പൊ​തു​മാ​പ്പ് കേ​ന്ദ്ര​ത്തി​ൽ കു​ട്ടി​ക​ൾ​ക്ക്​ ക​ളി​സ്ഥ​ലം

ദു​ബൈ: അ​ൽ അ​വീ​റി​ലെ പൊ​തു​മാ​പ്പ് കേ​ന്ദ്ര​ത്തി​ൽ കു​ട്ടി​ക​ൾ​ക്കാ​യി പ്ര​ത്യേ​ക ക​ളി​സ്ഥ​ലം തു​റ​ന്നു. പൊ​തു​മാ​പ്പ് സേ​വ​ന​ങ്ങ​ൾ തേ​ടു​ന്ന കു​ടും​ബ​ങ്ങ​ൾ​ക്കും കു​ട്ടി​ക​ൾ​ക്കും ആ​ശ്വാ​സ​ക​ര​മാ​യ അ​നു​ഭ​വം ന​ൽ​കു​ന്ന​തി​ന്‍റെ ഭാ​ഗ​മാ​യാ​ണ്​ ന​ട​പ​ടി​യെ​ന്ന്​ ദു​ബൈ​യി​ലെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റെ​സി​ഡ​ൻ​സി ആ​ൻ​ഡ് ഫോ​റി​നേ​ഴ്സ് അ​ഫ​യേ​ഴ്സ് (ജി.​ഡി.​ആ​ർ.​എ​ഫ്.​എ) അ​റി​യി​ച്ചു.

കു​ട്ടി​ക​ൾ​ക്ക് വി​നോ​ദ​ത്തോ​ടൊ​പ്പം വി​ദ്യാ​ഭ്യാ​സ​പ​ര​മാ​യ അ​നു​ഭ​വ​ങ്ങ​ൾ ഉ​റ​പ്പാ​ക്കു​ന്ന​തി​ന് അ​നു​യോ​ജ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ളോ​ടെ​യാ​ണ് ക​ളി​സ്ഥ​ലം സ​ജ്ജീ​ക​രി​ച്ചി​രി​ക്കു​ന്ന​ത്. ക​ളി​പ്പാ​ട്ട​ങ്ങ​ൾ, ചി​ത്ര​ര​ച​ന, വാ​യ​ന​സ്ഥ​ല​ങ്ങ​ൾ എ​ന്നി​വ ഉ​ൾ​ക്കൊ​ള്ളു​ന്ന ക​ളി​സ്ഥ​ലം, കു​ട്ടി​ക​ൾ​ക്ക് സു​ര​ക്ഷി​ത​വും സു​ഖ​ക​ര​വു​മാ​യ അ​ന്ത​രീ​ക്ഷം വാ​ഗ്ദാ​നം ചെ​യ്യു​ന്നു. മാ​താ​പി​താ​ക്ക​ൾ ​പൊ​തു​മാ​പ്പി​നാ​യു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കു​ന്ന​തി​നി​ട​യി​ൽ കു​ട്ടി​ക​ൾ​ക്ക് ക​ളി​സ്ഥ​ല​ത്ത്​ സ​മ​യം ചെ​ല​വ​ഴി​ക്കാ​നാ​കും.

കു​ടും​ബ​ങ്ങ​ൾ​ക്കും കു​ട്ടി​ക​ൾ​ക്കും മാ​ന​സി​ക​വും സാ​മൂ​ഹി​ക​വു​മാ​യ സം​തൃ​പ്തി ന​ൽ​കു​ക​യാ​ണ് പ​ദ്ധ​തി​യു​ടെ ല​ക്ഷ്യം. പൊ​തു​മാ​പ്പ് സേ​വ​ന​ങ്ങ​ൾ മാ​നു​ഷി​ക മൂ​ല്യ​ങ്ങ​ൾ മു​ൻ​നി​ർ​ത്തി​​ത​ന്നെ ന​ൽ​കു​ക​യാ​ണ് ഞ​ങ്ങ​ളു​ടെ ദൗ​ത്യ​​മെ​ന്നും കു​ട്ടി​ക​ളു​ടെ പൊ​തു​മാ​പ്പ് കേ​ന്ദ്ര​ത്തി​ന്‍റെ ഗു​ണ​പ​ര​മാ​യ കൂ​ട്ടി​ച്ചേ​ർ​ക്ക​ലാ​ണെ​ന്നും അ​ൽ അ​വീ​ർ എ​മി​ഗ്രേ​ഷ​ൻ അ​സി​സ്റ്റ​ന്‍റ്​ ഡ​യ​റ​ക്ട​ർ മേ​ജ​ർ ജ​ന​റ​ൽ സ​ലാ​ഹ് അ​ൽ ഖം​സി പ​റ​ഞ്ഞു. വി​വി​ധ ഗെ​യി​മു​ക​ളും നൂ​ത​ന​മാ​യ വി​നോ​ദ പ്ര​വ​ർ​ത്ത​ന​ങ്ങ​ളു​മാ​യാ​ണ് ക​ളി​സ്ഥ​ലം ഒ​രു​ക്കി​യി​രി​ക്കു​ന്ന​ത്. കു​ട്ടി​ക​ളു​ടെ പ്രാ​യ​ത്തി​ന​നു​സ​രി​ച്ചു​ള്ള സൗ​ക​ര്യ​ങ്ങ​ളും ഉ​ൾ​ക്കൊ​ള്ളു​ന്നു.