ഷാർജയിൽ തൊഴിലാളികൾക്ക്​ ശൈത്യം ചെറുക്കാൻ വസ്ത്രവുമായി അധികൃതർ

ഷാ​ർ​ജ: തൊ​ഴി​ലാ​ളി​ക​ളു​ടെ ആ​രോ​ഗ്യ​സം​ര​ക്ഷ​ണ രം​ഗ​ത്ത് ഷാ​ർ​ജ ലേ​ബ​ർ സ്റ്റാ​ൻ​ഡേ​ഡ് ഡെ​വ​ല​പ്‌​മെ​ന്‍റ്​ അ​തോ​റി​റ്റി (എ​ൽ.​എ​സ്.​ഡി.​എ) നി​ര​വ​ധി പ​ദ്ധ​തി​ക​ളാ​ണ് ന​ട​പ്പാ​ക്കി​വ​രു​ന്ന​ത്. ഷാ​ർ​ജ നാ​ഷ​ന​ൽ പാ​ർ​ക്കി​ന് സ​മീ​പം ന​ട​ന്നു​വ​രു​ന്ന ടൂ​ർ​ണ​മെൻറ്, തൊ​ഴി​ലാ​ളി​ക​ളു​ടെ കാ​യി​ക​വും മാ​ന​സി​ക​വു​മാ​യ ഉ​ല്ലാ​സം ക​ണ​ക്കി​ലെ​ടു​ത്താ​ണ്. ശൈ​ത്യ​കാ​ലം ശ​ക്തി​പ്പെ​ട്ട​തോ​ടെ കൊ​ടും ത​ണു​പ്പി​ൽ​നി​ന്ന് ര​ക്ഷ​പ്പെ​ടാ​നു​ള്ള വ​സ്ത്ര​ങ്ങ​ളു​മാ​യി ലേ​ബ​ർ ക്യാ​മ്പു​ക​ൾ സ​ന്ദ​ർ​ശി​ക്കു​ക​യാ​ണ് അ​തോ​റി​റ്റി ഇ​പ്പോ​ൾ. ഷാ​ർ​ജ ചാ​രി​റ്റി ഇ​ന്‍റ​ർ​നാ​ഷ​ണ​ൽ (എ​സ്‌.​സി‌.​ഐ) ആ​രം​ഭി​ച്ച 'വാം ​വി​ന്‍റ​ർ' കാ​മ്പ​യി​നി​ന്‍റെ ഭാ​ഗ​മാ​യാ​ണ് ലേ​ബ​ർ സ്റ്റാ​ൻ​ഡേ​ഡ് ഡെ​വ​ല​പ്‌​മെ​ന്‍റ്​ അ​തോ​റി​റ്റി ഈ ​സം​രം​ഭം ഒ​രു​ക്കി​യി​രി​ക്കു​ന്ന​ത്. ഷാ​ർ​ജ​യു​ടെ വി​ക​സ​ന​ത്തി​ൽ തൊ​ഴി​ലാ​ളി​ക​ൾ വ​ഹി​ക്കു​ന്ന പ്ര​ധാ​ന പ​ങ്ക് എ​പ്പോ​ഴും ഊ​ന്നി​പ്പ​റ​യു​ന്ന, സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ് ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ കാ​ഴ്ച​പ്പാ​ടി​നും നി​ർ​ദേ​ശ​ങ്ങ​ൾ​ക്കും അ​നു​സൃ​ത​മാ​യാ​ണ് തൊ​ഴി​ലാ​ളി​ക​ൾ​ക്ക് പി​ന്തു​ണ ന​ൽ​കു​ന്ന പ്ര​ക്രി​യ തു​ട​രു​ന്ന​തെ​ന്ന് എ​ൽ.​എ​സ്.​ഡി.​എ ചെ​യ​ർ​മാ​ൻ സ​ലീം യൂ​സു​ഫ് അ​ൽ ഖ​സീ​ർ പ​റ​ഞ്ഞു.

ഷാ​ർ​ജ സ​ർ​ക്കാ​ർ എ​പ്പോ​ഴും തൊ​ഴി​ലാ​ളി​ക​ളോ​ട് ക​രു​ത​ൽ കാ​ണി​ക്കു​ക​യും പ്ര​തി​സ​ന്ധി ഘ​ട്ട​ങ്ങ​ളി​ൽ അ​വ​രു​ടെ സു​ര​ക്ഷ ഉ​റ​പ്പാ​ക്കു​ക​യും ചെ​യ്യു​ന്നു​വെ​ന്ന് തൊ​ഴി​ലാ​ളി​ക​ളി​ലൊ​രാ​ൾ പ​റ​ഞ്ഞു. ക​മ്പ​നി​ക​ൾ ഞ​ങ്ങ​ൾ​ക്ക് പു​ത​പ്പു​ക​ളോ സ്വെ​റ്റ​റു​ക​ളോ കോ​ട്ടു​ക​ളോ ന​ൽ​കാ​റി​ല്ല. അ​വ പ​ണം കൊ​ടു​ത്തു​വാ​ങ്ങ​ലാ​ണ് പ​തി​വ്. എ​ല്ലാ തൊ​ഴി​ലാ​ളി​ക​ൾ​ക്കും അ​ത് താ​ങ്ങാ​ൻ ക​ഴി​യി​ല്ല, എ​ന്നാ​ൽ ഇ​പ്പോ​ൾ, ശൈ​ത്യ​കാ​ല​ത്ത് ഷാ​ർ​ജ ന​ൽ​കു​ന്ന ക​രു​ത​ൽ വി​ല​മ​തി​ക്കാ​നാ​വാ​ത്ത​താ​ണ്- മ​റ്റൊ​രു തൊ​ഴി​ലാ​ളി അ​ഭി​പ്രാ​യ​പ്പെ​ട്ടു. ഒ​രു പു​ത​പ്പും കോ​ട്ടും സ്വെ​റ്റ​റും അ​ട​ങ്ങു​ന്ന ബാ​ഗ് തു​റ​ന്ന​പ്പോ​ൾ വ​ള​രെ സ​ന്തോ​ഷം തോ​ന്നി. എ​ന്‍റെ ക​ണ്ണു​ക​ൾ നി​റ​ഞ്ഞു, മ​റ്റൊ​രു തൊ​ഴി​ലാ​ളി​യു​ടെ വാ​ക്കു​ക​ളി​ൽ ഷാ​ർ​ജ​യോ​ടു​ള്ള അ​ട​ങ്ങാ​ത്ത സ്നേ​ഹം പ്ര​ക​ട​മാ​യി​രു​ന്നു.