ക്ലൗഡ് സീഡിങ് വിജയകരം; അബൂദബി, അൽഐൻ മേഖലയിൽ മഴ

അബൂദബി: ക്ലൗഡ് സീഡിങ് വിജയകരമായതിനെ തുടർന്ന് ശനിയാഴ്ച അബൂദബി, അൽഐൻ മേഖലയിലെ പല പ്രദേശങ്ങളിലും മഴ പെയ്തു. അബൂദബി നഗരത്തിന്​ പുറത്തായിരുന്നു മഴ ലഭിച്ചത്.

ക്ലൗഡ് സീഡിങ്ങിനെ തുടർന്ന് നേരിയതും മിതമായതുമായ തോതിൽ മഴയുണ്ടാകുമെന്ന് നാഷനൽ സെൻറർ ഓഫ് മെട്രോളജി വ്യക്​തമാക്കി. ഏറ്റവും ചൂടേറിയ സ്ഥലങ്ങളിലൊന്നായ സൈ്വഹാനിൽ വാർഷിക മഴ ശക്തിപ്പെടുത്തുന്നതി​െൻറ ഭാഗമായാണ് ക്ലൗഡ് സീഡിങ് നടന്നത്. ജൂൺ ആറിന് 51.8 ഡിഗ്രി സെൽഷ്യസ് താപനില സൈ്വഹാനിൽ രേഖപ്പെടുത്തിയിരുന്നു. രാജ്യത്തെ ഏറ്റവും ഉയർന്ന പകൽ താപനില രേഖപ്പെടുത്തിയത്​ ഇവിടെയായിരുന്നു.