മരണച്ചുഴിയിൽനിന്ന്​ അച്​ഛനെ വലിച്ചെടുത്തത്​ 11കാരൻ;  ബെയ്​സിൽ ജീവിതത്തി​െൻറ അത്​ഭുത തീരത്ത്​

അബൂദബി: കടലാഴങ്ങളിലേക്ക്​ താഴ്​ന്നുപോകുകയായിരുന്ന അച്​ഛനെ ജീവിതതീരത്തേക്ക്​ എത്തിച്ചത്​ 11കാരനായ മകൻ. വിഷുക്കണി കണ്ട്​ സദ്യയും കഴിച്ച്​ കടലിൽ നീന്തുകയായിരുന്ന അവൻ അച്​ഛന്​ നൽകിയത്​ ഒരിക്കലും വിലമതിക്കാനാവാത്ത കൈനീട്ടം. വർക്കല ഇലകമൺ സ്വദേശി ബെയ്​സിലാണ്​ മകൻ ലെൻ ബെയ്​സിലി​െൻറ പ്രായത്തെ വെല്ലുന്ന മനസ്സാന്നിധ്യം കൊണ്ട്​ ജീവിതം തിരിച്ചുപിടിച്ചത്​​. ഡോക്​ടർമാരെയും ബന്ധുക്കളെയും അതിശയിപ്പിച്ച തിരിച്ചുവരവ്​. 
വിഷുദിനമായ ഏപ്രിൽ​ 14നായിരുന്നു പരിഭ്രാന്തിയും ദുഃഖവും തിരയടിച്ച ആ സംഭവമുണ്ടായത്​. ​​

ബെയ്​സിലും മൂത്ത മകൻ ലെൻ ബെയ്​സിലും വിഷുസദ്യ കഴിച്ച ശേഷം ഉച്ചക്ക്​ 2.30ഒാടെ അബൂദബി അൽ ബതീൻ ബീച്ചിലേക്ക്​ കുളിക്കാനായി പോയി. ഭാര്യ മിമിയും ഇളയ മകൻ റോയ്​സ്​ ബെയ്​സിലും നാട്ടിലായിരുന്നു.  ബീച്ചിൽ അത്ര തിരക്കില്ലായിരുന്നു ആ നേരത്ത്​. അച്​ഛനും മകനും കടലിലിറങ്ങി നീന്തി. നന്നായി നീന്തലറിയുന്നവരാണ്​ ഇരുവരും. പോകാവുന്ന പരിധി അടയാളപ്പെടുത്തി ​െകട്ടിയ കയർ വരെ ഇരുവരും മുന്നോട്ടുപോയി. അഞ്ച്​ മിനിറ്റോളം അവിടെനിന്ന ശേഷം തിരിച്ചുനീന്തി. ലെൻ മുന്നിലും ബെയ്​സിൽ പിന്നിലുമായിരുന്നു​. 30 മീറ്ററോളം നീന്തിയപ്പോൾ വലതു കാൽ അടിയിലേക്ക്​ താഴ്​ന്നുപോയതായി ബെയ്​സിൽ പറയുന്നു. കാലിന്​ കോച്ചലോ ഉളുക്കോ ഒന്നും സംഭവിച്ചിരുന്നില്ല. പെ​െട്ടന്നുണ്ടായ അടിയൊഴുക്കായിരിക്കാം കാരണം.

അപകടം മനസ്സിലാക്കിയ അദ്ദേഹം കൈ കൊണ്ട്​ തീരത്തുണ്ടായിരുന്ന ജീവൻരക്ഷാ പ്രവർത്തകരുടെ ശ്രദ്ധ ആകർഷിക്കാൻ ശ്രമിച്ചെങ്കിലും വിജയിച്ചില്ല. രണ്ട്​ തവണ മുങ്ങിപ്പൊങ്ങിയപ്പോഴും ഇതിന്​ ശ്രമിച്ചു. ഇതിനിടെ വായിലൂടെയും മൂക്കിലൂടെയും വെള്ളം കയറി അബോധാവസ്​ഥയിലേക്ക്​ നീങ്ങി. മരണത്തിനും ജീവിതത്തിനുമിടയിലെ അതിർത്തി സഞ്ചാരങ്ങൾക്ക്​ ശേഷം ബന്ധുക്കളും ആശു​പത്രി ജീവനക്കാരും പറഞ്ഞാണ്​ ബെയ്​സിൽ അറിഞ്ഞത്​.
മൂന്നാം തവണ മുങ്ങിപ്പൊങ്ങിയപ്പോഴായിരിക്കണം ലെൻ അച്​ഛനെ ശ്രദ്ധിച്ചത്​. ഒരു കൈ താഴ്​ന്നുപോകുന്നത്​ മാത്രമാണ്​ അവൻ കണ്ടത്​. ഉടൻ തിരിച്ചുനീന്തി അച്​ഛനെ കൈകളിൽ താങ്ങി.

