കോവിഡ് പോരാളികളുടെ മക്കൾക്ക് സമ്മാനവുമായി അബൂദബി പൊലീസ്
text_fieldsഅബൂദബി: കോവിഡ് പ്രതിരോധത്തിൽ മുൻനിരയിൽ പ്രവർത്തിച്ച ആരോഗ്യപ്രവർത്തകരുടെ ഭവനങ്ങളിൽ സന്ദർശനം നടത്തി കുട്ടികൾക്ക് കൈനിറയെ സമ്മാനങ്ങൾ നൽകി അബൂദബി പൊലീസ്. ആരോഗ്യ സേവകരുടെ കുടുംബങ്ങൾക്ക് പ്രത്യേക കൃതജ്ഞതാ കത്തുകൾ കൈമാറുകയും ത്യാഗനിർഭരമായ സേവനങ്ങളെ അഭിനന്ദിക്കുകയും ചെയ്തു. സമൂഹ സുരക്ഷക്കും സംരക്ഷണത്തിനുമായി പ്രവർത്തിച്ച എല്ലാവരെയും പൊലീസ് അഭിനന്ദിച്ചു. കുട്ടികൾക്ക് സമ്മാനങ്ങൾ കൈമാറിയതിലൂടെ അവർക്ക് സന്തോഷം പകരുന്നതോടൊപ്പം ഇത്തരം പ്രവർത്തനത്തിെൻറ പ്രാധാന്യം വിളംബരം ചെയ്യാനും സാധിക്കും.
സമൂഹവും പൊലീസും തമ്മിലുള്ള ബന്ധം ദൃഢമാക്കുന്നതോടൊപ്പം സാമൂഹിക ഉത്തരവാദിത്തം പ്രോത്സാഹിപ്പിക്കാനുമുള്ള അബൂദബി പൊലീസിെൻറ താൽപര്യമാണിതെന്ന് മാനവ വിഭവശേഷി ഡയറക്ടർ മേജർ ജനറൽ സാലിം ഷഹീൻ അൽ നുഐമി പറഞ്ഞു. അബൂദബി പൊലീസിലെ എല്ലാ ടീമുകളും ഡോക്ടർമാർ, നഴ്സുമാർ, പാരാമെഡിക്കൽ സ്റ്റാഫുകൾ എന്നിവർ സാമൂഹിക സുരക്ഷ സംരക്ഷിക്കുന്നതിൽ വഹിച്ച ആത്മാർഥമായ പങ്കിനെ അഭിനന്ദിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.