ചു​മ​യും പ​നി​യും പ​ട​രു​ന്നു

അ​ബൂ​ദ​ബി: ശൈ​ത്യ​കാ​ല​ത്തി​ന്‍റെ ക​ട​ന്നു​വ​ര​വോ​ടെ രാ​ജ്യ​ത്ത് പ​ക​ര്‍ച്ച​പ്പ​നി​യും ക​ടു​ത്ത ചു​മ​യും പ​ട​രു​ന്നു. പ​ക​ര്‍ച്ച​നി (ഇ​ന്‍ഫ്ലു​വ​ന്‍സ) വ്യാ​പ​ക​മാ​വു​ക​യാ​ണ്. കു​ട്ടി​ക​ളി​ലാ​ണ് രോ​ഗ​ബാ​ധ കൂ​ടു​ത​ലാ​യി പ​ട​രു​ന്ന​ത്.

മു​തി​ര്‍ന്ന​വ​രി​ല്‍ ക​ടു​ത്ത ചു​മ​യും ക​ഫ​ക്കെ​ട്ടും വ​ര്‍ധി​ച്ചി​ട്ടു​ണ്ട്. ആ​സ്ത്മ, ശ്വാ​സ​കോ​ശ രോ​ഗ​ങ്ങ​ള്‍ തു​ട​ങ്ങി​യ​വ ഉ​ള്ള​വ​രി​ല്‍ ഇ​ൻ​ഫ്ലു​വ​ന്‍സ എ, ​ബി, റെ​സ്പി​റേ​റ്റ​റി സെ​ന്‍സേ​ഷ​ന​ല്‍ വൈ​റ​സ് (ആ​ര്‍.​എ​സ്.​വി) തു​ട​ങ്ങി​യ വൈ​റ​സു​ക​ള്‍ കൂ​ടു​ത​ല്‍ പ്ര​ശ്‌​ന​ങ്ങ​ളാ​ണ് സൃ​ഷ്ടി​ക്കു​ന്ന​ത്. ദി​വ​സ​ങ്ങ​ള്‍ നീ​ളു​ന്ന ശ​ക്ത​മാ​യ പ​നി, ജ​ല​ദോ​ഷം, ത​ല​വേ​ദ​ന, ത​ല​ക​റ​ക്കം, തു​മ്മ​ല്‍, വി​ശ​പ്പി​ല്ലാ​യ്മ, ശ​രീ​ര​വേ​ദ​ന, ക​ഫ​ക്കെ​ട്ട്, ഛര്‍ദി, വ​യ​റി​ള​ക്കം തു​ട​ങ്ങി​യ ല​ക്ഷ​ങ്ങ​ളാ​ണ് രോ​ഗ​ബാ​ധി​ത​രി​ല്‍ കാ​ണു​ന്ന​ത്. ശ്വാ​സ​കോ​ശ രോ​ഗ​ങ്ങ​ളു​ള്ള​വ​ര്‍ക്ക് പ​ക​ര്‍ച്ച​നി​യും ചു​മ​യും സ്ഥി​തി കൂ​ടു​ത​ല്‍ ഗു​രു​ത​ര​മാ​ക്കും. മി​ക്ക ആ​ശു​പ​ത്രി​ക​ളും പ​ക​ര്‍ച്ച​പ്പ​നി ബാ​ധി​ച്ച​വ​രെ​ക്കൊ​ണ്ടു നി​റ​ഞ്ഞി​ട്ടു​ണ്ട്. പ​രി​ശോ​ധ​ന​യി​ല്‍ കോ​വി​ഡ് പോ​സി​റ്റി​വ് ആ​കു​ന്ന​വ​രു​മു​ണ്ട്. രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ കു​ട്ടി​ക​ളെ സ്‌​കൂ​ളു​ക​ളി​ല്‍ വി​ട​രു​തെ​ന്ന് അ​ധി​കൃ​ത​ര്‍ നേ​ര​ത്തെ അ​റി​യി​ച്ചി​ട്ടു​ണ്ട്. മാ​സ്‌​ക് ധ​രി​ച്ചും ശു​ചി​ത്വം പാ​ലി​ച്ചും മ​റ്റു​ള്ള​വ​രു​മാ​യി സ​മ്പ​ര്‍ക്ക​ത്തി​ല്‍ ഏ​ര്‍പ്പെ​ടാ​തെ​യും ശ്ര​ദ്ധി​ച്ചാ​ല്‍ പ​രി​ധി​വ​രെ പ​ക​ര്‍ച്ച​പ്പ​നി​യെ പ്ര​തി​രോ​ധി​ച്ചു നി​ര്‍ത്താ​മെ​ന്ന് ആ​രോ​ഗ്യ വി​ദ​ഗ്ധ​ര്‍ പ​റ​യു​ന്നു.

