പണം കൊടുക്കാതെ വാങ്ങാം, ശുദ്ധമായ ഓക്​സിജൻ

ഓക്​സിജനെ കുറിച്ച്​ ലോകം ഏറ്റവുമധികം ചർച്ച ചെയ്യുന്ന കാലമാണിത്​. പണം കൊടുത്താൽ പോലും ഓക്​സിജൻ കിട്ടാനില്ല​. ഒരു ചിലവുമില്ലാതെ നമുക്ക്​ ചുറ്റും ശുദ്ധമായ ഓക്​സിജൻ ലഭിക്കുന്ന കാലത്താണ്​ ജീവൻ നിലനിർത്താൻ വൻ തുക മുടക്കി ഓക്​സിജൻ വാങ്ങേണ്ടി വരുന്നത്​. ചുറ്റുമുള്ള വായു ശുദ്ധമല്ലാത്തതാണ്​ ഓരോ രോഗങ്ങളിലേക്കും നയിക്കുന്നത്​.

പ്രവാസ ലോകത്തെ ​െ​ടൻഷൻ നിറഞ്ഞ ജീവിതത്തിനിടയിൽ ആനന്ദവും ശുദ്ധവായുവും ഒരുമിച്ച്​ ലഭിക്കുന്ന ഹോബിയാണ്​ ഗാർഡനിങ്​. സ്​ഥലമില്ല എന്നത്​ ന്യായീകരണമേ അല്ല. ഫ്ലാറ്റി​െൻറ ബാൽക്കണിയിലും ടെറസി​െൻറ മുകളിലും വീടി​െൻറ ഉള്ളിലുമെല്ലാം വെച്ചുപിടിപ്പിക്കാവുന്ന വിവിധ ചെടികൾ ലഭ്യമാണ്​. രാവിലെ പച്ചപ്പ്‌ കണ്ട്​ ഉണരുന്നതും ശുദ്ധ വായു ശ്വസിക്കുന്നതും അന്നത്തെ ദിവസം തന്നെ ആനന്ദകരമാക്കും.

കൂടുതൽ കെയറിങ് ആവശ്യമില്ലാത്ത ഒരുപാട് ചെടികളുണ്ട്. നാസ പോലും നിർദേശിച്ച ചെടികളാണിത്​. രാത്രീ സമയങ്ങളിൽ ഇത്തരം ചെടികൾ കൂടുതൽ ഒക്​സിജൻ ഉദ്​പാദിപ്പിക്കുമെന്നാണ്​ പഠനം. അത്തരം ചെടികൾ വളർത്തുന്നതു വഴി വിശാംഷമുള്ള വായുവിനെ വലിച്ചെടുക്കുകയും വായു ശുദ്ധീകരിക്കുകയും ചെയും. സമ്മർദം, ക്ഷീണം, തൊണ്ടവേദന, ജലദോഷം തുടങ്ങിയവ വരാനുള്ള സാധ്യത ഇത്​ മൂലം കുറയും. അന്തരീക്ഷത്തി​െൻറ ഈർപ്പം കൂട്ടുകയും കൂടുതൽ ഓക്​സിജൻ ഉദ്​പാദിപ്പിക്കുകയും ചെയ്യുന്നു.

ഏതൊക്കെയാണ്​ ആ ചെടികൾ

സിഗോണിയം, സ്‌നേക്ക്‌പ്ലാൻറ്​, മണിപ്ലാൻറ്​, റബർ പ്ലാൻറ്​, ഇസഡ്​ ഇസഡ്​ പ്ലാൻറ്​ (Zamioculcas Zamifolia), അരെകപാം (Arecapalm) തുടങ്ങിയവ ഒാക്​സിജൻ പ്രദാനം ചെയ്യുന്ന ചെടികളാണ്​. മണ്ണില്ലെങ്കിലും വെള്ളത്തിൽ വളർത്താം. ബാൽക്കണയിൽ വളർത്താൻ ഗൾഫിലെ കാലാവസ്ഥക്ക് പറ്റിയ ചെടിയാണ് അഡെനിയം(adenium). ഇതിനെ ഡസർട്ട്​ റോസ്​ എന്നും പറയും. പേരുപോലെ മരുഭൂമിയിലെ റോസ് തന്നെയാണിത്​. അത്രക്ക്​ ഭംഗിയുണ്ട്​ അതി​െൻറ പൂവിന്​. ഇസഡ്​ ഇസഡ്​ പ്ലാൻറി​നെ സാൻസിബർ ജെം എന്നും പറയും.

അധിക പരിചരണം ആവശ്യമില്ലാത്തതിനാൽ തിരക്കുള്ളവർക്കും വളർത്താൻ പറ്റിയ ചെടിയാണിത്​. വീട്ടിനുള്ളിൽ ഇൻഡോർ ആയി നാല് മാസം വരെ വെള്ളം ഇല്ലാതെ ജീവിക്കും. റിസോംസ്​ (Rhizomes) എന്നാണ് ഇതി​െൻറ റൂട്ടിലെ കിഴങ്ങിനു പറയുന്നത്. റിസോംസിലാണ്​ വെള്ളം സൂക്ഷിച്ചു വെക്കുന്നത്​. നേരിട്ട്​ സൂര്യ പ്രകാശം അടിക്കാത്ത സ്​ഥലത്ത്​ എത്ര നാൾ വേണമെങ്കലും ഇതു നിന്നോളും. കാഴ്​ചയിലും നല്ല ഭംഗിയാണ്​. ഒരു ഇല മതി ഈ ചെടി സൃഷ്​ടിക്കാൻ. ഇലഞെട്ട്​ മുറിച്ചാണ്​ ഇത്​ കിളിപ്പിക്കുന്നത്​. ഇൻഡോർ ആയി വെക്കുമ്പോൾ മണ്ണ്​, ചാണകം, ഏതെങ്കിലും വളം എന്നിവ ഇട്ടാൽ നല്ലതാണ്​. മണ്ണ് നല്ല ഡ്രൈ ആയിട്ടേ വെള്ളം ഒഴിക്കാവൂ. ഇതി​െൻറ വിത്യസ്​ത ഇനം ചെടികളുമുണ്ട്​. വിലയും വിത്യാസം വരും.