വാ​ഹ​ന, വ​സ്തു ഇ​ന്‍ഷു​റ​ന്‍സ് നി​ര​ക്ക്​ ഉ​യ​ർ​ന്നേ​ക്കും

അ​ബൂ​ദ​ബി: യു.​എ.​ഇ​യി​ല്‍ വാ​ഹ​ന, വ​സ്തു ഇ​ന്‍ഷു​റ​ന്‍സ് നി​ര​ക്കു​ക​ള്‍ വ​ന്‍തോ​തി​ല്‍ ഉ​യ​രു​മെ​ന്ന് റി​പ്പോ​ര്‍ട്ട്. യു.​എ.​ഇ​യു​ടെ ച​രി​ത്ര​ത്തി​ലെ ഏ​റ്റ​വും വ​ലി​യ മ​ഴ​യെ​ത്തു​ട​ര്‍ന്നു​ണ്ടാ​യ വെ​ള്ള​പ്പൊ​ക്ക​ത്തി​ല്‍ നി​ര​വ​ധി വാ​ഹ​ന​ങ്ങ​ളും വീ​ടു​ക​ളും മ​റ്റും വെ​ള്ളം​ക​യ​റി ന​ശി​ച്ച​തോ​ടെ വ​ന്‍തോ​തി​ല്‍ ഇ​ന്‍ഷു​റ​ന്‍സ് ക്ലെ​യിം ഉ​ണ്ടാ​വു​മെ​ന്ന​തി​നാ​ലാ​ണ് ഇ​ത്ത​ര​മൊ​രു സാ​ഹ​ച​ര്യം വ​ന്നു​ചേ​ര്‍ന്നി​രി​ക്കു​ന്ന​ത്.

റോ​ഡു​ക​ളി​ലും വീ​ടു​ക​ളി​ലു​മൊ​ക്കെ വെ​ള്ളം പൊ​ങ്ങി​യ​തോ​ടെ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഉ​പേ​ക്ഷി​ക്ക​പ്പെ​ട്ട​ത്. ഏ​താ​നും വ​ര്‍ഷ​ങ്ങ​ളാ​യി ഇ​ന്‍ഷു​റ​ന്‍സ് ക്ലെ​യി​മു​ക​ള്‍ ഉ​ന്ന​യി​ക്കു​ന്ന​വ​രു​ടെ എ​ണ്ണം വ​ര്‍ധി​ച്ച​തി​നാ​ല്‍ ഇ​ന്‍ഷു​റ​ന്‍സ് ക​മ്പ​നി​ക​ള്‍ 50 ശ​ത​മാ​നം നി​ര​ക്ക് വ​ര്‍ധി​പ്പി​ച്ചി​രു​ന്നു.

ഇ​തി​നു പു​റ​മെ​യാ​ണ് പ്ര​കൃ​തി ദു​ര​ന്തം​കൂ​ടി സം​ഭ​വി​ച്ചി​രി​ക്കു​ന്ന​ത്. ക്ലെ​യി​മു​ക​ള്‍ ന​ല്‍കേ​ണ്ടി വ​രു​ന്ന​തി​നാ​ല്‍ ഇ​ന്‍ഷു​റ​ന്‍സ് ക​മ്പ​നി​ക​ള്‍ക്ക് ന​ഷ്ടം സം​ഭ​വി​ക്കു​ന്ന​തി​നൊ​പ്പം പു​തു​താ​യി നി​ര​വ​ധി പേ​ര്‍ ഇ​ന്‍ഷു​റ​ന്‍സ് എ​ടു​ക്കു​ന്ന​തി​ന് മു​ന്നോ​ട്ടു​വ​രു​മെ​ന്ന സാ​ഹ​ച​ര്യ​വും നി​ല​വി​ലു​ണ്ടെ​ന്നാ​ണ് മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന ക​മ്പ​നി​ക​ള്‍ വ്യ​ക്ത​മാ​ക്കു​ന്ന​ത്. ക്ലെ​യിം ആ​വ​ശ്യ​പ്പെ​ടു​ന്ന​വ​രു​ടെ എ​ണ്ണ​ത്തി​ല്‍ 400 ശ​ത​മാ​നം​വ​രെ വ​ര്‍ധ​ന​യാ​ണ് ഉ​ണ്ടാ​യി​രി​ക്കു​ന്ന​ത്.

വെ​ള്ളം​ക​യ​റി നാ​ശ​മാ​യ വാ​ഹ​ന​ങ്ങ​ളി​ല്‍ മി​ക്ക​തി​നും തേ​ഡ് പാ​ര്‍ട്ടി ഇ​ന്‍ഷു​റ​ന്‍സാ​ണ്​ എ​ന്ന​തി​നാ​ല്‍ ന​ഷ്ട​പ​രി​ഹാ​ര​ത്തു​ക ല​ഭി​ക്കി​ല്ലെ​ന്ന വ​സ്തു​ത​യും നി​ല​നി​ല്‍ക്കു​ക​യാ​ണ്.

ഇ​തു മ​റി​ക​ട​ക്കാ​നാ​യി കൂ​ടു​ത​ല്‍ പേ​ര്‍ ഫു​ള്‍ക​വ​ര്‍ ഇ​ന്‍ഷു​റ​ന്‍സ് എ​ടു​ക്കാ​ന്‍ രം​ഗ​ത്തു​വ​രു​മെ​ന്ന സാ​ധ്യ​ത​യു​മു​ണ്ട്.