യു.എ.ഇയിലെ ആരോഗ്യപരിചരണ രംഗത്ത്​ ശ്രദ്ധനേടി ‘കോർടെക്സ്​’

ദുബൈ: അതിവേഗം വളരുന്ന യു.എ.ഇയിലെ ആരോഗ്യ രംഗത്ത്​ ശ്രദ്ധേയമായി കോർടെക്സ്​ ഹോസ്പിറ്റൽ മാനേജ്​മെന്‍റ്​ സിസ്റ്റം. ആരോഗ്യപരിചരണ രംഗത്ത്​ കാര്യക്ഷമതയും ഗുണനിലവാരവും ഉറപ്പുവരുത്തുന്ന സോഫ്​റ്റ്​വെയർ രോഗികളുടെ സംതൃപ്തി വർധിപ്പിക്കുന്ന സംവിധാനമെന്ന നിലയിൽ കൂടിയാണ്​ അതിവേഗം സ്വീകരിക്കപ്പെടുന്നത്​. രോഗികൾക്ക്​ വരിനിൽക്കുന്നതിന്‍റെയും പേപ്പർ വർക്കുകൾ പൂർത്തിയാക്കുന്നതിന്‍റെയും പ്രയാസങ്ങൾ ലഘൂകരിച്ച്​ അപ്പോയിൻറ്മെൻറ് ഷെഡ്യൂളിങും രജിസ്ട്രേഷനും അടക്കമുള്ളവ ഇതുവഴി എളുപ്പമാകും. കൃത്യതയിൽ വിട്ടുവീഴ്ച ചെയ്യാതെ ഉപയോക്തൃ സൗഹൃദത്തിന് മുൻഗണന നൽകുന്ന സംവിധാനത്തിൽ എമിറേറ്റ്‌സ് ഐ.ഡി സ്‌കാൻ ചെയ്ത്​ വാക്ക്-ഇൻ രജിസ്‌ട്രേഷൻ നടത്താം.

രോഗിപരിചരണത്തിൽ ഏറ്റവും പ്രധാനപ്പെട്ട ഭാഗമായ നഴ്​സിങ്​, ഡോക്ടർ സേവനങ്ങളെയും ഏറ്റവും മികച്ച സംവിധാനങ്ങളിലൂടെ കോർടെക്സ്​ ശക്​തിപ്പെടുത്തിയിട്ടുണ്ട്​. ടോക്കൻ കാളിങ്​ സംവിധാനം മുതൽ രോഗിയുടെ മുൻകാല വിവരങ്ങൾ ലഭിക്കുന്ന സംവിധാനം വരെ ഇതിലുൾപ്പെടും. ഇതുവഴി ഓരോ വ്യക്​തിക്കും പ്രത്യേകമായ ശ്രദ്ധ ഉറപ്പുവരുത്താനാകും. ഡോക്ടർമാർക്ക്, കോർടെക്സ് കേസ് മാനേജ്മെൻറിനും ക്ലിനിക്കൽ തീരുമാനമെടുക്കലിനും പ്ലാറ്റ്ഫോം ഒരുക്കിയിട്ടുണ്ട്​. ഡോക്ടർമാർക്ക് ആത്മവിശ്വാസത്തോടെ രോഗനിർണയം നടത്താനും വ്യക്തിഗത ചികിത്സാ പദ്ധതികൾ ആവിഷ്‌കരിക്കാനും കൃത്യമായ ഡോക്യുമെന്‍റേഷനും ടീമംഗങ്ങൾക്കിടയിൽ തടസ്സമില്ലാത്ത ആശയവിനിമയവും ഉറപ്പാക്കാനും സംവിധാനം വഴി കഴിയും.

ഇൻപേഷ്യൻറ് മൊഡ്യൂളിനുള്ളിൽ, ബെഡ് മാനേജ്‌മെൻറ്, നഴ്സിങ്​ പ്രോട്ടോക്കോളുകൾ, ഡിപ്പാർട്ട്‌മെൻറൽ വർക്ക്ഫ്ലോകൾ എന്നിവയിൽ കോർടെക്‌സ് അതിനൂതനമായ സംവിധാനമാണ്​ രൂപപ്പെടുത്തിയത്​. സംയോജിത ഫാർമസി, ഇൻഷുറൻസ് സംവിധാനങ്ങൾ, ഐ.പി മെഡിസിൻ ഓർഡറുകൾ, ഇൻഷുറൻസ് വർക്ക് ബെഞ്ചുകൾ എന്നിവ പ്രദർശിപ്പിക്കുന്ന നഴ്‌സ് ഡാഷ്‌ബോർഡുകളിലൂടെ കോർട്ടക്സ് സങ്കീർണമായ പ്രക്രിയകൾ ലളിതമാക്കുന്നു. മലാഫി, റിആയത്തി, നബീദ്, തത്​മീൻ തുടങ്ങിയ പ്ലാറ്റ്‌ഫോമുകളുമായി യോജിപ്പിച്ചതിനാൽ കോർടെക്സിൽ തടസ്സമില്ലാത്ത ഡാറ്റാ ഫ്ലോ ലഭ്യമായതിനാൽ വിവരങ്ങൾ ഫലപ്രദമായി ആക്‌സസ് ചെയ്യുന്നതിന് ആരോഗ്യകേന്ദ്രങ്ങൾ സൗകര്യമുണ്ടാകും.

പുതിയ സാങ്കേതികവിദ്യകളും വ്യവസായ രീതികളും സ്വീകരിച്ച്​ കോർടെക്സ്​ ഭാവിയിലെ ഏറ്റവും മികച്ച സംവിധാനമാണ്​ മേഖലക്ക്​ നൽകിവരുന്നത്​. ആരോഗ്യപരിപാലനത്തിലെ കാര്യക്ഷമതയിൽ കോർടെക്‌സ് ഹോസ്പിറ്റൽ മാനേജ്‌മെൻറ് സിസ്റ്റം യഥാർഥത്തിൽ ഒരു ഗെയിം ചേഞ്ചറായി മാറുകയാണ്​.