വാഹനാപകടം: റാസല്ഖൈമയില് രണ്ടു സഹോദരങ്ങള്ക്ക് ദാരുണാന്ത്യം
text_fieldsറാസല്ഖൈമയിൽ രണ്ടു സഹോദരങ്ങളുടെ മരണത്തിനിടയാക്കിയ അപകടത്തിൽപെട്ട വാഹനം
റാസല്ഖൈമ: നിയന്ത്രണംവിട്ട വാഹനം അപകടത്തിൽപെട്ട് രണ്ടു യുവാക്കള് മരിച്ചതായി അധികൃതര് അറിയിച്ചു. ശമല് എമിറേറ്റ്സ് ബൈപാസില് വ്യാഴാഴ്ച വൈകീട്ടായിരുന്നു അപകടം. ഒരു കുടുംബത്തിലെ സഹോദരങ്ങളായ 27ഉം 17ഉം വയസ്സുള്ളവരാണ് മരിച്ചത്. വാഹനം പലവട്ടം മറിഞ്ഞ് പൂര്ണമായി തകര്ന്നു. ഒരാള് സംഭവ സ്ഥലത്തുതന്നെ മരിച്ചു. രണ്ടാമത്തെയാളെ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഗതാഗത നിയമങ്ങളില് ജാഗ്രത വേണ്ടതിലേക്ക് വിരല്ചൂണ്ടുന്നതാണ് ദുരന്തമെന്ന് റാക് പൊലീസ് ട്രാഫിക് ആൻഡ് പട്രോള് വിഭാഗം ഡയറക്ടര് ബ്രിഗേഡിയര് അഹമ്മദ് അല് സമാം അല് നഖ്ബി അഭിപ്രായപ്പെട്ടു. യുവാക്കളുടെ മൃതദേഹങ്ങള് നടപടി പൂര്ത്തിയാക്കി കുടുംബത്തിന് വിട്ടുകൊടുത്തതായും അധികൃതര് വ്യക്തമാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.