യാത്രക്കാരുടെ ശ്രദ്ധക്ക്​: എല്ലാം ലഗേജിൽ കുത്തിനിറക്കല്ലേ...

ദുബൈ: യു.എ.ഇയിൽ നിന്നു പോകുന്നവരും വരുന്നവരുമായ യാത്രക്കാർക്ക്​ ലഗേജിൽ വെക്കാൻ അനുമതിയുള്ളതും ഇല്ലാത്തതുമായ വസ്​തുക്കളുടെ പട്ടിക ഫെഡറൽ കസ്​റ്റംസ്​ അതോറിറ്റി പുറത്തിറക്കി. ജി.സി.സി നിയമങ്ങളും രാജ്യത്തി​െൻറ പ്രത്യേക നിയന്ത്രണങ്ങളും അനുസരിച്ചുള്ള പട്ടികയാണ്​ പുറത്തുവിട്ടത്​. സുഗമമായ യാത്രക്ക്​ ഇക്കാര്യങ്ങൾ ശ്രദ്ധിക്കാനാണ്​ അതോറിറ്റിയുടെ നിർദേശം.

ഗിഫ്​റ്റ്​

യു.​എ.​ഇ​യി​ലേ​ക്ക്​ വ​രു​ന്ന യാ​​ത്ര​ക്കാ​ർ 3000 ദി​ർ​ഹ​ത്തി​ൽ കൂ​ടു​ത​ൽ മൂ​ല്യ​മു​ള്ള സ​മ്മാ​ന​ങ്ങ​ൾ കൊ​ണ്ടു​വ​ര​രു​ത്.

പണം

വരുന്നവരും പോകുന്നവരും ഏതെങ്കിലും കറൻസി യോ 60,000 ദിർഹമിന്​ മുകളിൽ മൂല്യമുള്ള സ്വർണ^വജ്രാഭരണങ്ങളോ കൈയിലുണ്ടെങ്കിൽ കസ്​റ്റംസിന്​ മുന്നിൽ വെളിപ്പെടുത്തണം.

സിഗരറ്റ്​

18 വയസ്സിന്​ മുകളിലുള്ളവർക്ക്​ 200 സിഗരറ്റുകൾ വരെ ലഗേജിൽ കൊണ്ടുപോകാം

നിരോധിച്ച വസ്​തുക്കൾ

മയക്കുമരുന്ന്, പാൻ മസാല അടക്കമുള്ള ലഹരിവസ്​തുക്കൾ, ചൂതാട്ട ഉപകരണങ്ങൾ, മീൻ പിടിക്കാനുള്ള നെയ്​ലോൺ വല, പന്നിവിഭാഗത്തിൽപെട്ട ജീവികൾ, ആനക്കൊമ്പ്​, ലേസർ പേനകൾ, വ്യാജ കറൻസി, മതവികാരം വ്രണപ്പെടുത്തുന്ന പ്രസിദ്ധീകരണങ്ങൾ, ചിത്രങ്ങൾ, അധാർമികമായ ചിത്രങ്ങളും ശിൽപങ്ങള​ും.

അനുവാദമുള്ള വസ്​തുക്കൾ

ഡിജിറ്റൽ കാമറ, ടി.വി, റെസീവർ (ഒന്ന്​ മാത്രം), വ്യക്​തിപരമായ സ്​പോർട്​സ്​ ഉപകരണങ്ങൾ, കൈയിൽ കരുതുന്ന കമ്പ്യൂട്ടർ, പ്രിൻറർ, വ്യക്​തിപരമായ ഉപയോഗത്തിനുള്ള മരുന്നുകൾ (നിരോധിച്ചവ ഒഴികെ), സിനിമ പ്രൊജക്​ടർ, റേഡിയോ, സീ.ഡി പ്ലയർ.

അനുമതിയോടെ കൊണ്ടുവരാവുന്നത്​

മൃഗങ്ങൾ, ചെടികൾ, കീടനാശിനി, വളം, ആയുധങ്ങൾ, വെടിമരുന്ന്​, പടക്കങ്ങൾ, മെഡിക്കൽ ഉപകരണങ്ങൾ, മരുന്ന്​, പ്രസിദ്ധീകരണങ്ങൾ, പുതിയ ടയറുകൾ, വയർലസ്​^​ട്രാൻസ്​മിഷൻ ഉപകരണങ്ങൾ, മദ്യം, സൗന്ദര്യവർധക വസ്​തുക്കൾ, റോ ഡയമണ്ട്​.

ശിക്ഷ

നിരോധിത ഉൽപന്നങ്ങൾ കടത്തുന്ന യാത്രക്കാർക്ക്​ പിഴയോ തടവോ രണ്ടും ചേർന്ന ശിക്ഷയോ ലഭിക്കും.

പ്രയാസരഹിത യാത്രക്ക്​ ശ്രദ്ധിക്കുക

● അപരിചിതരിൽ നിന്ന്​ ലഗേജ്​ വാങ്ങാതിരിക്കുക

● സുഹൃത്തുക്കളിൽനിന്ന്​ ലഗേജ്​ വാങ്ങു​േമ്പാൾ അകത്തുള്ള വസ്​തുക്കൾ പരിശോധിക്കുക

● പണം, വിലപിടിപ്പുള്ള വസ്​തുക്കൾ വ്യക്​തമാക്കുക

● മരുന്നുകൾക്ക്​ ഒപ്പം കുറിപ്പടി കരുതുക

● വിമാനക്കമ്പനി നൽകുന്ന നിർദേശങ്ങൾ പാലിക്കുക

● നിരോധിത, നിയന്ത്രിത ഉൽപന്നങ്ങളെ സംബന്ധിച്ച വിവരം മറച്ചുവെക്കാതിരിക്കുക