കാര്‍ഗോ സ്ഥാപനത്തിലെ തീപിടിത്തം : പ്രവാസികള്‍ നഷ്​ടപരിഹാരം തേടി കോടതിയില്‍

റാ​സ​ല്‍ഖൈ​മ: ദു​ബൈ​യി​ലെ കാ​ര്‍ഗോ സ്​​റ്റോ​റി​ലെ തീ​പി​ടി​ത്ത​ത്തി​ല്‍ സാ​ധ​ന​ങ്ങ​ള്‍ ന​ഷ്​​ട​മാ​യ പ്ര​വാ​സി​ക​ള്‍ ന​ഷ്​​ട​പ​രി​ഹാ​ര​മാ​വ​ശ്യ​പ്പെ​ട്ട് കേ​ര​ള ഹൈ​കോ​ട​തി​യി​ല്‍. 2020 ജൂ​ലൈ ആ​റി​നാ​യി​രു​ന്നു ദു​ബൈ​യി​ലെ കാ​ര്‍ഗോ സ്ഥാ​പ​ന​ത്തി​ല്‍ തീ​പി​ടി​ത്ത​മു​ണ്ടാ​യ​ത്. നാ​ട്ടി​ലെ​ത്തി​ക്കു​ന്ന​തി​ന് കാ​ര്‍ഗോ​യെ ഏ​ല്‍പ്പി​ച്ച ഒ​ട്ടേ​റെ പേ​രു​ടെ സാ​ധ​ന സാ​മ​ഗ്രി​ക​ളാ​ണ് തീ​പി​ടി​ത്ത​ത്തി​ല്‍ ന​ശി​ച്ച​ത്. ഇ​തി​ലൂ​ടെ ഒ​ട്ടേ​റെ പ്ര​വാ​സി മ​ല​യാ​ളി​ക​ള്‍ക്ക് ഭീ​മ​മാ​യ ധ​ന​ന​ഷ്​​ടം സം​ഭ​വി​ച്ചു. പ​തി​റ്റാ​ണ്ടു​ക​ളാ​യി യു.​എ.​ഇ​യി​ല്‍ പ്ര​വാ​സ​ജീ​വി​തം ന​യി​ച്ച് നാ​ട്ടി​ലേ​ക്ക് തി​രി​ച്ച​വ​രു​ടെ സാ​ധ​ന സാ​മ​ഗ്രി​ക​ളും ന​ഷ്​​ട​മാ​യ​വ​യി​ലു​ള്‍പ്പെ​ടും. ഇ​വ​ര്‍ക്ക് ഇ​ത് വി​ല​മ​തി​ക്കാ​നാ​കാ​ത്ത ന​ഷ്​​ട​മാ​ണ്. ഇ​ന്‍ഷു​റ​ന്‍സ് തു​ക​യു​ള്‍പ്പെ​ടെ ഈ​ടാ​ക്കി​യാ​ണ് നാ​ട്ടി​ല്‍ എ​ത്തി​ക്കു​ന്ന​തി​ന് കാ​ര്‍ഗോ സ്ഥാ​പ​നം പ്ര​വാ​സി മ​ല​യാ​ളി​ക​ളി​ല്‍നി​ന്ന് സാ​ധ​ന​ങ്ങ​ള്‍ സ്വീ​ക​രി​ച്ച​ത്. ജോ​ലി ന​ഷ്​​ട​പ്പെ​ട്ടും മ​തി​യാ​ക്കി​യും യു.​എ.​ഇ വി​ട്ട​വ​ര്‍ നി​ശ്ചി​ത സ​മ​യം ക​ഴി​ഞ്ഞും ത​ങ്ങ​ളു​ടെ വ​സ്തു​വ​ക​ക​ള്‍ നാ​ട്ടി​ലെ​ത്താ​തി​രു​ന്ന​പ്പോ​ഴു​ള്ള അ​ന്വേ​ഷ​ണ​ത്തി​ല്‍ ബ​ന്ധ​പ്പെ​ട്ട​വ​രി​ല്‍നി​ന്ന് കൃ​ത്യ​മാ​യ മ​റു​പ​ടി ല​ഭി​ച്ചി​ല്ല.

