ദുബൈ എക്​സ്​പോയിൽ കോവിഡ്​ നിയന്ത്രണം കർശനമാക്കി

ദുബൈ: സന്ദർശകരുടെ ആരോഗ്യ സുരക്ഷ കണക്കിലെടുത്ത്​ എക്​സ്​പോ 2020 ദുബൈയിൽ കോവിഡ്​ നിയന്ത്രണങ്ങൾ കർശനമാക്കി. ഒമിക്രോൺ വകഭേദം കൂടുതൽ രാജ്യങ്ങളിൽ വ്യാപിക്കുന്നതും കോവിഡ്​ കേസുകൾ കൂടുന്നതുമായ സാഹചര്യത്തിലാണ്​ മുൻകരുതൽ നടപടികൾ സ്വീകരിച്ചത്​.

വിശ്വമേളക്കെത്തുന്നവരെ പരിശോധിക്കാനുള്ള പി.സി.ആർ ടെസ്​റ്റിങ്​ കേന്ദ്രങ്ങളുടെ എണ്ണം വർധിപ്പിക്കുകയും എല്ലാ ദിവസവും സംഘടിപ്പിക്കുന്ന പരേഡ്​ ഒഴിവാക്കാനും തീരുമാനിച്ചതാണ്​ പ്രധാന മാറ്റം. എക്​സ്​പോയിൽ പ്രവർത്തിക്കുന്ന മുഴുവൻ പവലിയനുകളിലെയും ജീവനക്കാരെ സൗജന്യമായി പരിശോധിക്കാനും തീരുമാനിച്ചിട്ടുണ്ട്​.