പാർട്ട് ടൈം ജോലി ചെയ്യാം; തൊഴിലുടമയുടെ അനുമതി വേണ്ട

ദുബൈ: തൊഴിലുടമയുടെ അനുമതിയില്ലാതെ രാജ്യത്ത്​ പാർട്ട്​ ടൈം ജോലി ചെയ്യാമെന്ന്​ തൊഴിൽ മന്ത്രാലയം. പ്രവാസികൾ ഉൾപ്പെടെയുള്ള തൊഴിലാളികൾക്ക്​ ഉപകാരപ്പെടുന്ന തീരുമാനമാണിത്​. 2018 മുതൽ മൾട്ടി എം​േപ്ലായർ കോൺട്രാക്​ട്​ സംവിധാനം യു.എ.ഇയിലുണ്ട്​.

ഇതി​െൻറ അടിസ്​ഥാനത്തിൽ ജീവനക്കാർക്ക്​ കൂടുതൽ കമ്പനികളിൽ ജോലി ചെയ്യാമെന്ന്​ മാനവ വിഭവശേഷി മന്ത്രാലയം ട്വിറ്ററിൽ അറിയിച്ചു.

സർവകലാശല ബിരുദം, ഡിപ്ലോമ അതിന് മേലെയോ യോഗ്യതയുള്ളവരെ ഇത്തരം ജോലികൾക്കായി നിയോഗിക്കാം. രാജ്യത്തിന് പുറത്തുനിന്ന് പുതിയ ജോലിക്കാരെ കൊണ്ടുവരുന്നത് ഒഴിവാക്കാൻ ഈ സംവിധാനം പ്രയോജനപ്പെടുത്താമെന്നാണ് മന്ത്രാലയത്തി​െൻറ കണക്കുകൂട്ടൽ. മറ്റ്​ സ്​ഥാപനങ്ങളിലെ ജീവനക്കാരെ പാർട്ട്​ ടൈമായി നിയമിക്കാൻ ആഗ്രഹിക്കുന്ന സ്​ഥാപനങ്ങൾ മന്ത്രാലയത്തിൽനിന്ന്​ അനുമതി നേടണം.ഇങ്ങനെ അനുമതി ലഭിക്കുന്ന സ്​ഥാപനങ്ങളിലാണ്​ പാർട്ട്​ ടൈം ജോലിക്കാർക്ക്​ തൊഴിലവസരം ലഭിക്കുന്നത്​.