ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദി​ന്​ റ​മ​ദാ​ൻ ആ​ശം​സ അ​റി​യി​ച്ച്​ പ്ര​മു​ഖ​ർ

ദു​ബൈ: യു.​എ.​ഇ വൈ​സ് പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂം ദു​ബൈ യൂ​നി​യ​ൻ ഹൗ​സ് അ​ൽ മു​ദൈ​ഫ് മ​ജ്​​ലി​സി​ൽ ഒ​രു​ക്കി​യ ഇ​ഫ്ത്താ​റി​ൽ മ​ന്ത്രി​മാ​ര​ട​ക്കം പ്ര​മു​ഖ​ർ റ​മ​ദാ​ൻ ആ​ശം​സ ​നേ​ർ​ന്നു.

യു.​എ.​ഇ ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യും ദു​ബൈ കി​രീ​ടാ​വ​കാ​ശി​യു​മാ​യ ശൈ​ഖ് ഹം​ദാ​ൻ ബി​ൻ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂം, യു.​എ.​ഇ ഉ​പ​പ്ര​ധാ​ന​മ​ന്ത്രി​യും ധ​ന​കാ​ര്യ​മ​ന്ത്രി​യും ദു​ബൈ ഉ​പ​ഭ​ര​ണാ​ധി​കാ​രി​യു​മാ​യ ശൈ​ഖ് മ​ക്തൂം ബി​ൻ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂം എ​ന്നി​വ​രും ച​ട​ങ്ങി​ൽ സ​ന്നി​ഹി​ത​രാ​യി​രു​ന്നു.

പ്ര​വാ​സി വ്യ​വ​സാ​യ പ്ര​മു​ഖ​രാ​യ ലു​ലു ഗ്രൂ​പ് ചെ​യ​ർ​മാ​ൻ എം.​എ. യൂ​സു​ഫ​ലി, ആ​സ്റ്റ​ർ ഡി.​എം ഹെ​ല്‍ത്ത് കെ​യ​ര്‍ സ്ഥാ​പ​ക ചെ​യ​ർ​മാ​ൻ ഡോ. ​ആ​സാ​ദ് മൂ​പ്പ​ൻ എ​ന്നി​വ​രും ച​ട​ങ്ങി​ൽ ഭ​ര​ണാ​ധി​കാ​രി​ക്ക്​ റ​മ​ദാ​ൻ ആ​ശം​സ നേ​ർ​ന്നു.