെ​യ​റി​ന്റെ കോ​ർ​പ​റേ​റ്റ് സാ​മൂ​ഹി​ക പ്ര​തി​ബ​ദ്ധ​താ വി​ഭാ​ഗ​മാ​യ ആ​സ്റ്റ​ര്‍ വ​ള​ന്റി​യേ​ഴ്‌​സി​ന്റെ 50ാമ​ത്തെ സൗ​ജ​ന്യ മൊ​ബൈ​ല്‍ ക്ലി​നി​ക്കി​ന്റെ ഉ​ദ്ഘാ​ട​നം ഉ​പ​രാ​ഷ്ട്ര​പ​തി ജ​ഗ്ദീ​പ് ധ​ൻ​ക​ര്‍ നി​ര്‍വ​ഹി​ച്ചു. ജ​മ്മു-​ക​ശ്മീ​രി​ലെ ശ്രീ​ന​ഗ​റി​ലും ക​ര്‍ണാ​ട​ക​യി​ലെ ക​ല​ബു​റ​ഗി​യി​ലും പു​തു​താ​യി ര​ണ്ട് മൊ​ബൈ​ല്‍ ക്ലി​നി​ക്കു​ക​ളാ​ണ് ആ​രം​ഭി​ച്ച​ത്. ച​ട​ങ്ങി​ൽ ആ​സ്റ്റ​ര്‍ ഡി.​എം ഹെ​ല്‍ത്ത്‌​കെ​യ​ർ മാ​നേ​ജി​ങ് ഡ​യ​റ​ക്ട​റും ഗ്രൂ​പ് സി.​ഇ.​ഒ​യു​മാ​യ അ​ലീ​ഷ മൂ​പ്പ​ന്‍, ഡ​യ​റ​ക്ട​ര്‍ അ​നൂ​പ് മൂ​പ്പ​ന്‍, ഗ്രൂ​പ്പി​ന്റെ കോ​ര്‍പ​റേ​റ്റ് ഗ​​വേ​ണ​ന്‍സ് വി​ഭാ​ഗം മേ​ധാ​വി​യും എ​ക്‌​സി​ക്യു​ട്ടി​വ് ഡ​യ​റ​ക്ട​റു​മാ​യ ടി.​ജെ. വി​ല്‍സ​ണ്‍ എ​ന്നി​വ​ര്‍ സ​ന്നി​ഹി​ത​രാ​യി​രു​ന്നു. ഇ​ന്ത്യ​ന്‍ ലാ​ണ്‍ ടെ​ന്നി​സ് അ​സോ​സി​യേ​ഷ​ന്റെ വൈ​സ് പ്ര​സി​ഡ​ന്റും ഡ​ല്‍ഹി പ്ര​സി​ഡ​ന്റ് ഓ​ഫ് മി​ക്‌​സ​ഡ് മാ​ര്‍ഷ്യ​ല്‍ ആ​ര്‍ട്‌​സു​മാ​യ പ്ര​ബ​ല്‍ പ്ര​താ​പ് സി​ങ് തോ​മ​ര്‍, പ​ദ്ധ​തി ഉ​ള്‍നാ​ട​ന്‍ ഗ്രാ​മ​ങ്ങ​ളി​ലേ​ക്ക് പ്ര​ച​രി​പ്പി​ക്കു​മെ​ന്ന് വാ​ഗ്ദാ​നം ചെ​യ്തി​ട്ടു​ണ്ട്.

