പ്രതികൂല കാലാവസ്ഥ: ദുബൈ ഗ്ലോബൽ വില്ലേജ് അടച്ചു

ദുബൈ: ദിവസവും ആയിരകണക്കിന്​ സന്ദർശകരെത്തുന്ന ദുബൈ ഗ്ലോബൽ വില്ലേജ്​ ഞായറാഴ്ച താൽകാലികമായി അടച്ചു. പ്രതീകൂലമായ കാലാവസ്ഥ കാരണം സന്ദർശകരുടെ സുരക്ഷ മുൻനിർത്തിയാണ്​ നടപടിയെന്ന്​ അധികൃതർ വ്യക്​തമാക്കി.

ദേശീയ കാലാവസ്ഥ നിരീക്ഷണ കേന്ദ്രത്തിന്‍റെ മുന്നറിയിപ്പുകൾ കൂടി പരിഗണിച്ചാണ്​ തീരുമാനം. തിങ്കളാഴ്ച വൈകുന്നേരം നാലു മുതൽ വീണ്ടും സന്ദർശകരെ സ്വീകരിക്കുമെന്നും അധികൃതർ അറിയിച്ചിട്ടുണ്ട്​.