മൂന്നു കോടി ദിര്‍ഹം വിലവരുന്ന വ്യാജ ഉല്‍പന്നങ്ങള്‍ അജ്മാനില്‍ പിടികൂടി

അജ്മാന്‍: മൂന്നു​ കോടി ദിർഹം വിലമതിക്കുന്ന 120,000 വ്യാജ വസ്തുക്കൾ അജ്മാൻ പൊലീസ് പിടിച്ചെടുത്തു.അന്താരാഷ്​ട്ര ബ്രാൻഡുകളുടെ വ്യാപാരമുദ്ര വഹിക്കുന്ന വ്യാജ വസ്തുക്കൾ അജ്മാന്‍ കേന്ദ്രീകരിച്ച് വില്‍പനയുണ്ടെന്ന വിവരം ലഭിച്ചതിനെ തുടര്‍ന്ന് നടത്തിയ അന്വേഷണത്തിലാണ് ഇവ പിടികൂടിയത്.

അന്താരാഷ്​ട്ര ബ്രാൻഡുകളായ ഗുസി, ​േബാസ്​ ഹെർമെസ്​, ഡയർ, ഫെൻഡി, അഡിഡാസ്​, റോളക്​സ്​, വാൻ ക്ലീഫ്​ തുടങ്ങിയവയുടെ തനിപ്പകർപ്പാണ്​ പിടിച്ചവയിൽ ഏറെയും. തുകൽ ഉൽപന്നങ്ങൾ, വസ്ത്രങ്ങൾ, ആക്സസറികൾ, വാച്ചുകൾ, സൺഗ്ലാസുകൾ എന്നിവയാണ്​ പിടികൂടിയത്​. ഉൽപന്നങ്ങൾ കണ്ടുകെട്ടുകയും കടയുടമകൾക്കെതിരെ നിയമനടപടി സ്വീകരിക്കുകയും ചെയ്തതായി പൊലീസ് ഓപറേഷൻസ് ഡെപ്യൂട്ടി ഡയറക്ടർ ജനറൽ ബ്രിഗേഡിയർ ജനറൽ ഖാലിദ് മുഹമ്മദ് അൽ നുഐമി പറഞ്ഞു. വ്യാജ ഉല്‍പന്നങ്ങള്‍ക്കെതിരായ നടപടി തുടരുമെന്നും പൊലീസ് അറിയിച്ചു.