അ​ശോ​ക് ലെ​യ്‌​ലാ​ന്‍ഡി​ന്റെ ഏ​ഴ് മീ​റ്റ​ര്‍ നീ​ള​മു​ള്ള മി​ത്ര് എ​ന്ന വാ​ഹ​ന​ത്തി​ലാ​ണ് പു​തി​യ മൊ​ബൈ​ല്‍ ക്ലി​നി​ക്കു​ക​ള്‍ സ​ജ്ജ​മാ​ക്കി​യി​ട്ടു​ള്ള​ത്. രോ​ഗി​ക​ള്‍ക്ക് കാ​ത്തി​രി​പ്പ് ഇ​ട​വും ര​ജി​സ്‌​ട്രേ​ഷ​ന്‍ ഡെ​സ്‌​കും പ്രാ​ഥ​മി​ക പ​രി​ശോ​ധ​ന​ക​ള്‍ക്കാ​യി ഒ​രു ചെ​റി​യ ല​ബോ​റ​ട്ട​റി​യും ഉ​ണ്ട്. മ​രു​ന്നു​ക​ളും മ​റ്റും കേ​ടു​കൂ​ടാ​തെ സൂ​ക്ഷി​ക്കു​ന്ന​തി​ന് റെ​ഫ്രി​ജ​റേ​റ്റ​ര്‍ സം​വി​ധാ​ന​വും ത​യാ​റാ​ണ്. ഡോ​ക്ട​റെ കാ​ണു​ന്ന​തി​നാ​യി പ്ര​ത്യേ​ക മു​റി​യും വാ​ഹ​ന​ത്തി​ലു​ണ്ട്. നി​ല​വി​ല്‍ കേ​ര​ളം, ത​മി​ഴ്‌​നാ​ട്, ക​ര്‍ണാ​ട​ക, തെ​ല​ങ്കാ​ന, മ​ഹാ​രാ​ഷ്ട്ര, ഝാ​ര്‍ഖ​ണ്ഡ്, ഒ​ഡി​ഷ, ഡ​ല്‍ഹി, രാ​ജ​സ്ഥാ​ന്‍, മ​ധ്യ​പ്ര​ദേ​ശ്, ഉ​ത്ത​ര്‍പ്ര​ദേ​ശ്, ബി​ഹാ​ര്‍, പ​ശ്ചി​മ ബം​ഗാ​ള്‍, ജ​മ്മു-​ക​ശ്മീ​ര്‍ എ​ന്നി​വി​ട​ങ്ങ​ളി​ലാ​യി ആ​കെ 31 മൊ​ബൈ​ല്‍ ക്ലി​നി​ക്കു​ക​ളാ​ണ് ഇ​ന്ത്യ​യി​ല്‍ ആ​സ്റ്റ​ര്‍ വ​ള​ന്റി​യേ​ഴ്‌​സ് ന​ട​ത്തി​വ​രു​ന്ന​ത്. ഗു​ജ​റാ​ത്തി​ലും ആ​ന്ധ്ര​പ്ര​ദേ​ശി​ലും കൂ​ടി ഉ​ട​ന്‍ പു​തി​യ യൂ​നി​റ്റു​ക​ള്‍ പ്ര​വ​ര്‍ത്ത​നം തു​ട​ങ്ങും. 2025ല്‍ ​ഉ​ത്ത​രേ​ന്ത്യ​ന്‍ സം​സ്ഥാ​ന​ങ്ങ​ള്‍ കേ​ന്ദ്രീ​ക​രി​ച്ച് ഇ​ത്ത​ര​ത്തി​ല്‍ പു​തി​യ 10 യൂ​നി​റ്റു​ക​ള്‍ കൂ​ടി തു​ട​ങ്ങാ​നാ​ണ് ല​ക്ഷ്യ​മി​ടു​ന്ന​ത്.

കൂ​ടാ​തെ, യു.​എ.​ഇ, ഒ​മാ​ന്‍, ഖ​ത്ത​ര്‍ എ​ന്നി​വ​യു​ള്‍പ്പെ​ടെ ജി.​സി.​സി രാ​ജ്യ​ങ്ങ​ളി​ലു​ട​നീ​ളം നാ​ല് മൊ​ബൈ​ല്‍ ക്ലി​നി​ക്കു​ക​ള്‍ ഗ്രൂ​പ് വി​ന്യ​സി​ച്ചി​ട്ടു​ണ്ട്. അ​തു​പോ​ലെ, ആ​റ് മൊ​ബൈ​ല്‍ ക്ലി​നി​ക്കു​ക​ള്‍ ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ പ്ര​വ​ര്‍ത്തി​ക്കു​ന്നു​ണ്ട്.