ബെക്സ് കൃഷ്ണൻ നാട്ടിലേക്ക്​ തിരിച്ചു; പുലർച്ചെ 1.50ന്​ നെടുമ്പാശേരിയിലെത്തും

ദുബൈ: വധശിക്ഷക്ക്​ വിധിക്കപ്പെട്ട്​ അബൂദബിയിൽ ജയിലിൽ കഴിഞ്ഞിരുന്ന തൃശൂർ പുത്തൻചിറ ചെറവട്ട ബെക്​സ്​ കൃഷ്​ണൻ ജയിൽ മോചിതനായി നാട്ടിലേക്ക്​ തിരിച്ചു. ​ചൊവ്വാഴ്​ച രാത്രി യു.എ.ഇ സമയം 8.32ന്​ ഇത്തിഹാദി​െൻറ ഇ.വൈ 280 വിമാനത്തിലാണ്​ ​െബക്​സ്​ നാട്ടിലേക്ക്​ തിരിച്ചത്​. അബൂദബി അൽ വത്​ബ ജയിലിൽ നിന്ന്​ അധികൃതർ നേരിട്ട് അബൂദബി വിമാനത്താവളത്തിൽ എത്തിക്കുകയായിരുന്നു. ഇന്ത്യൻ സമയം പുലർച്ചെ 1.50ന്​ നെടുമ്പാശേരിയിലെത്തുന്ന വിമാനത്തിലാണ്​ ബെക്​സ്​ യാത്രയായത്​. നാട്ടിലേക്ക്​ മടങ്ങാനുള്ള ഔട്ട്​പാസ്​ കഴിഞ്ഞ ദിവസം അധികൃതർ നൽകിയിരുന്നു.

സുഡാനി ബാല​െൻറ മരണത്തിനിടയാക്കിയ അപകടത്തെ തുടർന്ന്​ വധശിക്ഷക്ക്​ വിധിക്കപ്പെട്ട ബെക്​സിന്​ തുണയായത്​ വ്യവയസായി എം.എ. യൂസുഫലിയുടെ ഇടപെടലാണ്​. ഒരു കോടി രൂപ ദിയാദനം യൂസുഫലി കോടതിയിൽ കെട്ടിവെച്ചതോടെയാണ്​ ജയിൽ മോചിതനായത്​. യൂസുഫലിയെ കാണണമെന്ന്​ ബെക്​സ്​ ആഗ്രഹം പ്രകടിപ്പിച്ചിരുന്നു. എന്നാൽ, കേസിൽ ഉൾപെട്ട വ്യക്​തിയായതിനാൽ ജയിലിൽ നിന്ന്​ നേരെ വിമാനത്താവളത്തിൽ എത്തിക്കുകയായിരുന്നു.