തലച്ചോറി​െൻറ പരിക്കുകൾ അതിവേഗം തിരിച്ചറിയാം

ദുബൈ: തലച്ചോറിനേൽക്കുന്ന ഗുരുതര പരിക്കുകൾ രക്​ത പരിശോധനയിലൂടെ അതിവേഗം തിരിച്ചറിയാൻ സംവിധാനവുമായി യു.എ.ഇ ആരോഗ്യ, രോഗപ്രതിരോധ മന്ത്രാലയം.ദുബൈ വേൾഡ്​ ട്രേഡ്​ സെൻററിൽ നടക്കുന്ന അറബ്​ ഹെൽത്തിലാണ്​ പുതിയ പരിശോധന അവതരിപ്പിച്ചത്​. അറബ്​ ഹെൽത്ത്​ വ്യാഴാഴ്​ച സമാപിക്കും.

രക്​ത പരിശോധനയിലൂടെ 15 മിനിറ്റിനുള്ളിൽ ട്രോമാറ്റിക്​ ബ്രെയിൻ ഇൻജ്വറി (ടി.​ബി.ഐ) തിരിച്ചറിയാം എന്നതാണ്​ പ്രത്യേകത. ഇതുമായി ബന്ധപ്പെട്ട്​ യു.എസ്​ ഫുഡ്​ ആൻഡ്​ ഡ്രഗ്​ അഡ്​മിനിസ്​ട്രേഷ​െൻറ (യു.എസ്​.എഫ്​.ഡി.എ) അംഗീകാരം ലഭിക്കുന്ന ആദ്യ രക്​തപരിശോധനയാണിത്​. രോഗിക്ക്​ അതിവേഗത്തിൽ ചികിത്സ നൽകാൻ കഴിയുന്നു എന്നതാണ്​ ഈ പരിശോധനകൊണ്ടുള്ള ഗുണം. പരിശോധന ഫലം 95.8 ശതമാനവും കൃത്യമാണെന്നാണ്​ വിലയിരുത്തൽ. നെഗറ്റിവ്​ ഫലമാണെങ്കിൽ സി.ടി സ്​കാൻ ആവശ്യമില്ലാതെ ചികിത്സയുമായി മുന്നോട്ടുപോകാം. അതേസമയം, പോസിറ്റിവാണ്​ ഫലമെങ്കിൽ സി.ടി സ്​കാൻ വേണ്ടിവരും.

വാഹനാപകടമോ വീഴ്​ചയോ മൂലം തലക്ക്​ പരിക്കേൽക്കുന്നവരുടെ നില ഗുരുതര​മാണോ എന്ന്​ വേഗത്തിൽ തിരിച്ചറിയാനും അതിനനുസൃതമായ ചികിത്സ നൽകാനും കഴിയുമെന്ന്​ എമിറേറ്റ്​സ്​ ഹെൽത്ത്​ സർവിസ്​ ഡയറക്​ടർ ജനറൽ ഡോ. യൂസുഫ്​ മുഹമ്മദ്​ അൽ സർകൽ പറഞ്ഞു. ഇത്​ വിപ്ലവകരമായ കണ്ടെത്തലാണെന്നും അദ്ദേഹം പറഞ്ഞു. അനാവശ്യ പരിശോധനകൾ ഒഴിവാക്കാൻ കഴിയുന്നു എന്നതാണ്​ മറ്റൊരു ഗുണം. സാധാരണ മസ്​തിഷ്​കത്തിന്​ പരിക്കേറ്റാൽ നിരവധി പരിശോധനകൾ നടത്തേണ്ടിവരാറുണ്ട്​.

ഇതെല്ലാം ഒഴിവാക്കാൻ ഒറ്റപ്പരിശോധനയിലൂ​െട കഴിയുന്നു. രോഗി അധികനേരം ആശുപത്രിയിൽ കഴിയേണ്ട. സാമ്പത്തിക ലാഭവുമുണ്ട്​. ആരോഗ്യ മന്ത്രാലയവും എമിറേറ്റ്​സ്​ ഹെൽത്ത്​ സർവിസും ചേർന്നാണ്​ രക്​തപരിശോധന സംവിധാനം കണ്ടെത്തിയത്​.