യു.എ.ഇയുടെ എണ്ണ ഇതര വ്യാപാരത്തിൽ വൻ കുതിപ്പ്​

ദുബൈ: എണ്ണയില്ലെങ്കിൽ ഗൾഫ്​ ഇല്ലെന്ന്​ പറഞ്ഞവർക്ക്​ മുന്നിൽ എണ്ണ ഇതര വരുമാനം ഗണ്യമായുയർത്തി യു.എ.ഇ കഴിഞ്ഞ വർഷം എണ്ണ ഇതര വിദേശ വ്യാപാരത്തി​െൻറ മൂല്യം 1.403 ദിർഹം ട്രില്യൺ ആയി ഉയർന്നു.

ഫെഡറൽ സെൻറർ ഫോർ കോമ്പറ്റീറ്റിവിറ്റി ആൻഡ് സ്​റ്റാറ്റിസ്​റ്റിക്സ് (എഫ്​.സി.എസ്.എ) പുറത്തുവിട്ട സ്​ഥിതിവിവരക്കണക്കുകളിലാണ്​ ഇക്കാര്യം സൂചിപ്പിക്കുന്നത്​. 2019ലെ അവസ്​ഥയുമായി താരതമ്യം ചെയ്യു​േമ്പാൾ പത്ത്​ ശതമാനം വളർച്ചയാണ്​ രേഖപ്പെടുത്തിയത്​. 2020ലെ മൊത്തം വ്യാപാര ഇറക്കുമതി 785.1 ബില്യൺ ദിർഹമിലെത്തി. മൊത്തം ചരക്ക് വ്യാപാരത്തി​െൻറ 56 ശതമാനം ആണിത്.

26 ശതമാനം റീ -എക്സ്പോർട്ടും നടന്നു. യു.എ.ഇയുമായുള്ള വ്യാപാരത്തിൽ ചൈന തന്നെയാണ്​ മുമ്പിൽ. 174 ബില്യൺ ദിർഹമി​െൻറ ഇടപാടാണ്​​ ചൈനയുമായി നടന്നത്​.

രണ്ടാം സ്ഥാനത്തുള്ള സൗദി അറേബ്യയുമായി 104 ബില്യൺ ദിർഹം, മൂന്നാം സ്ഥാനത്ത് ഇന്ത്യയുമായി 102.5 ബില്യൺ ദിർഹമി​െൻറയും ഇടപാട്​ രേഖപ്പെടുത്തി. 80.2 ബില്ല്യൺ ദിർഹമുള്ള അമേരിക്ക നാലാം സ്​ഥാനത്തും 53 ബില്യൺ ദിർഹമുള്ള ഇറാഖ്​ അഞ്ചാം സ്​ഥാനത്തുമുണ്ട്​. യു.എ.ഇയുടെ എണ്ണ ഇതര വിദേശ വ്യാപാരത്തി​െൻറ 36.6 ശതമാനവും ഈ അഞ്ച് രാജ്യങ്ങളുടേതാണ്. കയറ്റുമതിയിൽ സ്വിറ്റ്​സർലൻഡും ഇറക്കുമതിയിൽ ചൈനയുമാണ്​ യു.എ.ഇയുടെ അടുത്ത സുഹൃത്തുക്കൾ. 29.2 ബില്യൺ ദിർഹമി​െൻറ ഉൽപന്നങ്ങളാണ്​ സ്വിറ്റ്​സർലൻഡിൽ നിന്ന്​ ഇറക്കുമതി ചെയ്​തത്​.

എണ്ണ ഇതര കയറ്റുമതിയിൽ 11.5 ശതമാനവും സ്വിറ്റ്​സർലൻഡിലേക്കാണ്​. സൗദി 25.6 ബില്യൺ, ഇന്ത്യ 19.7 ബില്യൺ, തുർക്കി 18.4 ബില്യൺ എന്നിവരാണ്​ പിന്നാലെയുള്ളത്​. ​

ചൈനയിൽ നിന്ന്​ ഇറക്കുമതി ചെയ്​തത്​ 144.4 ബില്യൺ ദിർഹമി​െൻറ എണ്ണ ഇതര ചരക്കാണ്​. യു.എസ്​ 60.5, ഇന്ത്യ 60.5, ജപ്പാൻ 34.7 എന്നിവയാണ്​ ഇറക്കുമതിയിൽ ഒപ്പമുള്ളത്​.