ജീവൻരക്ഷാ പ്രവർത്തകരെ ഉച്ചത്തിൽ വിളിച്ചു. വിളി​േകട്ട അവർ ​േബാട്ടുമായെത്തി ഇരുവരെയും കരയിലെത്തിച്ചു. അടിയന്തര സന്ദേശം നൽകിയതിനാൽ ആംബുലൻസ്​ കുതിച്ചെത്തി ബെയ്​സിലിനെ ശൈഖ്​ ഖലീഫ ആശുപത്രിയിലേക്ക്​ കൊണ്ടുപോയി. ശ്വാസകോശത്തിൽ ഉപ്പുവെള്ളം കയറിയതിനാൽ രക്ഷപ്പെടുത്തൽ അതി ദുഷ്​കരമെന്ന്​ തന്നെ ഡോക്​ടർമാർ കരുതി. 72 മണിക്കൂറിനകം മാറ്റം കണ്ടില്ലെങ്കിൽ മരണം സ്​ഥിരീകരിക്കാനുള്ള പരിശോധനകളിലേക്ക്​ നീങ്ങാനായിരുന്നു തീരുമാനം.

എന്നാൽ, ആശുപത്രിയിൽ പ്രവേശിപ്പിച്ച്​ മൂന്നാം ദിനത്തിൽ ബെയ്​സിൽ കൈ പതിയെ ചലിപ്പിച്ചത്​ പ്രതീക്ഷയായി. എങ്കിലും മസ്​തിഷ്​ക സ്​കാനിങ്​ വേണ്ടിവരുമെന്ന്​ കരുതിയിരിക്കെയാണ്​ അത്​ഭുതകരമായി കണ്ണ്​ തുറക്കുകയും ​േബാധം തിരിച്ചുലഭിക്കുകയും ചെയ്​തത്​. പിന്നീട്​​ വളരെ വേഗത്തിലാണ്​ സുഖം പ്രാപിച്ചത്​. പത്തോ പന്ത്രണ്ടോ ദിവസം കൊണ്ട്​ സാധാരണ നില കൈവരിക്കാൻ സാധ്യതയുള്ളിടത്ത്​ മൂന്ന്​ ദിവസം കൊണ്ട്​ തന്നെ ബെയ്​സിൽ പൂർവസ്​ഥിതി പ്രാപിച്ചു. 
മുസഫയിൽ ദുബൈ ആസ്​ഥാനമായ ലൂഫ്​സ്​ ഫയർ ആൻഡ്​ സേഫ്​റ്റി കമ്പനിയുടെ മാർക്കറ്റിങ്​ വിഭാഗത്തിൽ പ്രവർത്തിക്കുന്ന ബെയ്​സിൽ ഇപ്പോൾ വിശ്രമത്തിലാണ്​. രണ്ടാഴ്​ച കൂടി കഴിഞ്ഞാൽ ജോലിക്ക്​ കയറാനാകും.  ലെൻ അൽ വത്​ബ ഇന്ത്യൻ സ്​കൂളിൽ ആറാം ക്ലാസ്​ വിദ്യാർഥിയാണ്​. ഇളയ മകൻ റോയ്​സ്​ ഇതേ സ്​കൂളിൽ കിൻറർഗാർട്ടനിലും പഠിക്കുന്നു.  നൊസ്​റ്റാൾജിയ അബൂദബിയുടെ സജീവ പ്രവർത്തകനാണ്​ ബെയ്​സിൽ.

ഡോ. കൽപനയെ നന്ദിയോടെ സ്​മരിക്കുന്നു
അബൂദബി: ജീവിതത്തിലേക്കുള്ള മടക്കം സാധ്യമായതിന്​ കാരണക്കാരായ നിരവധിയാളുകളെ എണ്ണിപ്പറയാനുണ്ട്​ ബെയ്​സിലിന്​. ബീച്ചിലെ ജീവൻരക്ഷാ പ്രവർത്തകർ, ആംബുലൻസ്​ ജീവനക്കാർ, ആശുപത്രി ജീവനക്കാർ തുടങ്ങി നിരവധി പേരോടുള്ള നന്ദി അദ്ദേഹം പ്രകാശിപ്പിക്കുന്നു.  

മകൻ ലെന്നിനെ സമാശ്വാസിപ്പിക്കുകയും ത​​െൻറ ജീവനിൽ പ്രതീക്ഷ വളരെ കുറഞ്ഞ സാഹചര്യത്തിലും എല്ലാ വിധ ചികിത്സാ സംവിധാനങ്ങളും ഉപയോഗപ്പെടുത്തുകയും ചെയ്​ത ഡോ. കൽപനയെ ഒരിക്കലും മറക്കാനാവില്ലെന്ന്​ ബെയ്​സിൽ പറഞ്ഞു. അത്യപൂർവ സാഹചര്യങ്ങളിൽ ഉപയോഗിക്കുന്ന എക്​സ്​ട്ര കോർപോറിയൽ മെം​ബ്രൻസ്​ ഒാക്​സിജനേഷൻ സംവിധാനം (എക്​മോ) വരെ ചികിത്സയിൽ ഡോക്​ടർ ഉപ​േയാ​ഗപ്പെടുത്തി. ഒന്നര കൊല്ലത്തിന്​ ശേഷം ആദ്യമായാണ്​ ശൈഖ്​ ഖലീഫ ആശുപത്രിയിൽ ഇത്​ ഉപയോഗിക്കുന്നത്​.