ഒറ്റ ടാക്സി യാത്ര; 723 കിലോമീറ്റർ, 2000 ദിർഹം

ദു​ബൈ: ക​ഴി​ഞ്ഞ 12 മാ​സ​ത്തി​നി​ടെ നി​ങ്ങ​ൾ എ​ത്ര ടാ​ക്സി യാ​ത്ര ന​ട​ത്തി​യി​ട്ടു​ണ്ടാ​വും, എ​ത്ര കി​ലോ​മീ​റ്റ​ർ സ​ഞ്ച​രി​ച്ചി​ട്ടു​ണ്ടാ​വും, എ​ത്ര തു​ക മു​ട​ക്കി​യി​ട്ടു​ണ്ടാ​വും ? ന​മ്മു​ടെ കൈ​യി​ൽ ഇ​തി​നൊ​ന്നും ക​ണ​ക്കു​ണ്ടാ​വി​ല്ല. പ​ക്ഷേ, ടാ​ക്സി സേ​വ​ന ദാ​താ​ക്ക​ളാ​യ ‘ക​രീ’​മി​ന്‍റെ കൈ​വ​ശം ഈ ​ക​ണ​ക്കു​ക​ളെ​ല്ലാ​മു​ണ്ട്. ക​ഴി​ഞ്ഞ വ​ർ​ഷം ഏ​റ്റ​വും കൂ​ടു​ത​ൽ ടാ​ക്സി യാ​ത്ര ന​ട​ത്തി​യ​വ​രു​ടെ ക​ണ​ക്ക്​ പു​റ​ത്തു​വി​ട്ടി​രി​ക്കു​ക​യാ​ണ്​ ക​മ്പ​നി. യാ​ത്ര​ക്കാ​രു​ടെ പേ​രു​വി​വ​ര​ങ്ങ​ൾ ല​ഭ്യ​മാ​ക്കി​യി​ട്ടി​ല്ലെ​ങ്കി​ലും യാ​ത്ര​യു​ടെ ക​ണ​ക്കു​ക​ൾ ‘ക​രീം’ വ്യ​ക്​​ത​മാ​ക്കി​യി​ട്ടു​ണ്ട്.

ഒ​റ്റ​യാ​ത്ര​യി​ൽ ഒ​രാ​ൾ ഏ​റ്റ​വും കൂ​ടു​ത​ൽ ദൂ​രം സ​ഞ്ച​രി​ച്ച​ത് 723 കി​ലോ​മീ​റ്റ​റാ​ണ്. ​ദു​ബൈ ഗ്രീ​ൻ​സി​ലെ ലി​ങ്ക്സ്​ ഈ​സ്റ്റ്​ ട​വ​റി​ൽ നി​ന്ന്​ ടാ​ക്സി വി​ളി​ച്ച ഇ​യാ​ൾ പ​ല​യി​ട​ത്തും ചു​റ്റി​ക്ക​റ​ങ്ങി​യ ശേ​ഷം അ​ബൂ​ദ​ബി അ​ൽ ദ​ന്ന​ത്ത്​ സി​റ്റി​യി​ലെ ഷു​വൈ​ഹാ​ത്​ പ​വ​ർ കോം​പ്ല​ക്സി​ലെ​ത്തി​യ​പ്പോ​ൾ ടാ​ക്സി ബി​ൽ 2000 ദി​ർ​ഹം ക​ട​ന്നി​രു​ന്നു. ദു​ബൈ​യി​ലെ മ​റ്റൊ​രു താ​മ​സ​ക്കാ​ര​നാ​ണ്​ ഏ​റ്റ​വും കൂ​ടു​ത​ൽ ടാ​ക്സി യാ​ത്ര​ക​ൾ ന​ട​ത്തി​യ​ത്. ക​ഴി​ഞ്ഞ വ​ർ​ഷം 1900 ത​വ​ണ​യാ​ണ്​ ഇ​യാ​ൾ ‘ക​രീം’ വ​ഴി ടാ​ക്സി വി​ളി​ച്ച​ത്.

ഇ​തി​നാ​യി ചെ​ല​വ​ഴി​ച്ച​താ​ക​ട്ടെ, 70,000 ദി​ർ​ഹ​മും. 6100 യാ​ത്ര​ക​ൾ ന​ട​ത്തി​യ ഡ്രൈ​വ​ർ​മാ​രും ദു​ബൈ​യി​ലു​ണ്ട്. ക​ഴി​ഞ്ഞ വ​ർ​ഷം യാ​ത്ര​ക്കാ​രു​ടെ എ​ണ്ണം കു​തി​ച്ചു​യ​ർ​ന്ന​തോ​ടെ കൂ​ടു​ത​ൽ ഡ്രൈ​വ​ർ​മാ​രെ നി​യ​മി​ച്ചും അ​ധി​ക ബോ​ണ​സ്​ പ്ര​ഖ്യാ​പി​ച്ചു​മാ​ണ്​ ‘ക​രീം’ കാ​റു​ക​ൾ ഇ​റ​ക്കി​യ​ത്. അ​തേ​സ​മ​യം, ഗ​ൾ​ഫ്​ മേ​ഖ​ല​യി​ൽ ഏ​റ്റ​വും കൂ​ടു​ത​ൽ യാ​ത്ര ന​ട​ത്തി​യ​ത്​ ഖ​ത്ത​റി​ലെ യാ​ത്ര​ക്കാ​ര​നാ​ണ്. ഇ​യാ​ൾ 2480 യാ​ത്ര​ക​ളാ​ണ്​ ക​ഴി​ഞ്ഞ വ​ർ​ഷം ന​ട​ത്തി​യ​ത്. ഒ​രു ദി​വ​സം 17 യാ​​ത്ര വ​രെ ഇ​ദ്ദേ​ഹം ന​ട​ത്തി​യി​ട്ടു​ണ്ട്. ഖ​ത്ത​റി​ലെ സ്​​റ്റേ​ഡി​യ​ങ്ങ​ളി​ലേ​ക്ക്​ 24,000 ട്രി​പ്പു​ക​ളാ​ണ്​ ന​ട​ന്ന​ത്. ഏ​റ്റ​വും പ്രി​യ​പ്പെ​ട്ട സി​റ്റി ടു ​സി​റ്റി യാ​ത്ര ദു​ബൈ​യി​ൽ​നി​ന്ന്​ ഷാ​ർ​ജ​യി​ലേ​ക്കാ​ണ്.

‘ക​രീം’ ആ​പ്​ വ​ഴി ഭ​ക്ഷ​ണം ഓ​ർ​ഡ​ർ ചെ​യ്ത​വ​രു​ടെ ക​ണ​ക്കും പു​റ​ത്തു​വി​ട്ടി​ട്ടു​ണ്ട്. ഒ​രു ഉ​പ​ഭോ​ക്​​താ​വ്​ മാ​ത്രം 1100 ഭ​ക്ഷ​ണ ഓ​ർ​ഡ​റു​ക​ളാ​ണ്​ ന​ൽ​കി​യ​ത്. ഇ​യാ​ൾ ചെ​ല​വ​ഴി​ച്ച​ത്​ 80,000 ദി​ർ​ഹം. 2021നെ ​അ​പേ​ക്ഷി​ച്ച്​ ആ​രോ​ഗ്യ​ദാ​യ​ക​മാ​യ ഭ​ക്ഷ​ണം വാ​ങ്ങു​ന്ന​വ​രു​ടെ എ​ണ്ണം 47 ശ​ത​മാ​നം വ​ർ​ധി​ച്ചു​വെ​ന്നും ക​മ്പ​നി വെ​ളി​പ്പെ​ടു​ത്തി.