ക്രെ​ഡി​റ്റ് കാ​ര്‍ഡ് ത​ട്ടി​പ്പ്: തു​ര്‍ക്കി​യ യാ​ത്ര​യി​ല്‍ മ​ല​യാ​ളി​ക്ക് ന​ഷ്ട​മാ​യ​ത് ല​ക്ഷ​ങ്ങ​ള്‍

റാ​സ​ല്‍ഖൈ​മ: ഓ​ണ്‍ലൈ​ന്‍ പ​ണ​മി​ട​പാ​ടു​ക​ളി​ലും ഡെ​ബി​റ്റ്-​ക്രെ​ഡി​റ്റ് കാ​ര്‍ഡ് കൈ​കാ​ര്യം ചെ​യ്യു​ന്ന​തി​ലും അ​തി​ജാ​ഗ്ര​ത പു​ല​ര്‍ത്ത​ണ​മെ​ന്ന സ​ന്ദേ​ശ​മാ​ണ് തൃ​ശൂ​ര്‍ പു​ന്ന​യൂ​ര്‍ക്കു​ളം സ്വ​ദേ​ശി ശ​ക്കീ​ര്‍ അ​ഹ​മ്മ​ദി​ന്‍റെ തു​ര്‍ക്കി​യ യാ​ത്ര​യി​ലെ ദു​ര​നു​ഭ​വം ന​ല്‍കു​ന്ന​ത്. ക​ര്‍ശ​ന ജാ​ഗ്ര​ത കൈ​ക്കൊ​ള്ളു​ന്ന​യാ​ളാ​യി​ട്ടു​കൂ​ടി ക്രെ​ഡി​റ്റ് കാ​ര്‍ഡി​ല്‍നി​ന്ന് പ​ണം ക​വ​ര്‍ച്ച ചെ​യ്യ​പ്പെ​ട്ടു​വെ​ന്ന​ത് ഡി​ജി​റ്റ​ല്‍ പ​ണ​മി​ട​പാ​ടു​ക​ള്‍ ന​ട​ത്തു​ന്ന​വ​രെ​യെ​ല്ലാം ഞെ​ട്ടി​ക്കു​ന്ന​താ​ണ്.

22,000 ദി​ര്‍ഹ​മാ​ണ് ഒ.​ടി.​പി ക​ണ്‍ഫ​ര്‍മേ​ഷ​ന്‍ പോ​ലു​മി​ല്ലാ​തെ മൂ​ന്ന് വ്യാ​ജ ഇ​ട​പാ​ടു​ക​ളി​ലൂ​ടെ കാ​ര്‍ഡി​ല്‍നി​ന്ന് പി​ന്‍വ​ലി​ക്ക​പ്പെ​ട്ട​തെ​ന്ന് യു.​എ.​ഇ​യി​ലെ സം​രം​ഭ​ക​ന്‍കൂ​ടി​യാ​യ ശ​ക്കീ​ര്‍ അ​ഹ​മ്മ​ദ് ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. യു.​എ.​ഇ കേ​ന്ദ്ര​മാ​യു​ള്ള ബാ​ങ്കി​ന്‍റെ ക്രെ​ഡി​റ്റ് കാ​ര്‍ഡാ​ണ് കു​ടും​ബ​വു​മൊ​ത്തു​ള്ള യാ​ത്ര​യി​ല്‍ കൈ​യി​ല്‍ ക​രു​തി​യി​രു​ന്ന​ത്. താ​മ​സ​സ്ഥ​ല​ത്തെ വി​ശ്ര​മ​വേ​ള​യി​ല്‍ രാ​ത്രി 11.50ന് ​ശേ​ഷം നാ​ല് മി​നി​റ്റു​ക​ള്‍ക്കു​ള്ളി​ലാ​ണ് പ​ണം പി​ന്‍വ​ലി​ക്ക​പ്പെ​ട്ട​ത്. ഉ​ട​ൻ ബാ​ങ്കി​ല്‍ വി​വ​ര​മ​റി​യി​ക്കു​ക​യും തു​ര്‍ക്കി​യ പൊ​ലീ​സി​ല്‍ പ​രാ​തി​യും ന​ല്‍കി. ന​ട​ന്ന മൂ​ന്ന് വി​നി​മ​യ​ങ്ങ​ളി​ല്‍ ഒ​ന്ന് ഇ​സ്തം​ബൂ​ളി​ലാ​ണെ​ന്ന് പൊ​ലീ​സ് സ്ഥി​രീ​ക​രി​ച്ചു. മ​റ്റ് ര​ണ്ടെ​ണ്ണം തു​ര്‍ക്കി​യ​യി​ല്‍ അ​ല്ലെ​ന്നും കൂ​ടു​ത​ല്‍ അ​ന്വേ​ഷ​ണ​ത്തി​നാ​യി ബാ​ങ്ക്​ സ്​​റ്റേ​റ്റ്​​മെ​ന്‍റ്​ ന​ല്‍ക​ണ​മെ​ന്നും പൊ​ലീ​സ് ആ​വ​ശ്യ​പ്പെ​ട്ടു.

