കോപ് 28; എ​ന്തെ​ല്ലാം ച​ർ​ച്ച​യാ​കും?

ദു​ബൈ: കാ​ലാ​വ​സ്ഥ വ്യ​തി​യാ​ന​ത്തി​ന്‍റെ ദു​ര​ന്ത​ഫ​ല​ങ്ങ​ൾ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ പ്ര​കൃ​തി​ക്ഷോ​ഭ​ങ്ങ​ളാ​യും ക​ടു​ത്ത വ​ര​ൾ​ച്ച​യാ​യും ദൃ​ശ്യ​മാ​യ ഒ​രു വ​ർ​ഷ​ത്തി​ന്​ ശേ​ഷ​മാ​ണ്​ യു.​എ​ൻ കാ​ലാ​വ​സ്ഥ ഉ​ച്ച​കോ​ടി​ക്ക്​ ദു​ബൈ​യി​ൽ വേ​ദി​യൊ​രു​ങ്ങു​ന്ന​ത്.

കാ​ലാ​വ​സ്ഥ വ്യ​തി​യാ​ന​ത്തെ നേ​രി​ടാ​ൻ പൊ​തു​ത​ത്ത്വ​ങ്ങ​ൾ രൂ​പ​പ്പെ​ട​ണ​മെ​ന്ന ആ​വ​ശ്യം ലോ​ക​രാ​ജ്യ​ങ്ങ​ൾ​ക്കെ​ല്ലാ​മു​ണ്ട്. ഇ​തി​നാ​യി സ്വീ​ക​രി​ക്കേ​ണ്ട പ്രാ​യോ​ഗി​ക സ​മീ​പ​ന​ങ്ങ​ളി​ൽ അ​ഭി​പ്രാ​യാ​ന്ത​ര​ങ്ങ​ൾ നി​ല​വി​ലു​ണ്ട്. ഫോ​സി​ൽ ഇ​ന്ധ​ന​ങ്ങ​ൾ ഘ​ട്ടം​ഘ​ട്ട​മാ​യി നി​ർ​ത്ത​ണോ, വി​ക​സ്വ​ര രാ​ജ്യ​ങ്ങ​ളി​ലെ ഊ​ർ​ജ പ​രി​വ​ർ​ത്ത​ന​ത്തി​ന് എ​ങ്ങ​നെ ധ​ന​സ​ഹാ​യം ന​ൽ​ക​ണം തു​ട​ങ്ങി​യ ത​ർ​ക്ക​വി​ഷ​യ​ങ്ങ​ൾ അ​ട​ക്കം ചൂ​ട​റേി​യ വി​ഷ​യ​ങ്ങ​ളാ​ണ്​ ഉ​ച്ച​കോ​ടി​യി​ൽ അ​വ​ത​രി​പ്പി​ക്കാ​നി​രി​ക്കു​ന്ന​ത്.

ബ​ഹു​ജ​ന​ങ്ങ​ൾ​ക്കും രാ​ഷ്ട്ര നേ​താ​ക്ക​ൾ​ക്കും ഇ​ട​യി​ൽ പ​രി​സ്ഥി​തി സം​ര​ക്ഷ​ണ ന​ട​പ​ടി​ക​ൾ ആ​വ​ശ്യ​മാ​ണെ​ന്ന വി​കാ​രം ശ​ക്​​ത​മാ​യ സാ​ഹ​ച​ര്യ​ത്തി​ൽ കോ​പ്​28​ലെ ച​ർ​ച്ച​ക​ൾ ലോ​കം പ്ര​തീ​ക്ഷ​യോ​ടെ​യാ​ണ്​ നോ​ക്കി​ക്കാ​ണു​ന്ന​ത്.

പ്ര​ധാ​ന വി​ഷ​യ​ങ്ങ​ൾ

1. കാ​ലാ​വ​സ്ഥാ ധ​ന​സ​ഹാ​യം

കാ​ലാ​വ​സ്ഥാ വ്യ​തി​യാ​ന​വും അ​തി​ന്റെ അ​ന​ന്ത​ര​ഫ​ല​ങ്ങ​ളും കൈ​കാ​ര്യം ചെ​യ്യു​ന്ന​തി​ന് വ​ലി​യ നി​ക്ഷേ​പം ആ​വ​ശ്യ​മാ​യി​വ​രും. ലോ​കം ക​ണ​ക്കു​കൂ​ട്ടി​യ​തി​നേ​ക്കാ​ൾ വ​ള​രെ കൂ​ടു​ത​ലാ​യി​രി​ക്കു​മി​തെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. ഐ​ക്യ​രാ​ഷ്ട്ര സ​ഭ​യു​ടെ ക​ണ​ക്ക​നു​സ​രി​ച്ച് വി​ക​സ്വ​ര രാ​ജ്യ​ങ്ങ​ൾ​ക്ക് 2030ഓ​ടെ ഓ​രോ വ​ർ​ഷ​വും കു​റ​ഞ്ഞ​ത് 200 ബി​ല്യ​ൺ ഡോ​ള​ർ ഇ​തി​ന്​ ആ​വ​ശ്യ​മാ​ണ്.

