ഇൻഹേലർ ഉപയോഗിക്കു​​േമ്പാൾ ശ്രദ്ധിക്കാൻ

ശ്വസനസംബന്ധമായ രോഗങ്ങൾക്ക്​ രണ്ടായിരത്തിലധികം വർഷമായി ഉപയോഗത്തിലുള്ള രീതിയാണ് ഇൻഹലേഷൻ. ഇൻഹേലർ എന്ന പദം ആദ്യമായി ഉപയോഗിച്ചത് ഇംഗ്ലീഷ് വൈദ്യനായ ജോൺ മുഡ്ജാണ്. പുരാതന ഈജിപ്തിലെ വൈദ്യന്മാരാണ് ഇത്​ ആദ്യമായി പരീക്ഷിച്ചത്.

രോഗശമനത്തിന്​ ഉതകുമെന്നു വിശ്വസിച്ചിരുന്ന ചില ചെടികളുടെ കള, ചൂടുള്ള ഇഷ്​ടികയിലേക്ക് എറിയുകയും തന്മൂലം ചെടിയിലെ ആൽക്കലോയ്ഡ് ബാഷ്പീകരിക്കപ്പെടുകയും ശ്വാസതടസ്സമുള്ള രോഗിക്ക് ആ നീരാവി ശ്വസിച്ച്​ ആശ്വാസം ലഭിക്കുകയും ചെയ്തിരുന്നു. ഇത് പ്രയോജനകരമെന്നു തെളിഞ്ഞതിനാൽ പരക്കെ വിശ്വാസ്യത നേടി. ഇത്​ വികസിച്ച്​ വന്നാണ്​ നമ്മുടെ ഇൻഹേലറിൽ എത്തിയത്​.

എന്നാൽ, ഇൻഹേലർ ശരിയായ രീതിയിൽ ഉപയോഗിക്കാൻ പലർക്കും അറിയില്ല. ശരിയായ രീതിയിൽ ഇൻഹേലർ ഉപയോഗിച്ചാൽ മാത്രമേ ആവശ്യമായ മരുന്ന് രോഗബാധിതമായ സ്​ഥലത്തേക്ക് എത്തിച്ചേരുകയുള്ളൂ.

സ്​പ്രേ ഇൻഹേലർ ഉപയോഗിക്കു​േമ്പാൾ ആദ്യം ശക്തമായി കുലുക്കിയ ശേഷം അടപ്പ്​ തുറക്കണം. ശ്വാസം പൂർണമായും പുറത്തേക്ക്​ വിടുന്നതിനൊപ്പം ഇൻഹേലറി​െൻറ മൗത്ത്​ പീസ്​ വായിലേക്ക്​ വെച്ച്​ ചുണ്ടുകൾ ചേർത്ത്​ പിടിക്കണം. ഇൻഹേലറി​െൻറ മുകളിലുള്ള സ്വിച്ചിൽ ​അമർത്തുക. ഒപ്പം ശ്വാസം ഉള്ളിലേക്ക്​ വലിക്കണം. പത്ത്​ സെക്കൻഡ്​ ശ്വാസം പു​റത്തേക്ക്​ വിടാതെ പിടിച്ചുനിർത്തണം. ശേഷം പതുക്കെ ശ്വാസം പുറത്തേക്ക്​ വിടണം. രണ്ടാം ഡോസ്​ ഉണ്ടെങ്കിൽ രണ്ടോ മൂന്നോ മിനിറ്റിന്​ ശേഷം ഇത്​ ആവർത്തിക്കാം.

കുട്ടികൾക്കും ഇൻഹേലർ ഉപയോഗിക്കാമോ എന്ന കാര്യത്തിൽ​ ആരോഗ്യ മേഖലയിൽ ചർച്ച നടക്കുന്നുണ്ട്​. എന്നാൽ, ഉപയോഗിക്കുന്നതിൽ തെറ്റില്ല എന്നാണ്​ വിദഗ്​ധർ പറയുന്നത്​. ഉപയോഗിക്കാൻ ബുദ്ധിമുട്ടുണ്ടെങ്കിൽ സ്​പ്രേക്കൊ​പ്പം സ്​പേസർ കൂടി ഘടിപ്പിച്ച്​ കുട്ടികൾക്കും പ്രായമേറിയവർക്കും ഉപയോഗിക്കാം.

ശ്വാസകോശ സംബന്ധമായ അസുഖങ്ങൾക്ക്​ പ്രധാനമായും സ്വീകരിച്ചുവരുന്നത്​ ഇൻഹേലർ തെറപ്പിയാണ്. ആസ്​ത്​മ, സി.ഒ.പി.ഡി എന്നിവക്കാണ് ഇൻഹേലർ ഉപയോഗിച്ചു വരുന്നത്. ഫൈബ്രോസിസ്​, ബ്രോ​ൈ​​​ങ്കറ്റിസ്​, മെക്കാനിക്കൽ വെൻറിലേറ്റഡ് രോഗികൾക്കും സാധാരണയായി ഇൻഹേലർ ഉപയോഗിക്കുന്നു. 1860ലാണ് ആസ്​ത്​മക്കുള്ള ഇൻഹേലർ തെറപ്പി ആദ്യമായി ആരംഭിച്ചത്.

അഞ്ച്​ തരം ഇൻഹേലറുകൾ നിലവിലുണ്ട്​. പി.എം.ഡി.ഐ, സ്​പേസറോട്​ കൂടിയ പി.എം.ഡി.ഐ, ബ്രീത്ത്​ ആക്​ചുവേറ്റഡ്​, ഡി.പി.ഐ, നെബുലൈസേഷൻ എന്നിവയാണ്​ അവ. ആസ്ത്​മയും സി.പി.ഡിയും നിയന്ത്രിക്കുന്നതിൽ ഈ ഇൻഹേലറുകൾ വഹിക്കുന്ന പങ്ക്​ ചെറുതല്ല.