ബറാക്ക പ്ലാൻറ്​: രണ്ടാമത്തെ ന്യൂക്ലിയർ റിയാക്ടറിന്​ അനുമതി

അ​ബൂ​ദ​ബി: ബ​റാ​ക്ക ആ​ണ​വോ​ർ​ജ പ്ലാ​ൻ​റി​ലെ ര​ണ്ടാ​മ​ത്തെ ന്യൂ​ക്ലി​യ​ർ റി​യാ​ക്ട​ർ യൂ​നി​റ്റി​െൻറ പ്ര​വ​ർ​ത്ത​ന ലൈ​സ​ൻ​സി​ന് ഫെ​ഡ​റ​ൽ അ​തോ​റി​റ്റി ഫോ​ർ ന്യൂ​ക്ലി​യ​ർ റെ​ഗു​ലേ​ഷ​ൻ (എ​ഫ്.​എ​ൻ.​ആ​ർ) അ​നു​മ​തി ന​ൽ​കി. അ​ടു​ത്ത 60 വ​ർ​ഷ​ത്തേ​ക്ക് യൂ​നി​റ്റി​െൻറ ഓ​പ​റേ​റ്റി​ങ്​ ലൈ​സ​ൻ​സ് സാ​ധു​വാ​യി​രി​ക്കു​മെ​ന്ന്​ ന്യൂ​ക്ലി​യ​ർ റെ​ഗു​ലേ​റ്റ​ർ അ​ധി​കൃ​ത​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ഇ​ന്ധ​ന ലോ​ഡി​ങ്ങും ഊ​ർ​ജ​ശേ​ഷി ഉ​യ​ർ​ത്തു​ന്ന​തും ഉ​ൾ​പ്പെ​ടെ​യു​ള്ള പ​രീ​ക്ഷ​ണ​ത്തി​നാ​യു​ള്ള ജോ​ലി​ക​ൾ ഉ​ട​ൻ ആ​രം​ഭി​ക്കും. ഒ​ന്നാം യൂ​നി​റ്റി​നെ ദേ​ശീ​യ ഗ്രി​ഡു​മാ​യി ബ​ന്ധി​പ്പി​ച്ച​തി​നെ തു​ട​ർ​ന്നാ​ണ് ര​ണ്ടാം യൂ​നി​റ്റി​ന്​ പ്ര​വ​ർ​ത്ത​നാ​നു​മ​തി ന​ൽ​കി​യ​ത്. ക​ഴി​ഞ്ഞ വ​ർ​ഷം ഫെ​ബ്രു​വ​രി​യി​ൽ ഒ​ന്നാം യൂ​നി​റ്റി​ന് ഓ​പ​റേ​റ്റി​ങ് ലൈ​സ​ൻ​സ് ന​ൽ​കി​യ​തി​നു​ശേ​ഷ​മാ​ണ് ഇ​ന്ധ​ന ലോ​ഡി​ങ്ങും ഊ​ർ​ജാ​രോ​ഹ​ണ​വും സു​ര​ക്ഷി​ത​മാ​യി പൂ​ർ​ത്തി​യാ​ക്കി​യ​തെ​ന്ന് യു.​എ.​ഇ​യി​ലെ അ​ന്താ​രാ​ഷ്്ട്ര ആ​റ്റ​മി​ക് എ​ന​ർ​ജി ഏ​ജ​ൻ​സി​യു​ടെ സ്ഥി​രം പ്ര​തി​നി​ധി​യും ഫെ​ഡ​റ​ൽ അ​തോ​റി​റ്റി ഫോ​ർ ന്യൂ​ക്ലി​യ​ർ റെ​ഗു​ലേ​ഷ​ൻ ഡെ​പ്യൂ​ട്ടി ചെ​യ​ർ​മാ​നു​മാ​യ ഹ​മ​ദ് അ​ൽ കാ​ബി പ​റ​ഞ്ഞു.

സ​മാ​ധാ​ന​പ​ര​മാ​യ ആ​ണ​വോ​ർ​ജ ഉ​ൽ​പാ​ദ​ന​ത്തി​നും ഉ​പ​യോ​ഗ​ത്തി​നു​മു​ള്ള യു.​എ.​ഇ​യു​ടെ പ്ര​യാ​ണ​ത്തി​ലെ മ​റ്റൊ​രു പ്ര​ധാ​ന നാ​ഴി​ക​ക്ക​ല്ലാ​യി ഒ​ന്നാം യൂ​നി​റ്റ് ഈ ​മാ​സാ​വ​സാ​ന​ത്തോ​ടെ വാ​ണി​ജ്യ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​മെ​ന്നും അ​ൽ കാ​ബി പ​റ​ഞ്ഞു. പ​ശ്ചി​മ അ​ബൂ​ദ​ബി (അ​ൽ ദ​ഫ്ര) പ്ര​ദേ​ശ​ത്തെ ആ​ണ​വോ​ർ​ജ വൈ​ദ്യു​തി നി​ല​യം പൂ​ർ​ത്തി​യാ​കു​മ്പോ​ൾ നാ​ല് ഓ​പ​റേ​റ്റി​ങ് യൂ​നി​റ്റു​ക​ൾ ഉ​ണ്ടാ​കും. യു.​എ.​ഇ​ക്ക്​ ആ​വ​ശ്യ​മാ​യ ഉൗ​ർ​ജ​ത്തി​െൻറ 25 ശ​ത​മാ​നം ആ​ണ​വോ​ർ​ജ പ്ലാ​ൻ​റി​ൽ​നി​ന്ന് വി​ത​ര​ണം ചെ​യ്യാ​നാ​വു​മെ​ന്നാ​ണ് പ്ര​തീ​ക്ഷ. എ​മി​റേ​റ്റ്‌​സ് ന്യൂ​ക്ലി​യ​ർ എ​ന​ർ​ജി കോ​ർ​പ​റേ​ഷ​െൻറ ഉ​ട​മ​സ്ഥ​ത​യി​ലു​ള്ള അ​നു​ബ​ന്ധ സ്ഥാ​പ​ന​മാ​യ ന​വാ എ​ന​ർ​ജി ക​മ്പ​നി​യാ​ണ് ആ​ണ​വോ​ർ​ജ പ്ലാ​ൻ​റ് പ്ര​വ​ർ​ത്തി​പ്പി​ക്കു​ക​യും പ​രി​പാ​ലി​ക്കു​ക​യും ചെ​യ്യു​ന്ന​ത്. 220ൽ ​അ​ധി​കം പ​രി​ശോ​ധ​ന​ക​ൾ ന​ട​ത്തി​യ ശേ​ഷ​മാ​ണ് ര​ണ്ട്​ യൂ​നി​റ്റു​ക​ൾ​ക്കും​ അ​നു​മ​തി ന​ൽ​കി​യ​ത്.