പ​ര​മ്പ​രാ​ഗ​ത ഊ​ർ​ജ​ത്തെ ശു​ദ്ധ​മാ​യ സ്രോ​ത​സ്സു​ക​ൾ ഉ​പ​യോ​ഗി​ച്ച് മാ​റ്റി​സ്ഥാ​പി​ക്കാ​നും ഫ​ണ്ടി​ങ്​ ആ​വ​ശ്യ​മാ​ണ്. കാ​ലാ​വ​സ്ഥ ദു​ര​ന്ത​ങ്ങ​ൾ മൂ​ലം ഇ​തി​ന​കം സം​ഭ​വി​ച്ച നാ​ശ​ന​ഷ്ട​ങ്ങ​ളു​ടെ ചെ​ല​വു​ക​ളു​മു​ണ്ട്. ഈ ​ഭീ​മ​മാ​യ തു​ക ക​ണ്ടെ​ത്തു​ന്ന​ത്​ സം​ബ​ന്ധി​ച്ച ച​ർ​ച്ച​ക​ൾ ഉ​ച്ച​കോ​ടി​യി​ലെ പ്ര​ധാ​ന ഭാ​ഗ​മാ​യി​രി​ക്കും.

2. കാ​ലാ​വ​സ്ഥാ പ്ര​വ​ർ​ത്ത​ന​ങ്ങ​ളു​ടെ വി​ല​യി​രു​ത്ത​ൽ

ആ​ഗോ​ള താ​പ​നി​ല ര​ണ്ട് ഡി​ഗ്രി സെ​ൽ​ഷ്യ​സി​ന് താ​ഴെ​യാ​യി പ​രി​മി​ത​പ്പെ​ടു​ത്തു​ക എ​ന്ന 2015ലെ ​പാ​രി​സ് ഉ​ട​മ്പ​ടി​യു​ടെ ല​ക്ഷ്യ​ത്തി​ലേ​ക്ക്​ ഓ​രോ രാ​ജ്യ​ങ്ങ​ളും ന​ട​ത്തി​യ പ്ര​വ​ർ​ത്ത​ന​ങ്ങ​ളു​ടെ പു​രോ​ഗ​തി​യു​ടെ ആ​ദ്യ​ഘ​ട്ട വി​ല​യി​രു​ത്ത​ലും ഉ​ച്ച​കോ​ടി​യു​ടെ അ​ജ​ണ്ട​യാ​ണ്. 2030ന​കം കൈ​വ​രി​ക്കേ​ണ്ട ല​ക്ഷ്യ​ങ്ങ​ളു​ടെ പു​രോ​ഗ​തി വി​ല​യി​രു​ത്തു​ന്ന സു​പ്ര​ധാ​ന ഘ​ട്ട​മാ​ണ്​ ഈ ​വ​ർ​ഷം.

3. ഫോ​സി​ൽ ഇ​ന്ധ​ന​ങ്ങ​ളു​ടെ ഭാ​വി

ഉ​ച്ച​കോ​ടി​യി​ലെ ഏ​റ്റ​വും ചൂ​ടേ​റി​യ ച​ർ​ച്ച​ക​ൾ ഫോ​സി​ൽ ഇ​ന്ധ​ന​ങ്ങ​ളു​ടെ ഭാ​വി​യെ കു​റി​ച്ചാ​യി​രി​ക്കും. കൂ​ടു​ത​ൽ കാ​ർ​ബ​ൺ പു​റ​ന്ത​ള്ളു​ന്ന ക​ൽ​ക്ക​രി, ഓ​യി​ൽ, ഗ്യാ​സ്​ എ​ന്നി​വ​യു​ടെ ഉ​പ​യോ​ഗം ഘ​ട്ടം​ഘ​ട്ട​മാ​യി നി​ർ​ത്ത​ലാ​ക്കാ​ൻ രാ​ജ്യ​ങ്ങ​ൾ പ്ര​തി​ജ്ഞാ​ബ​ദ്ധ​രാ​ക​ണ​മോ എ​ന്ന​തി​ലും ശ്ര​ദ്ധ കേ​ന്ദ്രീ​ക​രി​ച്ചേ​ക്കും. ക​ൽ​ക്ക​രി ഉ​പ​യോ​ഗം ഘ​ട്ടം​ഘ​ട്ട​മാ​യി കു​റ​ക്കാ​ൻ കോ​പ്​ 26ൽ ​രാ​ജ്യ​ങ്ങ​ൾ സ​മ്മ​തി​ച്ചി​രു​ന്നു. എ​ന്നാ​ൽ, എ​ല്ലാ ഫോ​സി​ൽ ഇ​ന്ധ​ന​ങ്ങ​ളും ഉ​പേ​ക്ഷി​ക്കാ​ൻ ധാ​ര​ണ രൂ​പ​പ്പെ​ട്ടി​ട്ടി​ല്ല.