സാ​ധ​ന​ങ്ങ​ളേ​ല്‍പ്പി​ച്ച​വ​രി​ല്‍ പ​ല​രും വാ​ര്‍ത്ത​ക​ളി​ലൂ​ടെ​യാ​ണ് കാ​ര്‍ഗോ സ്ഥാ​പ​ന​ത്തി​ലു​ണ്ടാ​യ തീ ​പി​ടി​ത്ത വി​വ​രം അ​റി​യു​ന്ന​ത്. സം​ഭ​വം നോ​ര്‍ക്ക​യെ​യും വി​ദേ​ശ​കാ​ര്യ മ​ന്ത്രാ​ല​യ​ത്തെ​യും അ​റി​യി​ച്ചു. അ​ധി​കൃ​ത​ർ​ക്ക് അ​പേ​ക്ഷ​ക​ളും പ​രാ​തി​ക​ളും സ​മ​ര്‍പ്പി​ച്ചു. അ​നു​കൂ​ല ന​ട​പ​ടി​ക​ളൊ​ന്നും ഉ​ണ്ടാ​കാ​തി​രു​ന്ന​തി​നെ തു​ട​ര്‍ന്ന് വി​ഷ​മാ​വ​സ്ഥ​യി​ലാ​യ​വ​ര്‍ പ്ര​വാ​സി ലീ​ഗ​ല്‍ സെ​ല്‍ (പി.​എ​ല്‍.​സി) വ​ഴി കോ​ട​തി​യി​ലൂ​ടെ പ്ര​ശ്ന​പ​രി​ഹാ​ര​ത്തി​ന് ശ്ര​മി​ക്കു​ക​യാ​ണെ​ന്ന് യു.​എ.​ഇ ക​ണ്‍ട്രി ഹെ​ഡ് ശ്രീ​ധ​ര​ന്‍ പ്ര​സാ​ദ് 'ഗ​ള്‍ഫ് മാ​ധ്യ​മ'​ത്തോ​ട് പ​റ​ഞ്ഞു. പി.​എ​ല്‍.​സി പ്ര​സി​ഡ​ൻ​റ്​ അ​ഡ്വ. ജോ​സ് എ​ബ്ര​ഹാം മു​ഖേ​ന​യാ​ണ് ഹൈ​കോ​ട​തി​യെ സ​മീ​പി​ച്ച​ത്. ഹ​ര​ജി​യി​ല്‍ കേ​ന്ദ്ര സ​ര്‍ക്കാ​റി​നോ​ട് മ​റു​പ​ടി ഫ​യ​ല്‍ ചെ​യ്യാ​നാ​വ​ശ്യ​പ്പെ​ട്ട ജ​സ്​​റ്റി​സ് പി.​വി. ആ​ശ അ​ധ്യ​ക്ഷ​യാ​യ ബെ​ഞ്ച് മാ​ര്‍ച്ച് മൂ​ന്നി​ന് ഹ​ര​ജി വീ​ണ്ടും പ​രി​ഗ​ണി​ക്കു​മെ​ന്ന് അ​റി​യി​ച്ച​താ​യും പ്ര​സാ​ദ് പ​റ​ഞ്ഞു.

കോ​വി​ഡ് പ്ര​തി​സ​ന്ധി​യി​ല്‍ വി​ദേ​ശ​ത്ത് ജോ​ലി ന​ഷ്​​ട​മാ​യ​വ​ര്‍ക്ക് ല​ഭി​ക്കേ​ണ്ട ശ​മ്പ​ള​വും ആ​നു​കൂ​ല്യ​ങ്ങ​ളും കി​ട്ടാ​ത്ത സാ​ഹ​ച​ര്യ​ത്തി​ല്‍ ഇ​വ ല​ഭി​ക്കു​ന്ന​തി​ന് സൗ​ജ​ന്യ നി​യ​മ​സ​ഹാ​യം ല​ഭ്യ​മാ​ക്കു​ന്ന​തി​ന് ഇ​ന്ത്യ​ന്‍ എം​ബ​സി​ക്ക് ഉ​ത്ത​ര​വാ​ദി​ത്ത​മു​ണ്ടെ​ന്ന് കേ​ര​ള ഹൈ​കോ​ട​തി ഡി​വി​ഷ​ന്‍ ബെ​ഞ്ച് നേ​ര​ത്തേ ഉ​ത്ത​ര​വി​ട്ടി​രു​ന്നു. ഇ​തി​െൻറ ചു​വ​ടു​പി​ടി​ച്ച് ഇ​ന്ത്യ​ന്‍ കോ​ണ്‍സു​ലേ​റ്റി​ന് കീ​ഴി​ലു​ള്ള ഇ​ന്ത്യ​ന്‍ ക​മ്യൂ​ണി​റ്റി വെ​ല്‍ഫെ​യ​ര്‍ ഫ​ണ്ടി​ല്‍നി​ന്ന് ന​ഷ്​​ട​പ​രി​ഹാ​രം ല​ഭ്യ​മാ​ക്കി പ്ര​ശ്ന​പ​രി​ഹാ​ര​ത്തി​ന് ഇ​ന്ത്യ​ന്‍ എം​ബ​സി​ക്ക് നി​ർ​ദേ​ശം ന​ല്‍ക​ണ​മെ​ന്നാ​ണ് ഹ​ര​ജി​യി​ല്‍ പ​രാ​തി​ക്കാ​രു​ടെ മു​ഖ്യ ആ​വ​ശ്യം.