ബിൽ ക്ലിൻറനും ശൈഖ്​ മുഹമ്മദ്​ ബിൻ  സായിദും കൂടിക്കാഴ്​ച നടത്തി

അബൂദബി: അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാനും യു.എസ്​ മുൻ പ്രസിഡൻറ്​ ബിൽ ക്ലിൻറനും കൂടിക്കാഴ്​ച നടത്തി. അബൂദബി അൽ ശത്തി കൊട്ടരത്തിൽ നടന്ന കൂടിക്കാഴ്​ചയിൽ യു.എ.ഇയും യു.എസും തമ്മിലുള്ള ശക്​തമായ ബന്ധത്തെ അടിസ്​ഥാനമാക്കിയായിരുന്നു ചർച്ച. യു.എസിലെ യു.എ.ഇ സ്​ഥാനപതി യൂസുഫ്​ ആൽ ഉതൈബ, അബൂദബി കിരീടാവകാശിയുടെ കാര്യാലയ അണ്ടർ സെക്രട്ടറി മുഹമ്മദ്​ ആൽ മസ്​റൂഇ എന്നിവർ സംബന്ധിച്ചു.