യു.എ.ഇയിൽ ഇന്ത്യക്കാരന്​ കൊറോണ​

ദുബൈ: യു.എ.ഇയിൽ ഒരാൾക്കുകൂടി കൊറോണ വൈറസ്​ ബാധ സ്ഥിരീകരിച്ചു. രോഗബാധയേറ്റ ഒരാളുമായി ഇടപഴകിയ ഇന്ത്യക്കാരനാണ ്​​ ഇപ്പോൾ രോഗം കണ്ടെത്തിയതെന്ന്​ ആരോഗ്യ^രോഗപ്രതിരോധ മന്ത്രാലയം അറിയിച്ചതായി യു.എ.ഇ വാർത്ത ഏജൻസി വാം വ്യ ക്തമാക്കി. ഇതോടെ രാജ്യത്ത്​ ​കൊറോണ വൈറസ്​ ബാധയുള്ളവരുടെ എണ്ണം എട്ടായി. രോഗം ബാധിച്ച 78കാരിയായ ചൈനീസ്​ സ്വദേശിനി പൂർണ സുഖം പ്രാപിച്ചതായി കഴിഞ്ഞ ദിവസം മന്ത്രാലയം വ്യക്തമാക്കിയിരുന്നു.

റിപ്പോർട്ട്​ ചെയ്യപ്പെട്ട എട്ടുകേസുകളിൽ ഏഴുപേരുടെയും ആരോഗ്യനില തൃപ്​തികരമാണെന്നും അവശേഷിക്കുന്നയാൾ വിദഗ്​ധ ഡോക്​ടർമാരുടെ നിരീക്ഷണത്തിലും പരിചരണത്തിലുമായി ​െഎ.സി.യുവിലാണെന്നും അധികൃതർ അറിയിച്ചു.

പരിശോധനകൾ, നിരീക്ഷണം തുടങ്ങിയ മുൻകരുതലുകൾ സ്വീകരിക്കുന്നുണ്ടെന്നും ജനം ആശങ്കപ്പെടേണ്ടെന്നും മന്ത്രാലയം വ്യക്തമാക്കി. രോഗപ്രതിരോധ പ്രവർത്തനങ്ങൾ ഫലപ്രദമായി നടപ്പാക്കുന്നുണ്ട്​. ആരോഗ്യകരമായ ജീവിതശീലങ്ങൾ പ്രാവർത്തികമാക്കുകയും രോഗങ്ങൾ പടരാൻ ഇടയാക്കുന്ന സാഹചര്യങ്ങൾ ഒഴിവാക്കുകയും വേണമെന്ന്​ മന്ത്രാലയം പൊതുജനങ്ങൾക്ക്​ മുന്നറിയിപ്പു നൽകി.