തീപിടിച്ച വാഹനം: രക്ഷാപ്രവര്ത്തനം നടത്തിയവരെ സിവില് ഡിഫന്സ് ആദരിച്ചു
text_fieldsഅജ്മാന്: വാഹനത്തിനു തീപിടിക്കുന്നതുകണ്ട് രക്ഷാപ്രവര്ത്തനം നടത്തിയവര്ക്ക് ആദരം. അജ്മാന് സിവില് ഡിഫന്സ് വിഭാഗമാണ് തൊഴിലാളികളെ ആദരിച്ചത്. അജ്മാന് അൽ റുമൈല മേഖലയിലെ പാർക്കിങ് സ്ഥലത്തുണ്ടായ തീപിടിത്തം കണ്ട തൊഴിലാളികള് ദ്രുതഗതിയില് ഇടപെട്ട് തീ അണക്കുകയായിരുന്നു. സംഭവമറിഞ്ഞ് സിവില് ഡിഫന്സ് സ്ഥലത്തെത്തുന്നതിന് മുമ്പ് തൊഴിലാളികള് എഞ്ചിനിൽ നിന്നുപടര്ന്ന തീ നിയന്ത്രണ വിധേയമാക്കിയിരുന്നു. ഇവരുടെ ഇടപെടല് വാഹനത്തിന് കൂടുതല് കേടുപാട് സംഭവിക്കുന്നതും പാർക്ക് ചെയ്തിരുന്ന മറ്റ് കാറുകളിലേക്ക് തീപടരുന്നതും തടയുകയായിരുന്നു. പ്രദേശത്തെ മറ്റുള്ളവരുടെ സുരക്ഷ ഉറപ്പാക്കുന്നതിൽ കൃത്യമായ പങ്കുവഹിച്ചതിനാണ് തൊഴിലാളികളെ ആദരിച്ചതെന്ന് അജ്മാൻ സിവിൽ ഡിഫൻസ് ഡെപ്യൂട്ടി ഡയറക്ടർ ലെഫ്റ്റനൻറ് കേണൽ റഈദ് ഉബൈദ് അൽ സാബി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.