അഞ്ചു സെക്കൻഡിൽ കോവിഡ്​ തിരിച്ചറിഞ്ഞ്​ സ്​കാനറുകൾ

ദുബൈ: കോവിഡ് രോഗികളെ കണ്ടെത്താൻ പ്രത്യേക സ്​കാനറുകൾ അബൂദബിയിൽ ഉപയോഗിച്ചു തുടങ്ങി. അഞ്ചുസെക്കൻഡിൽ രോഗം തിരിച്ചറിയാൻ കഴിയുന്ന അത്യാധുനിക ഫേഷ്യൽ സ്​കാനറാണ്​ ​മാളുകളിലും വിമാനത്താവളങ്ങളിലും ഉപയോഗിച്ചത്​. യാസ്​ ദ്വീപിലും മുസഫയിലും നടത്തിയ പരീക്ഷണം വിജയിച്ചതിനെ തുടർന്നാണ്​ സ്​കാനറുകൾക്ക്​ ആരോഗ്യ വകുപ്പ്​ അനുമതി നൽകിയത്​.

എല്ലാ കര-വ്യോമ പ്രവേശന കവാടങ്ങളിലും ഷോപ്പിങ്​ മാളുകൾ, ചില റെസിഡെൻഷ്യൽ ഏരിയകൾ എന്നിവിടങ്ങളിലും തിങ്കളാഴ്​ച മുതൽ പ്രവർത്തിപ്പിക്കുന്നുണ്ട്​. പരീക്ഷണാർഥം ഇരുപതിനായിരം പേരെ മുഖം സ്​കാൻ ചെയ്​ത്​ പരിശോധനക്ക്​ വിധേയമാക്കിയിരുന്നു. ഇത്​ 90 ശതമാനം വിജയകരമായതിനെ തുടർന്നാണ്​ കഴിഞ്ഞ ദിവസം മുതൽ കൂടുതൽ സ്​ഥലങ്ങളിൽ ഉപയോഗിച്ചു തുടങ്ങിയത്​. ഫൈവ്​ ജി ഫോൺ ആപ്പാണ്​ സ്​കാനിങ്ങിന്​ ഉപയോഗിക്കുന്നത്​. മുഖം സ്​കാനിങ്​ ചെയ്യു​േമ്പാൾ ശരിരോഷ്​മാവ്​, ഹൃദയമിടിപ്പ്, ഓക്​സിജ​െൻറ അളവ് എന്നിവ തിരിച്ചറിയാൻ കഴിയും.

കോവിഡ്​ നെഗറ്റിവ്​ ആണെങ്കിൽ പച്ചയും പോസിറ്റിവ്​ ആണെങ്കിൽ ചുവപ്പുമാണ്​ ആപ്പിൽ തെളിയുക. കോവിഡ്​ ബാധയുണ്ടെന്ന്​ കണ്ടെത്തിയവർക്ക്​ ഇത്തരം സ്​ഥലങ്ങളിൽ പ്രവേശനം നിഷേധിക്കുകയും 24 മണിക്കൂറിനകം പി.സി.ആർ ടെസ്​റ്റ്​ നടത്തുകയും ചെയ്യും. സ്​കാനർ ആപ്പ്​ അബൂദബിയിലെ ഇ.ഡി.ഇ റിസർച്ച്​ ഇൻസ്​റ്റിറ്റ്യൂട്ട്​ ലാബാണ്​ രൂപപ്പെടുത്തിയത്​.

പൊതുജനാരോഗ്യം സംരക്ഷിക്കുന്നതിനുള്ള എമിറേറ്റി​െൻറ പ്രതിബദ്ധതക്ക്​ അടിവരയിടുന്നതാണ്​ സ്​കാനറുകളുടെ ഉപയോഗമെന്ന്​ അബൂദബി ആ​രോഗ്യ വകുപ്പ്​ അണ്ടർ സെക്രട്ടറി ജമാൽ അൽ കാബി അറിയിച്ചു. യു.എ.ഇയിലെ മൂന്നിലൊന്ന്​ കോവിഡ്​ രോഗികൾക്ക്​ തീവ്രവ്യാപന ശേഷിയുള്ള ഡെൽറ്റാ വകഭേദമാണെന്ന്​ സർക്കാർ വ​ൃത്തങ്ങൾ കഴിഞ്ഞ ദിവസം വെളിപ്പെടുത്തിയിരുന്നു.

ജനിതകമാറ്റം സംഭവിച്ച വൈറസി​െൻറ വ്യാപനവും കോവിഡ്​ മാനദണ്ഡങ്ങൾ പാലിക്കാത്തതും വാക്​സിൻ സ്വീകരിക്കാത്തതുമാണ്​ മരണസംഖ്യയിൽ സമീപ ദിവസങ്ങളിൽ വർധനക്ക്​ കാരണമായതെന്നും ആരോഗ്യ വകുപ്പ്​ വക്​താവ്​ ​ഡോ. ഫരീദ അൽ ഹൊസാനി അറിയിച്ചു.ഈ സാഹചര്യത്തിൽ കർശനമായ സുരക്ഷ ഒരുക്കുന്നതി​െൻറ ഭാഗമായാണ്​ സ്​കാനറുകൾ അടക്കമുള്ള സജ്ജീകരണങ്ങൾ ഒരുക്കിയത്​.