ദുബൈ ഫെസ്​റ്റിവൽ സിറ്റി മാളിൽ സി ആൻഡ്​ എച്ച്​ 'കിയോസ്ക്' ആരംഭിച്ചു

ദുബൈ: റീട്ടെയിൽ വിപണന മേഖലയിലെ പ്രവർത്തനങ്ങളുടെ ഭാഗമായി ക്ലീൻ ആൻഡ്​​ ഹൈജീൻ സെൻറർ (സി ആൻഡ്​ എച്ച്​) പ്രഥമ കിയോസ്ക് ദുബൈ ഫെസ്​റ്റിവൽ സിറ്റി മാളിൽ പ്രവർത്തനം ആരംഭിച്ചു. സി ആൻഡ്​ എച്ച്​ സ്ഥാപകനും സി.ഇ.ഒയുമായ യാസിൻ ഹസൻ, ചീഫ് ഓപറേറ്റിങ്​ ഓഫിസർ പി. രാജേഷ്, റീജനൽ മാർക്കറ്റിങ്​ മാനേജർ സായ് രവികാന്ത് എന്നിവരുടെ സാന്നിധ്യത്തിൽ കോർപറേറ്റ് സോഷ്യൽ റെസ്പോൺസബിലിറ്റി ഹെഡ്​ നൈസി യാസിൻ ഉദ്ഘാടനം നിർവഹിച്ചു.ഉൽപന്നങ്ങൾ പ്രദർശിപ്പിക്കാനും വിൽക്കാനുമുള്ള വഴിയോര ബൂത്ത് എന്ന നിലയിൽ കിയോസ്കുകൾ ഉപഭോക്താക്കളുമായി കൂടുതൽ എളുപ്പത്തിൽ വിനിമയം സാധ്യമാക്കുന്നു.

ദുബൈ ഫെസ്​റ്റിവൽ സിറ്റി മാളിൽ ഐക്യാ ഷോറൂമിനടുത്ത്​ കാരിഫോർ ബഹ്‌റൈൻ ഹൈപ്പർ മാർക്കറ്റിന്​ മുന്നിലാണ് കിയോസ്ക് സ്ഥാപിച്ചത്. ഫേസ്മാസ്ക്, ഗ്ലൗസ്​, പേഴ്‌സനൽ പ്രൊട്ടക്​ഷൻ കിറ്റ് തുടങ്ങിയവയും പരിസര ശുചിത്വ പരിപാലനത്തിനുള്ള ക്ലീനിങ് ഉൽപന്നങ്ങളും ഇവിടെ ലഭ്യമാണ്.വിവിധ ബ്രാൻഡുകളുടെ മികച്ച ഉൽപന്നങ്ങൾ പ്രത്യേകം തിരഞ്ഞെടുത്താണ് കിയോസ്ക് ഒരുക്കിയത്.