രക്തസാക്ഷികൾക്ക് അഭിവാദ്യം അർപ്പിച്ച് രാജ്യം
text_fieldsദുബൈ കെ.എച്ച്.ഡി.എ ആസ്ഥാനത്ത് സ്മരണ ദിനം ആചരിക്കുന്നു
ദുബൈ: രാജ്യത്തിനായി രക്തസാക്ഷിത്വം വഹിച്ചവരുടെ ഓർമകൾ വീണ്ടെടുത്ത് യു.എ.ഇ. രക്തസാക്ഷികളെ രാജ്യം ഒരിക്കലും മറക്കില്ലെന്ന് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം പറഞ്ഞു. വരും തലമുറകളും അവരെ മറക്കില്ലെന്നും അദ്ദേഹം ട്വിറ്ററിൽ കുറിച്ചു. രാജ്യത്തെ സംരക്ഷിക്കുന്നതിനിടയിൽ ജീവൻ നഷ്ടപ്പെട്ട രക്തസാക്ഷികൾക്ക് അഭിവാദ്യം അർപ്പിക്കുന്നതായി അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ് മുഹമ്മദ് ബിൻ സായിദ് ആൽ നെഹ്യാൻ പറഞ്ഞു. 2015 മുതലാണ് യു.എ.ഇ പ്രസിഡൻറ് ശൈഖ് ഖലീഫ സ്മരണ ദിനം ആചരിക്കാൻ ആഹ്വാനം ചെയ്തത്. 1971 നവംബർ 30നാണ് ഇറാനിയൻ സൈന്യവുമായുള്ള ഏറ്റുമുട്ടലിനിടെ ആദ്യമായി ഇമാറാത്തി സൈനികൻ കൊല്ലപ്പെട്ടത്. സാലിം സുഹൈൽ ഖമീസാണ് മരിച്ചത്. ഈ ദിവസമാണ് രാജ്യം സ്മരണ ദിനമായി ആചരിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.