ബാ​ങ്കു​മാ​യി ബ​ന്ധ​പ്പെ​ട്ട​പ്പോ​ള്‍ ഉ​ട​ൻ വി​വ​രം ല​ഭി​ക്കി​ല്ലെ​ന്ന​റി​ഞ്ഞു. സ്റ്റേ​റ്റ്മെ​ന്‍റ്​ വ​രു​ന്ന തീ​യ​തി​യി​ല്‍ മാ​ത്ര​മേ കൃ​ത്യ​മാ​യ വി​വ​രം ത​ങ്ങ​ള്‍ക്കും ല​ഭി​ക്കു​ക​യു​ള്ളൂ. ത​ങ്ങ​ള​ല്ല, വി​സ-​മാ​സ്റ്റ​ര്‍ പ്രൊ​വൈ​ഡ​ര്‍മാ​രാ​ണ് ക്രെ​ഡി​റ്റ് കാ​ര്‍ഡു​ക​ള്‍ വ​ഴി​യു​ള്ള പ​ണ വി​നി​മ​യ ഇ​ട​പാ​ടു​ക​ള്‍ കൈ​കാ​ര്യം ചെ​യ്യു​ന്ന​ത്. പ​രാ​തി​യി​ല്‍ നി​ജ​സ്ഥി​തി തെ​ളി​യു​ന്ന​മു​റ​ക്ക് ബാ​ങ്ക് പ​ണം തി​രി​കെ ന​ല്‍കു​മെ​ന്നു​മാ​യി​രു​ന്നു യു.​എ.​ഇ​യി​ലെ ബാ​ങ്കി​ല്‍നി​ന്ന് ല​ഭി​ച്ച മ​റു​പ​ടി.

എ​ന്നാ​ൽ, തു​ര്‍ക്കി​യ പൊ​ലീ​സ് മ​ണി​ക്കൂ​റു​ക​ള്‍ക്കു​ള്ളി​ല്‍ വ്യാ​ജ ഇ​ട​പാ​ട് ന​ട​ത്തി​യ​വ​രി​ല്‍ നി​ന്നും ആ​ദ്യ ഇ​ട​പാ​ടി​ല്‍ ന​ഷ്ട​മാ​യ 3250 യൂ​റോ ഈ​ടാ​ക്കു​ക​യും പൊ​ലീ​സ് സ്റ്റേ​ഷ​നി​ല്‍ വെ​ച്ച് ത​ന്നെ തു​ക കൈ​യി​ല്‍ ത​രു​ക​യും ചെ​യ്തു. മ​റ്റ് ര​ണ്ട് ഇ​ട​പാ​ടു​ക​ളും ന​ട​ന്നി​രി​ക്കു​ന്ന​ത് തു​ര്‍ക്കി​യ​ക്ക് പു​റ​ത്താ​യ​തി​നാ​ല്‍ ഒ​ന്നും ചെ​യ്യാ​നാ​കി​ല്ലെ​ന്ന​റി​യി​ച്ചു. യു.​എ.​യി​ല്‍ തി​രി​കെ​യെ​ത്തി ര​ണ്ടാ​മ​ത്തെ ദി​വ​സം മ​റ്റൊ​രു ബാ​ങ്കി​ന്‍റെ ക്രെ​ഡി​റ്റ് കാ​ര്‍ഡി​ല്‍നി​ന്നും സ​മാ​ന​മാ​യ വ്യാ​ജ ഇ​ട​പാ​ട് ന​ട​ന്നു. 3890ഉം 1800​ഉം ദി​ര്‍ഹം ദു​ബൈ മേ​ൽ​വി​ലാ​സ​ത്തി​ലു​ള്ള ക​മ്പ​നി​യി​ലേ​ക്ക് കൈ​മാ​റ്റം ന​ട​ന്ന​താ​യാ​ണ് സ​ന്ദേ​ശം ല​ഭി​ച്ച​ത്.

ഇ​ട​പാ​ട് ന​ട​ത്തി​യ ക​മ്പ​നി​യു​ടെ വി​ലാ​സം വെ​ച്ച് വെ​ബ്സൈ​റ്റി​ലെ അ​ന്വേ​ഷ​ണ​ത്തി​ല്‍ ക​മ്പ​നി​യും വി​ലാ​സ​വും ഫോ​ണ്‍ ന​മ്പ​റും വ്യാ​ജ​മാ​ണെ​ന്ന് സ്ഥി​രീ​ക​രി​ച്ചു. ബാ​ങ്കു​മാ​യി നി​ര​ന്ത​രം ബ​ന്ധ​പ്പെ​ട്ട​തി​നൊ​ടു​വി​ല്‍ തു​ക താ​ല്‍ക്കാ​ലി​ക ക്രെ​ഡി​റ്റാ​യി ല​ഭി​ച്ചു. അ​ന്വേ​ഷ​ണ​ത്തി​ന് ശേ​ഷം ക്രെ​ഡി​റ്റ് തു​ക സ്ഥി​ര​പ്പെ​ടു​ത്തു​ക​യോ തി​രി​ച്ചു​പി​ടി​ക്കു​ക​യോ ചെ​യ്യു​മെ​ന്നു​മാ​ണ് ബാ​ങ്ക് അ​റി​യി​ച്ച​തെ​ന്ന്​ ശാ​കി​ർ പ​റ​ഞ്ഞു.