അ​മേ​രി​ക്ക​യും യൂ​റോ​പ്യ​ൻ യൂ​നി​യ​നും മ​റ്റു പ​ല രാ​ജ്യ​ങ്ങ​ളും ഫോ​സി​ൽ ഇ​ന്ധ​ന​ങ്ങ​ൾ ഘ​ട്ടം​ഘ​ട്ട​മാ​യി നി​ർ​ത്താ​ൻ രാ​ജ്യ​ങ്ങ​ളെ പ്രേ​രി​പ്പി​ക്കു​ന്ന ക​രാ​റി​ന് ശ്ര​മി​ക്കു​ന്നു​ണ്ട്. എ​ന്നാ​ൽ, റ​ഷ്യ ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ ഫോ​സി​ൽ ഇ​ന്ധ​ന​ത്തി​ന്റെ ഘ​ട്ടം ഘ​ട്ട​മാ​യു​ള്ള നി​രോ​ധ​ന​ത്തെ എ​തി​ർ​ക്കു​മെ​ന്ന് നേ​ര​ത്തെ അ​റി​യി​ച്ചി​ട്ടു​ണ്ട്.

4. മ​ലി​നീ​ക​ര​ണം ത​ട​യാ​നു​ള്ള സാ​ങ്കേ​തി​ക വി​ദ്യ​ക​ൾ

യു.​എ.​ഇ​യും ഫോ​സി​ൽ ഇ​ന്ധ​ന​ങ്ങ​ളെ ആ​ശ്ര​യി​ക്കു​ന്ന മ​റ്റ് രാ​ജ്യ​ങ്ങ​ളും കാ​ർ​ബ​ൺ പു​റ​ന്ത​ള്ള​ൽ കു​റ​ക്കാ​ൻ സ​ഹാ​യി​ക്കു​ന്ന ന​വീ​ന സാ​ങ്കേ​തി​ക വി​ദ്യ​ക​ളി​ൽ ഉ​ച്ച​കോ​ടി​യി​ൽ ശ്ര​ദ്ധ കേ​ന്ദ്രീ​ക​രി​ക്കു​മെ​ന്ന്​ പ്ര​തീ​ക്ഷി​ക്ക​പ്പെ​ടു​ന്നു​ണ്ട്. ആ​ഗോ​ള കാ​ലാ​വ​സ്ഥാ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് എ​മി​ഷ​ൻ-​അ​ബേ​റ്റ്മെ​ന്റ് സാ​ങ്കേ​തി​ക വി​ദ്യ​ക​ൾ നി​ർ​ണാ​യ​ക​മാ​ണെ​ന്ന് ഇ​ന്റ​ർ​നാ​ഷ​ന​ൽ എ​ന​ർ​ജി ഏ​ജ​ൻ​സി വ്യ​ക്​​ത​മാ​ക്കി​യി​ട്ടു​ണ്ട്. എ​ന്നാ​ൽ ഇ​വ ചെ​ല​വേ​റി​യ​തും നി​ല​വി​ൽ വ​ലി​യ​തോ​തി​ൽ ഉ​പ​യോ​ഗി​ക്കു​ന്ന​തു​മ​ല്ല എ​ന്ന​ത്​ പ​രി​മി​തി​യാ​ണ്.

5. ശു​ദ്ധ ഊ​ർ​ജ​ശേ​ഷി വ​ർ​ധി​പ്പി​ക്ക​ൽ

2030ഓ​ടെ പു​ന​രു​പ​യോ​ഗ ഊ​ർ​ജ​ശേ​ഷി മൂ​ന്നി​ര​ട്ടി​യാ​ക്കാ​ൻ ല​ക്ഷ്യ​മി​ട്ടു​ള്ള പ​ദ്ധ​തി​ക​ൾ ഉ​ച്ച​കോ​ടി​യി​ൽ രാ​ജ്യ​ങ്ങ​ൾ പ​രി​ഗ​ണി​ച്ചേ​ക്കും. ചൈ​ന ഉ​ൾ​പ്പെ​ടെ​യു​ള്ള പ്ര​ധാ​ന സ​മ്പ​ദ്‌​വ്യ​വ​സ്ഥ​ക​ൾ ഇ​തി​ന​കം ത​ന്നെ പു​ന​രു​പ​യോ​ഗ ഊ​ർ​ജ ല​ക്ഷ്യ​ത്തെ പി​ന്തു​ണ​ക്കു​ന്ന​തി​നാ​ൽ ഇ​ക്കാ​ര്യ​ത്തി​ന്​ വ​ലി​യ പി​ന്തു​ണ ല​ഭി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ഔ​ദ്യോ​ഗി​ക ച​ർ​ച്ച​ക​ൾ​ക്ക് പു​റ​ത്ത് സ​ർ​ക്കാ​റു​ക​ളും ക​മ്പ​നി​ക​ളും സ്വ​ന്തം നി​ല​ക്കു​ള്ള പ്ര​ഖ്യാ​പ​ന​ങ്ങ​ളും ന​ട​ത്തും.