ത​ണു​ത്ത ഭ​ക്ഷ​ണ​വും വെ​ള്ള​വും പൂ​ര്‍ണ​മാ​യും ഒ​ഴി​വാ​ക്കി​യും കൃ​ത്യ​മാ​യി ആ​ഹാ​രം ക​ഴി​ച്ചും മ​തി​യാ​യ വി​ശ്ര​മ​മെ​ടു​ത്തും ഡോ​ക്ട​റു​ടെ നി​ര്‍ദേ​ശ പ്ര​കാ​രം മ​രു​ന്ന് ക​ഴി​ച്ചും ആ​രോ​ഗ്യ ശ്ര​ദ്ധ പു​ല​ര്‍ത്താം. ശൈ​ത്യ​കാ​ല​ത്ത് പൊ​തു​വേ ക​ണ്ടു​വ​രു​ന്ന രോ​ഗ​മാ​ണ് ഇ​ൻ​ഫ്ലു​വ​ന്‍സ. കോ​വി​ഡ് പ്ര​തി​രോ​ധ​ത്തി​ന്‍റെ ഭാ​ഗ​മാ​യി നി​യ​ന്ത്ര​ണ​ങ്ങ​ളും മാ​സ്‌​ക് ധ​രി​ച്ചി​രു​ന്ന​തു​മെ​ല്ലാം ക​ഴി​ഞ്ഞ വ​ര്‍ഷ​ങ്ങ​ളി​ല്‍ പ​ക​ര്‍ച്ച​പ്പ​നി വ്യാ​പി​ക്കു​ന്ന​തി​ല്‍ കു​റ​വു​വ​രു​ത്തി​യി​രു​ന്നു.

അ​സു​ഖം ശ്ര​ദ്ധ​യി​ൽ​പെ​ട്ടാ​ല്‍ അ​ടി​യ​ന്ത​ര ചി​കി​ത്സ തേ​ട​ലാ​ണ് പ്ര​ധാ​ന​മെ​ന്ന് ഡോ​ക്ട​ര്‍മാ​ര്‍ അ​ഭി​പ്രാ​യ​പ്പെ​ടു​ന്നു. സ​ര്‍ക്കാ​ര്‍, സ്വ​കാ​ര്യ ആ​ശു​പ​ത്രി​ക​ളി​ല്‍ ഫ്ലൂ ​വാ​ക്‌​സി​ന്‍ ല​ഭി​ക്കും. അ​ഞ്ചു​വ​യ​സ്സി​ൽ താ​ഴെ​യും 65 വ​യ​സ്സി​നു മു​ക​ളി​ലു​മു​ള്ള​വ​ര്‍, ഭി​ന്ന​ശേ​ഷി​ക്കാ​ര്‍, ഗു​രു​ത​ര രോ​ഗ​മു​ള്ള​വ​ര്‍, ഗ​ര്‍ഭി​ണി​ക​ള്‍ എ​ന്നി​വ​ര്‍ക്ക് വാ​ക്‌​സി​ന്‍ സൗ​ജ​ന്യ​മാ​ണ്. അ​ല്ലാ​ത്ത​വ​ര്‍ക്ക് 50 ദി​ർ​ഹ​മാ​ണ് ഫീ​സ്. ആ​റു​മാ​സ​ത്തി​നു മു​ക​ളി​ല്‍ പ്രാ​യ​മു​ള്ള​വ​ര്‍ക്ക് കു​ത്തി​വെ​പ്പെ​ടു​ക്കാം. ഒ​മ്പ​തു​വ​യ​സ്സി​നു താ​ഴെ​യു​ള്ള കു​ട്ടി​ക​ള്‍ക്ക് നാ​ല് ആ​ഴ്ച​യു​ടെ ഇ​ട​യി​ല്‍ ര​ണ്ട് ഡോ​സെ​ടു​ക്കാം.

ശ്വാ​സ ത​ട​സ്സം, ആ​സ്ത്മ പോ​ലു​ള്ള രോ​ഗ​ങ്ങ​ളു​ള്ള​വ​ര്‍ ഫ്ലൂ ​വാ​ക്‌​സി​നെ​ടു​ത്ത്, രോ​ഗം ഗു​രു​ത​ര​മാ​വാ​തി​രി​ക്കാ​ന്‍ ജാ​ഗ്ര​ത പാ​ലി​ക്ക​ണ​മെ​ന്ന് ആ​രോ​ഗ്യ വി​ദ​ഗ്ധ​ര്‍ ആ​വ​ശ്യ​പ്പെ​ട്ടു.