കു​ഞ്ഞു അ​ദീ​ലി​ന് ദു​ബൈ കാ​ണ​ണം; വ​ഴി​യൊ​രു​ക്കി​ ​ശൈ​ഖ്​ ഹം​ദാ​ൻ

ദു​ബൈ: ന​ഗ​രം കാ​ണ​ണ​മെ​ന്ന്​ ആ​ഗ്ര​ഹം പ്ര​ക​ടി​പ്പി​ച്ച അ​ർ​ബു​ദ ബാ​ധി​ത​യാ​യ ബാ​ലി​ക​ക്ക്​ സ്വ​പ്ന സാ​ക്ഷാ​ത്കാ​ര​ത്തി​ന്​ വ​ഴി​യൊ​രു​ക്കി ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം.

വേ​ദ​ന​ക്കി​ട​യി​ലും ദു​ബൈ ന​ഗ​രം കാ​ണാ​ൻ കൊ​തി​ച്ച ഒ​മ്പ​തു​കാ​രി​യാ​യ അ​ദീ​ൽ ഷെ​സ്​​തോ​വ്​​സ്ക്യ എ​ന്ന ഫി​ൻ​ല​ൻ​ഡ്​ ബാ​ലി​ക​യാ​ണ്​ ദു​ബൈ​യി​ലെ​ത്തി​യ​ത്. അ​ദീ​ലി​ന്‍റെ സ്വ​പ്ന​ത്തെ​ക്കു​റി​ച്ച​റി​ഞ്ഞ ശൈ​ഖ് ഹം​ദാ​ൻ അ​വ​ൾ​ക്കും കു​ടും​ബ​ത്തി​നും ദു​ബൈ സ​ന്ദ​ർ​ശി​ക്കാ​ൻ അ​വ​സ​ര​മൊ​രു​ക്കു​ക​യാ​യി​രു​ന്നു. വി​മാ​ന​ത്തി​ൽ​നി​ന്ന് ഇ​റ​ങ്ങു​മ്പോ​ൾ​ത​ന്നെ ഹൃ​ദ്യ​മാ​യ വ​ര​വേ​ൽ​പാ​ണ് ബാ​ലി​ക​ക്കും കു​ടും​ബ​ത്തി​നും ദു​ബൈ അ​ധി​കൃ​ത​ർ ഒ​രു​ക്കി​യ​ത്.

എ​മി​ഗ്രേ​ഷ​ൻ ഉ​ദ്യോ​ഗ​സ്ഥ​രു​ടെ വേ​ഷ​മി​ട്ട മാ​സ്കോ​ട്ടു​ക​ൾ എ​യ​ർ​വേ ബ്രി​ഡ്ജി​ലെ​ത്തി അ​വ​ളെ​യും കു​ടും​ബ​ത്തെ​യും സ്വീ​ക​രി​ക്കു​ക​യും സ​മ്മാ​ന​ങ്ങ​ൾ കൈ​മാ​റു​ക​യും ചെ​യ്തു. പി​ന്നീ​ട്​ അ​വി​ടെ​നി​ന്ന് പ്ര​ത്യേ​ക വാ​ഹ​ന​ത്തി​ൽ ദു​ബൈ സ​ഫാ​രി പാ​ർ​ക്കി​ലേ​ക്ക് എ​ത്തി​ച്ചു. മൃ​ഗ​ങ്ങ​ൾ​ക്കും പ​ക്ഷി​ക​ൾ​ക്കു​മൊ​പ്പം ക​ളി​ച്ച​ശേ​ഷം പി​ന്നീ​ട്​ ഫ്യൂ​ച്ച​ർ മ്യൂ​സി​യ​ത്തി​ലേ​ക്ക് കൊ​ണ്ടു​പോ​യി. യാ​ത്ര​ക്കി​ട​യി​ൽ അ​ദീ​ല​യു​ടെ ആ​രോ​ഗ്യ​നി​ല പ​രി​ശോ​ധി​ക്കാ​ൻ സം​വി​ധാ​ന​ങ്ങ​ളൊ​രു​ക്കി​യി​രു​ന്നു.

ദു​ബൈ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ഐ​ഡ​ന്റി​റ്റി ആ​ൻ​ഡ് ഫോ​റി​നേ​ഴ്‌​സ് അ​ഫ​യേ​ഴ്‌​സി​ന്റെ(​ജി.​ഡി.​ആ​ർ.​എ​ഫ.​എ) ഡ​യ​റ​ക്ട​ർ ജ​ന​റ​ൽ ല​ഫ്. ജ​ന​റ​ൽ മു​ഹ​മ്മ​ദ് അ​ഹ​മ്മ​ദ് അ​ൽ മ​ർ​റി​യു​ടെ മേ​ൽ​നോ​ട്ട​ത്തി​ലാ​ണ്​ സ​ന്ദ​ർ​ശ​നം ഒ​രു​ക്കി​യ​ത്. കു​ട്ടി​ക്കും കു​ടും​ബ​ത്തി​നും അ​വി​സ്​​മ​ര​ണീ​യ​മാ​യ അ​നു​ഭ​വം സ​മ്മാ​നി​ക്കു​ന്ന​തി​ന്​ ശൈ​ഖ്​ ഹം​ദാ​ൻ ഞ​ങ്ങ​ളി​ൽ അ​ർ​പ്പി​ച്ച വി​ശ്വാ​സ​ത്തി​ൽ അ​ഭി​മാ​ന​മു​ണ്ടെ​ന്ന്​ ല​ഫ്. ജ​ന​റ​ൽ അ​ൽ മ​ർ​റി പ​റ​ഞ്ഞു.

ദു​ബൈ​യി​ൽ എ​ല്ലാ സ​ന്ദ​ർ​ശ​ക​ർ​ക്കും താ​മ​സ​ക്കാ​ർ​ക്കും ഏ​റ്റ​വും മി​ക​ച്ച അ​നു​ഭ​വം സ​മ്മാ​നി​ക്കാ​ൻ പ്ര​തി​ജ്ഞാ​ബ​ദ്ധ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. കു​ട്ടി​യും കു​ടും​ബ​വും മ​ട​ങ്ങു​മ്പോ​ൾ വി​മാ​ന​ത്താ​വ​ള​ത്തി​ൽ യാ​ത്ര​യ​യ​ക്കാ​ൻ ഡ​യ​റ​ക്ട​ർ നേ​രി​ട്ടെ​ത്തു​ക​യും ചെ​യ്തു. വേ​ദ​ന​ക​ൾ​ക്കി​ടി​യി​ലും പു​ഞ്ചി​രി​ക്കു​ന്ന മു​ഖ​വു​മാ​യാ​ണ് അ​ദീ​ൽ ഫി​ൻ​ലാ​ന്റി​ലേ​ക്ക് മ​ട​ങ്ങി​യ​ത്.