ദിബ്ബ ഇന്ത്യൻ സോഷ്യൽ ക്ലബിൽ കോൺസുലാർ സേവനം
text_fieldsഫുജൈറ: ഫുജൈറ ഇന്ത്യൻ സോഷ്യൽ ക്ലബ് ദിബ്ബ ശാഖയില് കോൺസുലാർ സേവനം ആരംഭിച്ചു. വൈസ് കോൺസുലാർ പാസ് പോർട്ട് ആശിഷ് ദബ്ബാസ്, കോൺസുലാർ ദിനേശ് സിങ് നെഗി എന്നിവരുടെ നേതൃത്വത്തിൽ കഴിഞ്ഞ ദിവസം ഇതുസംബന്ധിച്ച് പ്രഥമ സിറ്റിങ് നടന്നു. എല്ലാ മാസങ്ങളിലും ആദ്യ ഞായറാഴ്ച രാവിലെ പത്ത് മുതൽ പന്ത്രണ്ടു വരെയാണ് സർവിസ് ലഭ്യമാക്കുക. ദിബ്ബ മുനിസിപ്പാലിറ്റി അസി. ഡയറക്ടർ അഹമ്മദ് റാശിദ് അൽ ബിയ ഉദ്ഘാടനം ചെയ്ത ചടങ്ങിൽ ഐ.എസ്.സി ഫുജൈറ പ്രസിഡന്റ് മുഹമ്മദ് നസീറുദ്ദീൻ, കോൺസുൽ സെക്രട്ടറി അശോക് മുൽചന്ദാനി, ഹാഷിം തങ്ങൾ, അബ്ദുൽ അസീസ്, ദിബ്ബ ഐ.എസ്.സി പ്രസിഡന്റ് പി.പി. ഉമ്മർ, ജനറൽ സെക്രട്ടറി പ്രകാശ്, ട്രഷറർ അഷ്റഫ്, വൈസ് പ്രസിഡന്റുമാരായ നാസർ, സന്തോഷ്, റഫീഖ്, പി.ആർ.ഒ നസീർ, ഡോ. നജീബ്, ഡോ. സൈദലവി, ശ്യാം, ജോണി, രാജീവ്, മുഹമ്മദ് തുടങ്ങിയവർ സംബന്ധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.