ഫസ്​റ്റ്​ അബൂദബി ബാങ്ക്​ ബ്രാൻഡ്​ മാർക്ക്​ പുറത്തിറക്കി

അബൂദബി: നാഷനൽ ബാങ്ക്​ ഒാഫ്​ അബൂദബിയും (എൻ.ബി.എ.ഡി) ഫസ്​റ്റ്​ ഗൾഫ്​ ബാങ്കും (എഫ്​.ജി.ബി) ലയിപ്പിച്ച്​ രൂപവത്​കരിച്ച ഫസ്​റ്റ്​ അബൂദബി ബാങ്കി​​െൻറ (എഫ്​.എ.ബി) ബ്രാൻഡ്​ മാർക്ക്​ പുറത്തിറക്കി. പുതിയ ലോഗോയും പരസ്യവാചകവും ഉൾപ്പെട്ടതാണ്​ ബ്രാൻഡ്​ മാർക്ക്​. ‘ശക്​തമായി വളരൂ’ എന്നതാണ്​ പരസ്യ വാചകം. 

പുതിയ ബ്രാൻഡ്​ ആവേശകരമായ നാഴികക്കല്ലാണെന്നും മുൻകാല നേട്ടങ്ങളും ഭാവി വീക്ഷണങ്ങളും പ്രതിഫലിപ്പിക്കുന്നതാണെന്നും എഫ്​.എ.ബി ചെയർമാൻ ശൈഖ്​ തഹ്​നൂൻ ബിൻ സായിദ്​ ആൽ നഹ്​യാൻ അഭിപ്രായപ്പെട്ടു. ബാങ്കുമായി ഇടപാടുള്ള എല്ലാ​വരെയും ശക്​തമായി വളരാൻ സഹായിക്കുന്നതിന്​ സമർപ്പിതമായ നടപടികൾ തയാറാക്കിയതായും അദ്ദേഹം പറഞ്ഞു. ബാങ്കി​​െൻറ വെബ്​സൈറ്റ്​ ഉടൻ പുറത്തിറക്കുമെന്ന്​ എഫ്​.എ.ബി ഗ്രൂപ്പ്​ ചീഫ്​ എക്​സിക്യൂട്ടീവ്​ ഒാഫിസർ അബ്​ദുൽ ഹമീദ്​ സഇൗദ്​ അറിയിച്ചു.