ദുബൈയിൽ കാണാതായ മലയാളിയുടെ മൃതദേഹം കണ്ടെത്തി
text_fieldsഅനിൽ കുമാർ വിൻസന്റ്
ദുബൈ: ദിവസങ്ങൾക്ക് മുമ്പ് ദുബൈയിൽ കാണാതായ മലയാളിയുടെ മൃതദേഹം ഷാർജയിൽ കുഴിച്ചിട്ട നിലയിൽ കണ്ടെത്തി. തിരുവനന്തപുരം കള്ളയം സ്വദേശി അനിൽ കുമാർ വിൻസന്റ് (59) ആണ് മരിച്ചത്. ദുബൈ റാസൽ ഖോറിലുള്ള സ്വകാര്യ കമ്പനിയിൽ പബ്ലിക് റിലേഷൻസ് ഓഫിസറായി ജോലിചെയ്തുവരുകയായിരുന്നു.
ഈ മാസം രണ്ടാം തീയതി മുതൽ ഇദ്ദേഹത്തെ കാണാനില്ലെന്ന് കാണിച്ച് ബന്ധുക്കൾ ദുബൈയിലെ റഫ പൊലീസ് സ്റ്റേഷനിൽ പരാതി നൽകുകയായിരുന്നു. തുടർന്ന് റാസൽ ഖോർ പൊലീസ് നടത്തിയ അന്വേഷണത്തിലാണ് മൃതദേഹം ഷാർജയിൽ കുഴിച്ചിട്ടനിലയിൽ കണ്ടെത്തിയത്. കവർച്ചക്കിടെ നടന്ന കൊലപാതകമാണെന്നാണ് സൂചന. സംഭവത്തിൽ രണ്ടുപേർ അറസ്റ്റിലായതായും സൂചനയുണ്ട്. ഭാര്യ: ബ്രിജില അനിൽകുമാർ. പിതാവ്: വിൻസന്റ്. മാതാവ്: റീത്ത. മകൻ: ബിബിൻ അനിൽ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.